Grupu Especial d'Operaciones

Grupu Especial d'Operaciones
Grupu Especial d'Operaciones
Activa	1977 - actualidá
País	España
Fidelidá	España
Caña	Policía Nacional
Función	Seguridá ciudadana

El Grupu Especial d'Operaciones (GEO, castellanu: Grupo Especial de Operaciones), conocíu popularmente como los geos (refiriéndose a los sos integrantes),^[1]^[2] ye la unidá d'élite del Cuerpu Nacional de Policía d'España especializada n'operaciones d'altu riesgu. Con sede en Guadalajara y allugaos en Madrid. Tamién tan presentes en dellos conflictos d'Oriente Mediu, yá sía pa protexer a ciudadanos y altes personalidaes españoles o en misiones de rescate de civiles.

El GEO tá, xunto cola Unidá Especial d'Intervención (UEI) de la Guardia Civil, integráu na Red ATLAS, qu'inclúi a toles unidaes especiales contraterroristes de los países que conformen la Xunión Europea. El GEO demostró a lo llongu de la so historia y operaciones l'alta preparación y cualificación que poseyen los sos miembros, tando ente les meyores unidaes d'operaciones especiales d'Europa y del mundiu.^[3] El GEO amás instruyó a unidaes especiales d'España y d'otros países, asina como impartío cursos y formación conxunta.

El GEO tien como armes reglamentaries una H&K USP Elite y la carabina G36C.

Historia

Miembros del GEO realizen un simulacru d'asaltu a un edificiu utilizando un vehículu URO VAMTAC equipáu con un MARS (sistema de rampla móvil axustable).

Miembros del GEO realicen un simulacru d'asaltu a un edificiu.

Miembros del GEO preparándose pa una prueba.

Miembros del GEO en plenu asaltu a un edificiu.

El GEO foi creáu por decisión del entós ministru del Interior Rodolfo Martín Villa, adoptada a les poques hores de qu'una unidá antiterrorista alemana llibrase, el 18 d'ochobre de 1977 nel aeropuertu de Mogadixu, un avión de Lufthansa secuestráu 5 díes enantes pol Frente de Lliberación de Palestina. La Inspeición Xeneral de la Policía Armada venía proponiendo la creación d'una unidá d'esti tipu dende munchu tiempu enantes, ensín llograr que'l Ministeriu l'aceutase. En la tarde d'aquel día, el capitán d'Infantería (D.E.M.) José Paredes Pedrosa, xefe de la Seición d'Operaciones del Estáu Mayor de la Inspeición, aprovechó la ocasión de que yera recibíu pol ministru pa recorda-y l'antigua propuesta, quien l'aceutó al momentu.

De la so creación y organización, como la de les restantes Unidaes de la Policía Armada entós creaes, ocupóse la Seición d'Operaciones yá dicha, entós al mandu del capitán Paredes, quien escueyó'l nome de Grupu Especial d'Operaciones (GEO), inspirándose na nomación de los esistentes Grupos d'Operaciones Especiales (GOEs) del Exércitu de Tierra.

El mandu de la unidá recién creada foi encamentáu al capitán d'Infantería Ernesto García-Quijada Romero, y como segundu xefe foi designáu'l capitán d'Inxenieros Juan Senso Galán, que sucedió nel mandu al anterior cuando finó nun accidente de tráficu. El capitán Senso tamién finaría en accidente de tráficu, en actu de serviciu, faciéndose cargu del mandu'l capitán d'Infantería Carlos Holgado Martín, que siguió exerciéndolu tres xubir a comandante. Xunto a los anteriores, los primeros oficiales de la unidá fueron los tenientes d'Infantería Enrique Esteban Pendas y Rafael Roel Fernández.

La idea de la necesidá d'un grupu d'esti tipu foi tomando forma nos cuerpos policiales, en respuesta al aumentu d'actos de violencia que asocedieron na década de los setenta, como'l secuestru y asesinatu de la delegación deportiva israelí na villa olímpica de Múnich nos Xuegos Olímpicos de 1972 y la siguiente masacre nel so aeropuertu. Esti aciagu desenllaz llevó al Gobiernu federal alemán a plantegáse la creación d'una unidá escontra'l terrorismu que cuntase con medios y preparación especiales, y asina surdió'l GSG9 de la Policía Federal y otros munchos cuerpos paecíos nes restantes policíes europees.

