Germán García
Germán García (23 d'ochobre de 1970, Uviéu) ye un ilustrador y dibuxante asturianu de cómic.
Germán García | |
|---|---|
| Vida | |
| Nacimientu | Uviéu, 23 d'ochobre de 1970[1] (54 años) |
| Nacionalidá |
 España |
| Estudios | |
| Llingües falaes | castellanu |
| Oficiu | historietista |
 | |
Biografía
editarGermán García estudió Diseñu gráficu na Escuela d'Artes Aplicaes y Oficios Artísticos d'Uviéu, especializándose n'ilustración. El so primer trabayu (Hogar, dulce hogar) vio la lluz na revista xixonesa El Wendigo, en 1992. Depués de ganar los premios al meyor cómic na Selmana Negra (1991, 1992) y el Premiu Urriellu (1993), autoeditóse (dientro de la cooperativa Cactus Comics) los cuatro números de La Quimera Verde (1993).[2]
En 1995 publicó dos series: Trop, n'"El Gomeru" (Trabe Ed.) y, yá a nivel nacional, Botas y Tacos n'"El Víbora" (La Cúpula).
Nomáu como meyor autor revelación nel Salón Internacional de Cómic de Barcelona en 1996, entamó al añu siguiente la so serie más conocida, col personaxe femenín "Tess Tinieblas". Depués de siete entregues abandonóla pa dar el saltu al mercáu americanu, onde debutó en marzu de 1998 col númberu 78 de "Cable", escritu por Joe Casey. Ellí llegó depués de contautar, nel añu 1997, con Steve Rude nel marcu del festival del cómic d'Avilés[3] Depués de dibuxar dellos númberos de "X-Men" y "Action Comics", abandonó'l mundu del cómic.
Referencies
editar- ↑ Afirmao en: Lambiek Comiclopedia. Identificador Lambiek Comiclopedia: g/garcia_german. Apaez como: Germán García. Data de consulta: 9 ochobre 2017. Editorial: Lambiek. Llingua de la obra o nome: inglés. Data d'espublización: 1r payares 1999.
- ↑ Azpitarte, Koldo (03/2011). Dibujando superhéroes. Segunda folada: Avilés en "Dolmen" núm. 185, pp. 45 a 46.
- ↑ Faustino R. ARBESÚ: La Historieta Asturiana. El Wendigo, Xixón. Páxina 339
Enllaces esternos
editar- Germán García, "Asturieta"
- Germán García Archiváu 2012-04-19 en Wayback Machine, "Ui Ar de Japis"
Datos: Q8963934
