Harry Davenport
Harold George Bryant "Harry" Davenport (19 de xineru de 1866, Nueva York – 9 d'agostu de 1949, Los Angeles) foi un actor teatral y cinematográficu estauxunidense,[3] conocíu poles sos actuaciones en numberosos filmes dende principios del sieglu XX hasta finales de la década de 1940. Especializóse na interpretación de personaxes como güelos, xueces o doctores, ente otros, y ye quiciabes más conocíu por encarnar al Dr. Meade en Gone with the Wind (1939).
Harry Davenport | |
|---|---|
 | |
| Vida | |
| Nacimientu | Nueva York[1], 19 de xineru de 1866[2] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 9 d'agostu de 1949[2] (83 años) |
| Sepultura |
cementerio de Kensico (es)  [1] |
| Causa de la muerte | infartu de miocardiu |
| Familia | |
| Padre | Edward Loomis Davenport |
| Madre | Fanny Vining |
| Casáu con |
Alice Davenport (1893 – 1896) Phyllis Rankin (1896 – 1934) |
| Fíos/es | |
| Hermanos/es | |
| Estudios | |
| Llingües falaes | inglés |
| Oficiu | actor, direutor de cine, actor de teatru, actor de cine |
| IMDb | nm0003193 |
 | |
Biografía
editarIniciu
editarNacíu na ciudá de Nueva York, Davenport crióse en Filadelfia. Pertenecía a una familia d'actores teatrales, siendo'l so padre l'afamáu intérprete Edward Loomis Davenport, y la so madre, Fanny Vining, una actriz inglesa descendiente del renomáu actor teatral irlandés del sieglu XVIII Jack Johnson. La so hermana yera la tamién actriz Fanny Davenport. El debú de Davenport n'escena tuvo llugar con cinco años d'edá, na obra Damon and Pythias.
Carrera cinematográfica
editarEn 1913 foi fundador, xunto al actor Eddie Foy, de l'Actors Equity Association, un sindicatu d'actores estauxunidenses, y en 1914, a los 48 años d'edá, empecipió la so carrera nel cine debutando col filme mudu Too Many Husbands. Esi mesmu añu trabayó añu con Rose Tapley en Fogg's Millions, el primeru d'una serie de curtios cómicos. Amás, enantes del entamu de la Primer Guerra Mundial, dirixó once títulos, ente ellos dellos de los filmes de la serie Mr. and Mrs. Jarr.
Dalgunos de los filmes más famosos nos qu'actuó fueron The Bride Came C.O.D., rodáu nel Valle de la Muerte, The Life of Emile Zola, You Can't Take It With You, Gone with the Wind, The Hunchback of Notre Dame, Foreign Correspondent, Kings Row, The Ox-Bow Incident, The Bachelor and the Bobby-Soxer, y Meet Me in St. Louis.
Vida personal
editarEn 1893 casóse cola actriz Alice Davenport, cola que tuvo una fía, Dorothy Davenport, que tamién foi actriz. En divorciándose en 1896, esi mesmu añu casóse con otra actriz, Phyllis Rankin[4]. El nuevu matrimoniu tuvo cuatro fíos, toos actores: Arthur Rankin (padre d'Arthur Rankin Jr., fundador del estudiu d'animación Rankin/Bass), Ned Davenport, Ann Davenport, y Kate Davenport[4]. Por cuenta del so matrimoniu con Rankin, foi cuñáu de Lionel Barrymore, que taba casáu cola hermana de Phyllis, Doris Rankin. El padre de Phyllis Rankin, McKee Rankin, fuera'l principal actor del Teatru Arch Street, que foi dirixíu pola güela de Lione, Louisa Lane Drew.
En finando la so esposa, Harry Davenport treslladóse a Los Angeles, California, onde vivió colos sos fíos enantes de finar en 1949 por causa de un infartu agudu de miocardiu. Tenía 83 años d'edá. Foi soterráu nel Campusantu Kensico de Valhalla (Nueva York).
Seleición de la so filmografía
editar- Three Men on a Horse (1936)
- They Won't Forget (1937)
- The Life of Emile Zola (1937)
- First Lady (1937)
- María Antonieta (1938)
- You Can't Take It With You (1938)
- The Rage of Paris (1938)
- Long Shot (1939)
- Tail Spin (1939)
- The Story of Alexander Graham Bell (1939)
- Juárez (1939)
- Gone with the Wind (1939)
- The Hunchback of Notre Dame (Esmeralda, la zíngara) (1939)
- Dr. Ehrlich's Magic Bullet (1940)
- Too Many Husbands (Too Many Husbands) (1940)
- All This, and Heaven Too (All This, and Heaven Too) (1940)
- Lucky Partners (Xuníos pola fortuna) (1940)
- Foreign Correspondent (Foreign Correspondent) (1940)
- That Uncertain Feeling (1941)
- The Bride Came C.O.D. (1941)
- One Foot in Heaven (1941)
- Son of Fury (1942)
- Kings Row (1942)
- Larceny, Inc. (1942)
- Tales of Manhattan (1942)
- The Amazing Mrs. Holliday (The Amazing Mrs. Holliday) (1943)
- The Ox-Bow Incident (1943)
- We've Never Been Licked (1943)
- Princess O'Rourke (1943)
- Jack London (Les aventures de Jack London) (1943)
- Kismet (El príncipe méndigu) (1944)
- The Impatient Years (1944)
- Meet Me in St. Louis (1944)
- Music for Millions (Al compás del corazón) (1944)
- The Thin Man Goes Home (1945)
- The Enchanted Forest (1945)
- Pardon My Past (1945)
- Adventure (1945)
- Courage of Lassie (1946)
- Three Wise Fools (1946)
- Lady Luck (1946)
- A Boy and His Dog (curtiu, 1946t)
- The Farmer's Daughter (The Farmer's Daughter) (1947)
- The Bachelor and the Bobby-Soxer (1947)
- That Hagen Girl (1947)
- That Lady in Ermine (La dama del armiño) (1948)
- Down to the Sea in Ships (El demoniu del mar) (1949)
- Little Women (1949)
- That Forsyte Woman (La dinastía de los Forsyte) (1949)
- Tell It to the Judge (1949)
- Riding High (1950)
Referencies
editar- ↑ 1,0 1,1 Afirmao en: Find a Grave. Data de consulta: 19 xunu 2024. Llingua de la obra o nome: inglés.
- ↑ 2,0 2,1 Afirmao en: SNAC. Identificador SNAC Ark: w6bc4tsg. Apaez como: Harry Davenport (actor). Data de consulta: 9 ochobre 2017. Llingua de la obra o nome: inglés.
- ↑ Obituariu en Variety, 17 d'agostu de 1949.
- ↑ 4,0 4,1 https://segundoplato0.blogspot.com/2013/11/harry-davenport.html
Enllaces esternos
editar- Harry Davenport na Internet Movie Database (n'inglés)
- Harry Davenport na Internet Broadway Database (n'inglés)
- «Harry Davenport». en Find a Grave. (n'inglés)
- Obituariu
- "Biografía de Harry Davenport" por Hal Erickson en Allmovie
Datos: Q744955
Multimedia: Harry Davenport
