Heather O'Rourke
Heather Michele O'Rourke (27 d'avientu de 1975, San Diego – 1 de febreru de 1988, San Diego) foi una actriz d'Estaos Xuníos.
Heather O'Rourke | |
|---|---|
| Vida | |
| Nacimientu | San Diego, 27 d'avientu de 1975[1] |
| Nacionalidá |
 Estaos Xuníos |
| Llingua materna | inglés |
| Muerte | San Diego, 1 de febreru de 1988[2] (12 años) |
| Sepultura | Cementeriu Westwood Village Memorial Park |
| Causa de la muerte | paru cardiorrespiratoriu |
| Estudios | |
| Llingües falaes | inglés[3] |
| Oficiu | actriz de cine, actriz de televisión |
| Trabayos destacaos | Poltergeist |
| IMDb | nm0001576 |
| heatherorourke.net | |
 | |
Biografía
editarFamosa a partir de la interpretación de la pequeña Carol Anne Freeling na película Poltergeist y los sos dos remortines.[4] Morrió a los dolce años, en sufriendo'l día anterior un paru cardiaco y un choque séptico subsiguientes a una obstrucción intestinal, posiblemente por causa de un defectu de nacencia, darréu diagnosticáu en 1987 como enfermedá de Crohn; equivocadamente, pos en realidá tenía estenosis aguda.
Heather yera la menor de dos hermanes y foi concebida xunto a un hermanu mielgu que nun llegó a nacer. Los sos entamos na pantalla fueron realizando campañes publicitaries para reconocíes marques como McDonalds y Mattel. De bien pequeña, yá a los trés años, ganó un desfile local llamáu "Pequeña señorita", baillando cola so hermana Tammy de siete años. A los cinco años fixo la so primer apaición en TV, na publicidá de la fábrica de xuguetes Mattel, y más tarde para McDonalds.
Nel añu 1980, la so hermana Tammy O'Rouke consiguió un papel de baillarina na película de la MGM Pennies from Heaven). Les filmaciones taben realizándose nuna cafetería , y la so madre solía quedase con elles a comer nes xintes diaries del rodaxe. Ende foi onde'l direutor y guionista Steven Spielberg, quien buscaba ansiosamente a una neña pa interpretar un papel terrorífico na so próxima película, Poltergeist, reparó a esta pequeña rubia de 4 o 5 años y nun duldar en convidala a presentase al casting. Les primeres pallabres d'ella escontra'l famosu direutor fueron «nun se me dexa falar con estraños». Sicasí, en realizando les pruebes de cámara, Heather reaccionaba con risa en llugar d'espantu, lo que llevó al direutor Tobe Hooper a tornala. Aun así, Spielberg taba convencíu de que nun s'equivocó. Foi a buscala a la so casa, faló personalmente colos sos padres y llevó-y una hestoria de mieu que lu lleó personalmente. N'aportunando, la neña terminó asustándose hasta llorar y la so cara convenció a les intenciones artístiques del direutor. Finalmente foi contratada.
Ella cuntaba que-y tenía mieu a les películes de terror, que nunca quixera ver una. Los compañeros del repartu comentaben la so sorpresa al ver que mientres toos taben nerviosos intentando recordar el guión, ella taba sentada sele esperando que la llamaren pa rodar.
Dempués de filmar la primer entrega, Heather empezó a caminar nun terrén más cómodu nel mundu del espectáculu, realizando apaiciones en series televisives como Chips, Webster o Happy Days.
Filmografía
editarCine
editar| Añu | Película | Personaxe | Notes |
|---|---|---|---|
| 1982 | Massarati and the Brain | Skye Henry | Película pa televisión |
| 1982 | Poltergeist | Carol Anne Freeling | |
| 1985 | Surviving: A Family in Crisis | Sarah Brogan | Película pa televisión |
| 1986 | Poltergeist II | Carol Anne Freeling | |
| 1986 | Around the Bend | Desconocíu | Película pa televisión |
| 1988 | Poltergeist III | Carol Anne Freeling |
Televisión
editar| Añu | Serie | Personaxe | Notes |
|---|---|---|---|
| 1981 | Fantasy Island | Liz Blake (5 años) | 2 episodios |
| 1982-1983 | Díes Felices | Heather Pfister | 12 episodios |
| 1983 | CHiPs | Lindsey | 1 episodiu |
| 1983 | Matt Houston | Sunny Kimball | 1 episodiu |
| 1983 | Webster | Melanie | 3 episodios |
| 1984 | Finder of Lost Loves | Jillian Marsh | 1 episodiu |
| 1986-1987 | The New Leave it to Beaver | Heather | 2 episodios |
| 1987 | Our House | Dana | 1 episodiu |
| 1987 | Rocky Road | Neña Rusa | 1 episodiu |
Referencies
editar- ↑ Afirmao en: Internet Movie Database. Identificador IMDb: nm0001576. Data de consulta: 11 xunetu 2016. Llingua de la obra o nome: inglés.
- ↑ Afirmao en: Library of Congress Authorities. Data de consulta: 7 xineru 2021. Identificador d'autoridá de la Biblioteca del Congresu d'EEXX: no2006035902. Editorial: Biblioteca del Congresu d'Estaos Xuníos. Llingua de la obra o nome: inglés.
- ↑ Identificador CONOR.SI: 203906659. Afirmao en: CONOR.SI.
- ↑ «¿Qué foi de les nueves maravíes de los 80?». Cinemanía (18 d'agostu de 2011). Consultáu'l 18 d'agostu de 2011.
Enllaces esternos
editar- La tráxica muerte de Heather O'Rourke, testu n'español.
- HeatherORourke.net (sitiu oficial; n'inglés).
- Heather O'Rourke na Internet Movie Database (n'inglés)
Datos: Q230965
Multimedia: Heather Michele O'Rourke
