Ignacio Escolar

Ignacio Escolar García (20 d'avientu de 1975, