Gertrude Messinger

actriz estauxunidense (1911–1995)

Gertrude Messinger (28 d'abril de 1911Spokane – 8 de payares de 1995Woodland Hills), dacuando llamada Gertrude Messenger y tamién conocida como Gertie Messinger, foi una actriz cinematográfica de serie B de les décades de 1930 a 1950.

Gertrude Messinger
Vida
Nacimientu Spokane28 d'abril de 1911[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Woodland Hills8 de payares de 1995[1] (84 años)
Sepultura Forest Lawn Memorial Park
Causa de la muerte neumonía
Familia
Casada con Dave Sharpe (1932 – 1936)
Estudios
Llingües falaes inglés
Oficiu actrizactriz de cine
IMDb nm0582211
Cambiar los datos en Wikidata

Biografía editar

El so nome completu yera Gertrude Emma Messinger, y nació en Spokane (Washington). Empezó ceo nel mundu del espectáculu, interpretando papeles infantiles en películes mudes yá en 1917, cuando tuvo un papel en Babes in the Woods.

Na década de 1930 la so carrera desapegó, trabayando con actores como Bob Steele, Lane Chandler, y Harry Carey. Los sos primeros papeles protagonistes llegaron en 1932, cuando trabayó xunto a Bob Steele en Riders of the Desert, y con Lane Chandler en Lawless Valley. En 1934 trabayó na que posiblemente foi la so meyor película, Anne of Green Gables, protagonizada por Dawn O'Day. El so añu más activu foi 1935, trabayando en nueve film, destacando ente ellos The Fighting Pilot, con Richard Talmadge, y Wagon Trail, xunto a Harry Carey.

Messinger tuvo casada, de volao, col especialista cinematográficu Dave Sharpe a finales de los años trenta. Ella casaríase darréu col operador de cámara Schyler Sanford, ganador d'un Premiu Óscar pol so trabayu na película Around the World in Eighty Days.

La so carrera tornó considerablemente nos años cuarenta, pero siguió actuando hasta la década de 1950, principalmente en papeles ensin creitos. La so última actuación rexistrada en creitos foi nel filme de 1949 Joe Palooka in the Counterpunch. La película que punxo fin a la so carrera foi The Greatest Show on Earth (1952). De toles producciones nes qu'intervieno, 11 fueron del xéneru western, siendo conocida principalmente poles mesmes.

Gertrude Messinger finó por causa d'una neumonía en 1995 en Woodland Hills (Los Angeles), California.

Referencies editar

Referencies editar

  1. 1,0 1,1 Afirmao en: Internet Movie Database. Identificador IMDb: nm0582211. Data de consulta: 21 xunetu 2016. Llingua de la obra o nome: inglés.

Enllaces esternos editar