Abrir el menú principal

Gliese 542 (HD 125072 / HIP 69972 / SAO 241627)[1] ye una estrella na constelación del Centauru de magnitú aparente +6,66. Alcuéntrase a 38,6 años lluz del Sistema Solar.

Gliese 542
Constelación Centaurus
Ascensión reuta α 14h 19min 04,83s
Declinación δ -59º 22’ 44,5’’
Distancia 38,6 ± 0,4 años-lluz
Magnitú visual +6,66
Magnitú absoluta +6,29
Lluminosidá 0,33 soles
Temperatura 5007 K
Masa 0,82 - 1,13 soles
Radiu 0,79 soles
Tipu espectral K3V
Velocidá radial -14,9 km/s

Anque Gliese 542 figura catalogada como subxigante na base de datos SIMBAD,[1] apaez como nana naranxa de tipu espectral K3 V na base de datos ARICNS.[2] Con una temperatura efectivo de 5007 K,[3] relluma con una lluminosidá que correspuende al 33% de la lluminosidá solar.[4] Tien un diámetru equivalente al 79% del diámetru solar[5][4] —polo que si ye una subxigante paez tar pocu evolucionada—, ente que diversos estudios valoren la so masa ente 0,82[3] y 1,13 mases solares.[4] La so velocidá de rotación ye de 1,0 km/s, magar esta cifra ye namái una llende inferior, una y bones el valor real depende del enclín de la so exa al respective de la Tierra. La so edá envalórase en redol a los 7600 millones d'años.[4]

Gliese 542 ye una estrella rica en metales, pero nun esiste consensu tocantes a el so índiz de metalicidá. Dos estudios cifren la so bayura relativa de fierro ente un 51%[3] y un 78%[4] superior a la del Sol, pero un tercer estudiu establez una metalicidá tres veces mayor que la solar.[6]

Ver tamiénEditar

ReferenciesEditar