Homo erectus o Pitecántropu (‘home tiesu'), primate estintu que pertenez a la familia de los Homínidos. Probable ancestru del Homo sapiens, atopáronse restos en Kenia, Java, Europa y China. Los primeros fósiles foron atopaos na islla de Java aú foi nomáu Pithecantropus erectus o home de Java. De calter dafechu bípedu, con volume de craniu ente 750 y 900 cm³, magar que les caberes especies lu aumentaron hasta los 1.250 cm³. Más alatre atopáronse fósiles semeyos en China (home de Beixín), n'Europa (home de Heidelberg) y n'África (Atlanthropus). El Homo erectus vivió hai 1,8 millones d'años y caltúvose hasta hai unos 50.000 años.

Homo erectus
Rangu temporal: 1,8 Ma-0,07 Ma
Pleistocenu
Clasificación científica
Reinu: Animalia
Filu: Chordata
Subfilu: Vertebrata
Clas: Mammalia
Orde: Primates
Suborde: Haplorrhini
Infraorde: Simiiformes
Superfamilia: Hominoidea
Familia: Hominidae
Xéneru: Homo
Especie: H. erectus
(Dubois, 1894)
Sinonimia

Pithecanthropus erectus Dubois, 1894

Sinanthropus pekinensis Black, 1927
Consultes
[editar datos en Wikidata]
Reconstrucción d'un Homo erectus

Foi la primer especie que salió d'Africa. El Homo erectus evolucionó a partir del Homo ergaster, espardiéndose per Asia.

Nos años 20 y 30, el alemán Franz Weidenreich alcontró les coleiciones más importantes de fósiles de H. erectus nel xacimientu de Zhoukoudian, China, cerca Beixín. Dióse-yos el nome de Sinanthropus pekinensis o Home de Beixín, magar que llueu foron clasificaos como H. erectus. Teníen una antigüedá de 500.000 años pero fundiéronse na mar durante la Segunda guerra mundial mientres los tresportaben nun barcu.

Referencies editar

Enllaces esternos editar