Guirriu
Los Guirrios o Sidros, ( del llatín "guerrire", saltar) son unos personaxes típicos nes feches del Antroxu. Los Guirrios (Guirrios Llangréu y Samartín del Rei Aureliu / Sidros Siero) diben vistíos de blanco, con polaines de pañu negru, faxa colorada na cintura y el pechu (tamién podía ser verde o azul), y un cinchu de cueru tremáu de cascabeles y campanines, pa facer ruíu al movese, y sobremanera una llarga piértiga cola que pegaben grandes blincos pel aire y que-yos permitía desplazase aína y saltar percima muries y sebes. Diben con un gorru llargu y picudu, cubiertu de pelleyos d'oveya, y portaben una mázcara, les más de les veces tamién colorada. Col nome de guirriu tamién conócense esos personaxes nel Antruexu de Velilla de la Reina, Llamas y Carrizu la Ribera (Lleón) y sol nome de H.urrus nel Antruexu d'Alixa.
Datos: Q13147237
