Hesperiidae

Hesperiidae;
Clasificación científica
Reinu:	Animalia
Filu:	Arthropoda
Subfilu:	Hexapoda
Clas:	Insecta
Orde:	Lepidoptera
Suborde:	Glossata
Infraorde:	Heteroneura
(ensin clasif.):	Ditrysia
Superfamilia:	Papilionoidea
Familia:	Hesperiidae; Latreille, 1809
Diversidá
	Cerca de 550 xéneros,; 3.500 especies
Especie tipu
	Hesperia comma
Subfamilies
	Coeliadinae; ; Euschemoninae; ; Pyrginae; ; Eudaminae; ; Heteropterinae; ; Hesperiinae; ; Trapezitinae;
Consultes
	[editar datos en Wikidata]

Los hespéridos o hesperíidos, Hesperiidae son una familia de lepidópteros ditrisios qu'inclúi caparines pequeñes y robustes, de cabeza grande y tórax enancháu. Hai unes 3.500 especies de distribución cosmopolita, con un máximu de diversidá na Rexón neotropical, onde viven más de la metá de les especies conocíes.

Carauterístiques

Carauterícense y estremen de les demás families de caparines poles antenes bien dixebraes na base, acabaes en punta y xeneralmente curvadas, en forma de gabitu. Les venes de l'ala anterior nun presenten ramificaciones, partiendo toes de la base de l'ala o de la celda; tienen cinco venes radiales, que parten toes dende la celda. Tienen un vuelu rápido y errático, que-yos valió n'inglés el nome de skippers (saltarinos). Les canesbes son cilíndriques, de cabeza grande y pescuezu estrecháu y viven ocultes en fueyes qu'endolquen y afiten con filos de seda.

Clasificación

Los estudios más recién conducíos por Andrew Warren y los sos collaboradores reconocen la esistencia de 7 subfamilies nel senu d'esta familia, que la so rellación de parentescu ye la qu'amuesa'l siguiente árbol filoxenéticu:

Diversidá

Coeliadinae

Caparines relativamente grandes, con un tórax enancháu y un abdome comparativamente estrechu y curtiu. Tienen güeyos prominentes y los sos principales calteres diagnósticos (pocu aparentes) son el tener el tercer segmentu de los palpos llabiales llargu y delgáu (en forma de lezna o punzón), tener un solu par de chaetosemata (cogordes sensoriales) sobre la cabeza (2 nes demás subfamilies) y por non tener, na base de les antenes (como nel restu de subfamilies), una guedeya d'escames filiformes (pestaña) que s'estiende sobre'l güeyu. Les ales anteriores son llargues y estreches y les posteriores arrondaes. Los guxanos, de colores vivos, aliméntense de dicotiledónees. 75 especies de les zones tropicales d'África, Australasia y Asia Oriental.

Euschemoninae

Subfamilia con una única especie australiana (Euschemon rafflesia). Trátase d'una caparina grande, de colores vivos, con una carauterística absolutamente única na familia de les Hesperiidae y nos Ropalóceros polo xeneral: les ales anterioes y posteriores tienen frenulum y retinaculum, estructures constituyíes por escames modificaes que caltienen les dos ales solidaries mientres el vuelu.

Pyrginae

Les ales delanteres de los machos presenten de cutiu una plega costal qu'alluga les androconias. Posen coles ales estendíes, frecuentemente nel viesu de les fueyes. L'ala posterior tien una forma arrondada o trapezoidal. Les canesbes aliméntense de dicotiledónees. 130 xéneros y unes 1150 especies, de distribución cosmopolita pero de les cualos unes 750 son neotropicales. Inclúi les especies de la d'antiguo considerada subfamilia de les Pyrrhopyginae.

Eudaminae

Al igual que les caparines de la subfamilia de les Pyrginae, na que d'antiguo s'incluyíen, posen coles ales estendíes. Ala posterior allargada a lo llargo de les venes añales, dacuando enllargada por una llamativa cola, confiriéndo-y a l'ala un perfil más o menos triangular. Les canesbes aliméntense de dicotiledónees. Quitando un únicu xéneru d'Asia Oriental (Lobocla), la mayoría de les especies d'esta subfamilia viven nel neotrópicu algamando delles especies América del Norte. 52 xéneros.