No referente a España, la violencia d'ETA que, fasta 1968, llindábase a propaganda y atentaos escontra instalaciones y edificios, se incrementó a mediaos de los setenta, incluyendo'l atentáu a Carrero Blanco. A esto se-y sumó l'apaición, en 1975, d'otru grupu terrorista, el GRAPO, que la so primera acción foi l'asesinatu de cuatro policíes. Contra esta situación, a finales de 1977 creóse'l GEO, del que'l so desenvolvimientu s'ocuparon los capitanes García-Quijada y Senso, quienes consiguieron que la unidá tuviera operativa nun tiempu récord, entregándose los diplomas a los sos primeros componentes el 5 d'abril de 1978. A los pocos meses, la Unidá Especial d'Intervención de la Guardia Civil, creada el 3 de xunu de 1978 y dambes unidaes alcuentrábense encuadraes na Red ATLAS d'unidaes especiales de policía europees.

El GEO tien la so base en Guadalajara y cunta con dos núcleos, el de sofitu y l'operativu. Namás los axentes del grupu operativu realizaron les pruebes d'accesu y superado'l duru cursu d'adiestramientu; los del grupu de sofitu encárgense de llabores de loxística. Enxmás dánse datos riales sobro'l númberu de miembros que formen el grupu.

El 5 d'abril de 2008 cumplieron el so 30ᵘ aniversario, al qu'allegaron l'ex-xefe de la Policía Nacional y de la Guardia Civil. Mientres la so celebración, realizaron distintos simulacros, como asaltu a edificios, situaciones d'emboscaes nuna zona de conflictu, detenciones con perros, etc.

Anguaño^[¿cuándo?], ta construyéndose en Linares (Jaén) el Centru de Práutiques Operatives de la Policía Nacional «La Enira», con un presupuestu de 2 700 000 €, que tará destináu al entrenamientu del GEO, asina como de les Unidaes d'Intervención Policial (UIP).^[4]

Organización

La organización interna de la Unidá tá compuesta por una Seición Operativa, que s'encarga d'executar les misiones específiques, y una Seición de Sofitu, que facilita que l'anterior pueda realizar la so actividá, plantía qu'anguaño^[¿cuándo?] agrupa cuasi un centenar d'homes, de los que la mayoría inscríbense en tarees operatives.

Seición Operativa

El GEO cunta con una Seición Operativa y otra de Sofitu. La primera cunta con menos de 100 homes encuadraos en dos grupos operativos nomaos "10" y "20". N'antiguo, nomábense "Alpha" y "Bravo", pero por mor de cambeos internos rellacionaos con personal y especialidaes, modificóse dicha estructura. Esti caberu cambéu afeutó a la estructura de dichos grupos, no referente a mandos y a normes. La Seición de Sofitu tá formada por policíes que nun realizaron el cursu o es-operativos y la so misión tá rellacionada cola loxística, automoción, sanidá, alministración y seguridá del recintu ente otros.

Cada miembru del comandu alcúentrase encuadráu nuna especialidá concreta que complementa la total polivalencia del mesmu, permitiendo estrayer un meyor rendimientu de la so cualificación personal. Les especialidaes de los miembros del comandu son la d'aperturas (utilización de los medios oportunos pala entrada en llugares zarraos), tirador, tirador d'apoyu, "especialista en esplosivos", medios especiales y buceador de combate.

D'esti xeitu consíguise que cada comandu operativu sía autosuficiente pa realizar múltiples actividaes, anque en delles ocasiones recúrrese a concentrar ciertos especialistes de varios comandos p'asumir una determinada misión.

Na Seición Operativa tamién s'encuadren el Grupu Operativu de Formación y Especialidaes (GOFE) y el Grupu Operativu de Téuniques y Esperiencies (GOTE).

Grupu Operativu de Formación y Especialidaes: Varía la so entidá en función de les necesidaes de cada momentu, engloba un pequeñu grupu d'operativos que coordinen toles actividaes relatives a los cursos de formación que, xeneralmente, tienen caráuter biañual, asumiendo tamién trabayos de sofitu a les actividaes realizaes polos grupos operativos y encargándose de la coordinación de los reciclaxes y evaluaciones téuniques del personal operativo del GEO y los Grupos Operativos Especiales de Seguridá (GOES).

