Gloria Winters
Gloria Winters (28 de payares de 1931, Los Angeles – 14 d'agostu de 2010, Vista) foi una actriz cinematográfica y televisiva d'Estaos Xuníos, conocida principalmente por interpreter a Penny King na serie de TV emitida nes décades de 1950 y 1960 Sky King.[3]
Gloria Winters | |
|---|---|
 | |
| Vida | |
| Nacimientu | Los Angeles, 28 de payares de 1931[1] |
| Nacionalidá |
 Estaos Xuníos |
| Llingua materna | inglés |
| Muerte | Vista, 14 d'agostu de 2010[2] (78 años) |
| Sepultura |
Fort Rosecrans National Cemetery (en)  |
| Causa de la muerte | neumonía |
| Estudios | |
| Llingües falaes | inglés |
| Oficiu | actriz, actriz de televisión, actriz de cine |
| IMDb | nm0403601 |
 | |
Biografía
editarIniciu
editarNacida en Los Angeles, California, el so verdaderu nome yera Gloria Carolyn Hirst. Criada nel Valle de San Fernando, más p'alantre treslladóse a Hollywood cola so familia. Inda neña y yá actriz, afirmaba debutar a los cinco años d'edá con un pequeñu papel nuna película de Shirley Temple. (Una fonte sostenía qu'ella actuara de neña nel filme de 1932 de Carole Lombard Virtue.)[4]
Darréu Winters actuó nun curtiu de Pete Smith y nun llargumetraxe de Our Gang. Winters tamién actuó n'escena y tomó clases de claqué, trabayando a finales de los años 1940 y entamos de los 1950 en westerns como Driftwood (1947) y «El Paso» (1949), y en series televisives como The Lone Ranger (El llaneru solitariu) y The Range Rider. Ente los sos filmes, la mayoría westerns, tamién s'inclúin The Lawless (1950)[4] y Gambling House (1950).
Winters foi Babs Riley na primer temporada de la sitcom de la NBC The Life of Riley (1949 a 1950), protagonizada por Jackie Gleason y Rosemary DeCamp. Otru de los sos personaxes foi Ruth Farley na sitcom de 1953-1955 de l'ABC Where's Raymond?, na que Verna Felton yera la so madre.
Sky King
editarEl papel más conocíu de Winters foi'l que llevó a cabu na serie Sky King, protagonizada por Kirby Grant, qu'encarnaba a Schuyler "Sky" King. Winters yera Penny King, y dambos vivíen nel Ranchu Flying Crown.[5] Ella interpretó'l papel en 72 episodios dende 1952 a 1959. Ron Hagerthy, de la mesma edá de Winters, actuó en diecinueve episodios en 1952 como Clipper King. Mientres Sky King, Winters y Kirby Grant actuaron nel circuitu de feries con un númberu cantáu y bailláu.
Otros papeles
editarMentanto, Winters tuvo papeles como artista convidada en series como Death Valley Days, The Jack Benny Show, Richard Diamond, Private Detective,[4] Racket Squad,[5] The Gene Autry Show (na que debutó como cantante en 1951 col episodiu "Warning! Danger!"), The Adventures of Wild Bill Hickok, Brave Eagle, Four Star Playhouse, General Electric Theater, Frontier Doctor, Judge Roy Bean, The Roy Rogers Show, y Sheriff of Cochise. Nel show de Jim Davis Stories of the Century, Winters interpretó a Little Britches, trabayando xunto a James Best nel papel de Dave Ridley.[6]
Mientres esi tiempu tamién trabayó nel cine, actuando en producciones como Hold That Line (1952), protagonizada por The Bowery Boys, y She Couldn't Say No.
Winters casóse con Dean Stevens Vernon (1926–2001),[7] un inxenieru de soníu de Sky King,[3] y dexó d'actuar en participando en 1960 nel show de Hugh O'Brian The Life and Legend of Wyatt Earp.[4]
Últimos años
editarEn 1964 Winters escribió Penny's Guide to Teen-Age Charm and Popularity, un llibru sobre etiqueta dedicáu a les moces nueves, y qu'inspiró en 1996 el cantar de la banda de rock alternativu Nada Surf "Popular."[5]
Cuando'l so home retiróse, el matrimoniu treslladóse a Vista, California. Él finó en 2001, y Winters en 2010, na so casa, por causa d'entueyos surdíos tres una neumonía.[8] Dambos tan soterraos nel Campusantu Nacional Fort Rosecrans de San Diego (California).[8]
En 2002 Winters fuera gallardoniada col premiu Golden Boot concedíu pola Motion Picture & Television Fund pol so trabayu en distintes películes y programes televisivos del xéneru western.[9][10]
Referencies
editar- ↑ Afirmao en: Find a Grave. Identificador Find a Grave: 57758870. Apaez como: Gloria Winters. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://www.legacy.com/obituaries/latimes/obituary.aspx?page=lifestory&pid=144904731.
- ↑ 3,0 3,1 "Passings: Gloria Winters-Vernon", Los Angeles Times, 27 d'agostu de 2010..
- ↑ 4,0 4,1 4,2 4,3 "Gloria Winters", FindAGrave.com..
- ↑ 5,0 5,1 5,2 Error de cita: La etiqueta
<ref>nun ye válida; nun se conseñó testu pa les referencies nomaesnyt - ↑ «Stories of the Century: "Little Britches", 17 de xunu de 1954». Internet Movie Database. Consultáu'l 16 de setiembre de 2012.
- ↑ [http://www.findagrave.com/cgi-bin/fg.cgi?page=gr&GRid=11654986"Dean Stevens Vernon" at FindAGrave.com.
- ↑ 8,0 8,1 "Obituary: Gloria Vernon-Winters", Legacy.com via the Los Angeles Times, 25 d'agostu de 2010..
- ↑ Golden Boot Awards: 2002
- ↑ «WebCitation archive». Archiváu dende l'orixinal, el 2011-07-11.
Enllaces esternos
editar
Datos: Q5571484
Multimedia: Gloria Winters