Heteropterinae

Caparines pequeñes, d'unos 30-40 mm de valumbu, de cuerpu espodáu y ales comparativamente anches. La cabeza y el tórax son menos anchos que n'otres Hesperiidae. L'abdome ye más estrechu y xeneralmente más llargu que les ales posteriores. Dos calteres distintivos, anque pocu evidentes a güeyu, son los palpos llabiales allargaos y pelosos según l'ausencia o o'l fuerte amenorgamientu de la epífisis na tibia de les pates anteriores. Les ales tienen xeneralmente la cara cimera de color castañu escuru con manches crema o anaranxaes. La cara inferior reproduz el mesmu dibuxu, coles manches d'un color más claru. En reposu, al tomar el sol, caltienen les ales abiertes unos 45 graos. Les canesbes aliméntense de yerbes de la familia de les Poáceas. 16 xéneros 170 especies. África tropical, Paleárticu y Neotrópicu (100 especies).

Hesperiinae

Les ales, en reposu, tienen una disposición particular, coles ales delanteres horizontales y les traseres mediu abiertes, formando un ángulu coles delantreres. La vena M2 de l'ala delantera marcadamente curvada escontra la vena M3. Lles gates aliméntense principalmente de Monocotiledónees, especializándose delles especies en furar los raigaños y los tarmos de Yucca y de Agave. Estes especies arrexuntábense d'antiguo nuna subfamilia separada (Megathyninae) pero los calteres particularesque presenten débense, fundamentalmente, al altu grau d'especialización algamáu por estes especies. 325 xéneros y 2000 especies de distribución cosmopolita, la metá d'elles neotropicales.

Trapezitinae

Subfamilia estrechamente emparentada cola anterior, de la cual estrémase por tener les venes discocelulares de l'ala trasera empobinaes escontra'l ápex de l'ala (son verticales o apunten escontra la base de l'ala nes Hesperiinae). Les gates, como asocede nos Hesperiinae, aliiméntense de monocotiledonas. 16 xéneros / 60 especies d'Australia, Nueva Guinea ya islles cercanes.

Referencies

↑ Heikkilä, M. and Kaila, L. and Mutanen, M. and Peña, C. and Wahlberg, N. (2012) Cretaceous origin and repeated tertiary diversification of the redefined butterflies, Proceedings of the Royal Society B: Biological Sciences 279(1731):1093-1099, doi:10.1098/rspb.2011.1430
↑ (n'inglés) [1] Hesperiidae.

Bibliografía

Ackery P. R., de Jong R., Vane-Wright R. I. (1999). The butterflies: Hedyloidea, Hesperioidea and Papilionoidea In: Kristensen N. P. (ed): Lepidoptera, Moths and Butterflies. Volume 1: Evolution, Systematics and Biogeography. Handbook of Zoology, Vol. IV (Arthropoda-Insecta), Part 35. Walter de Gruyter.
Borror D. J., Triplehorn C. A., Johnson N. F. (1989). An introduction to the study of insects. Thomson Larning.
Korolev, V.A. (2014). Catalogus on the collection of Lepidoptera. Part I. Hesperiidae. - Moscow, 310 p. ISBN 978-5-00077-066-5 .[2]
Warren A. D., Ogawa J. R., Brower A. V. Z. (2008). Phylogenetic relationships of subfamilies and circumscription of tribes in the family Hesperiidae (Lepidoptera: Hesperioidea). Cladistics, 24: 1-35.

Enllaces esternos

[Heikkila2012-1] Heikkilä, M. and Kaila, L. and Mutanen, M. and Peña, C. and Wahlberg, N. (2012) Cretaceous origin and repeated tertiary diversification of the redefined butterflies, Proceedings of the Royal Society B: Biological Sciences 279(1731):1093-1099, doi:10.1098/rspb.2011.1430

[2] (n'inglés) [1] Hesperiidae.

[1]

[2]