El Grupu Operativu de Téuniques y Esperiencies, coordináu por el segundo xefe de la unidá al igual que el primer, tien como actividá básica'l tar informáu de toos aquellos avances no referente a material que ufierta'l mercáu, asina como evaluar aquellos que puean ser d'interés pal GEO.

Funciones

Les operaciones nes que interviene'l GEO son aquelles qu'otros miembros del Cuerpu Nacional de Policía nun puen realizar por mor de la so alta peligrosidá o nes que s'esixe una especial cualificación, como asina lu reflexa la Resolución de 27 d'avientu de 1989 nel so apartáu segundu refiriéndose a les sos funciones, diciendo:

Lliberación de persones secuestraes o tomaes como rehenes.
Reducción o neutralización de los integrantes de bandes terroristes, grupos armaos o delincuentes peligrosos.
Apertura y entrada nos llugares utilizaos polos componentes de bandes terroristes y de grupos de delincuencia organizada.
Executar los dispositivos de proteición de persones y bienes que se yos-encamene y precisen una especial cualificación.
Emprestar serviciu de seguridá nes sedes de les representaciones diplomátiques y consulares d'España nel estranxeru, cuando se considere oportunu.
Realizar reconocimientos subacuáticos tendentes a la búsqueda de víctimes, artefactos esplosivos o cualesquier otru efeutu utilizáu pala comisión d'un fechu delictivu.
Realizar cualesquier serviciu que la so execución precise una especial cualificación.

Accesu a la unidá

Convócase un concursu d'acceso añualmente, normalmente nel tercer-cuartu trimestre del añu.

El 15 d'ochobre de 2021 espublizóse G.E.O.: Más Allá del Límite, una miniserie documental^[5] sobro'l procesu de seleición de los nuevos miembros del Grupu Especial d'Operaciones; la serie, producida por Buendía Estudios y distribuida por Amazon Prime Video, cunta con 8 episodios.^[6]

Símbolos

Emblema

L'emblema del GEO ye un escudu prietu con un águila dorada garrando una culebra que representa un actu de fuercia. L'águila ye una referencia a l'águila de San Xuan. La culebra ye un símbolu clásicu del mal.

Tamién cabe señalar que les lletras del grupu, l'águila y el marcu se representen en oru o grana mientres que la culebra se representa en collor platiada o blanca.

Boina

Dende la so creación, los miembros del GEO lleven boina, de collor prieta cuando foi creada la Unidá y anguaño de collor granate, col emblema del Cuerpu de Policía Armada aquella y col del Cuerpu Nacional de Policía l'actual, nel llau drechu en dambos casos.^[7]

Uniformidá

Operaciones

Miembros del GEO sobro un vehículu URO VAMTAC. Puese ver l'usu de la boina granate.

Los axentes del GEO tan destinaos a operaciones d'altu riesgu nos que otros axentes del Cuerpu Nacional de Policía nun puen intervenir. Ente les sos acciones tan: rescate de rehenes, proteición de persones VIP y autoridaes, detención de delincuentes peligrosos, desarticulación de bandes de crime organizáu o de comandos terroristes, proteición d'embaxaes nel estranxeru, etc.

La so primera operación importante, que dio a conocer el GEO al públicu, foi la intervención nel atracu al Banco Central de Barcelona, en 1981.

Dende la so creación, el GEO lleva desarticulaes trenta y cinco célules armaes de distintos grupos terroristas y rescató a más de cuatrocientos rehenes, con namás una baxa ente les sos files en actu de serviciu, la del subinspector de policía Francisco Javier Torronteras Gadea, que morrió nel asaltu a un pisu francu de Leganés (Madrid) tres los atentaos del 11 de marzu de 2004, cuando los sospechosos se suicidaron detonando les bombes que poseyíen. Namás trés operaciones del GEO saldarónse cola muerte d'unu o varios de los criminales implicaos.

Materiales

Armes de fuegu

Vehículos

Motocicletes:
- Honda Africa Twin 2019
- BMW K100
- BMW K75
- BMW K1300S
Turismos:
- Ford Mondeo Hibryd 2018
- Opel Insignia J
Todoterrenos:
- Mercedes 280G
- BMW X3
- Audi Q7
- Porsche Cayenne
- Range Rover Velar
- Jeep Grand Cherokee
- Dodge Magnum RAM 3500
- Toyota Land Cruiser J9
- Toyota Land Cruiser 2016
- Nissan Patrol modificados
- Hummer H2
Furgonetes blindaes
- URO VAMTAC