Hermanos Somolinos

Francisco Somolinos Cuesta (1908 Méxicu - 1999 Madrid) y Federico Somolinos Cuesta (Méxicu 1911 - Uviéu 2000), conocíos como los Hermanos Somolinos, fueron dos prestixosos arquiteutos asturianos.^[1]

Biografía

Dambos estudiaron nel Colexu la Inmaculada Concepción de Xixón y formáronse na Escuela Cimera d'Arquiteutura de Madrid. Francisco y Federico entamen numberosos proyeutos primeru por separáu y más tarde roblando xuntos, siendo una de les sos primeres obres la reconstrucción tres la Guerra Civil del colexu asturianu onde estudiaron. Frutu de la so carrera perduró l'actual empresa "Somolinos Arquiteutos" en Xixón. Nes sos obres entemecieron numberoses corrientes, soliendo enmarcar los sos edificios nel movimientu modernu y el historicismu, dexando buelga en numberosos y prestixosos edificios de viviendes, ilesies y oficines sobremanera nel centru d'Asturies.^[2] Tamién fueron los arquiteutos de bona parte de les viviendes sociales de la Obra Sindical del Llar.

Obres destacaes

Cine Aramo (1935, Uviéu)
Colexu de la Inmaculada (1941, Xixón, reconstrucción)
Ilesia de San Pedro (Xixón, reconstrucción)
Ilesia de Santiago (1940, Sama de Llangréu)
Oficines del Pozu Lláscares (1940, La Felguera)
Grupo Cuadonga (1942, Uviéu)
Real Club Ástur de Regatas (1942, Xixón, reconstrucción)
Chalés Duru (1943, La Felguera)
Edificiu Siete Pisos (1948, La Felguera)
Casa Sindical (1950, Sama de Llangréu)
Viviendes y Almacenes Castaño (1952, Sama de Llangréu)
Ilesia de La Sagrada Familia (1953, Santullano, Mieres)
Delegación Provincial de Sindicatos (1954, Uviéu)
Ilesia del Sagráu Corazón (1955, Uviéu)
Grupu de La Concordia (1956, La Felguera)
Ciudá Residencial Perlora (1956, Perlora, Carreño)
Bankunión "El Rascacielos de Xixón" (1957, Xixón)
Edificiu d'Oficines y comerciu Al Pelayo (1964, Uviéu)

Referencies

Enllaces esternos

[1] ttps://www.gijon.es/multimedia_objects/download?object_type=document&object_id=93488

[2] ttp://el.tesorodeoviedo.es/index.php?title=Federico_Somolinos

[1]

[2]