Gran turismu

El términu gran turismu (GT) provién del Grand Tour que se desenvolvió dende'l sieglu XVII hasta la popularización del ferrocarril. La tradición d'añader les sigles GT al nome de los automóviles provién d'Italia, onde numberosos fabricantes nacionales, como Alfa Romeo y Ferrari, empezaron a usar diches sigles en dalgunos de los sos modelos. En 1951, el Lancia Aurelia B20 GT foi unu de los primeros n'apuntase a esa moda. Anguaño, suelse llamar "gran turismu" a los automóviles deportivos de cuatro places o 2+2, pesu total relativamente alto, motor delanteru central de gran potencia y distancia ente exes grande. Vale remarcar que non siempres tienen de ser vehículos de dos places: munchos grandes coupé pueden tener namái dos butaques y ser auténticos GT, yá que el so comportamientu asina lo diagrama.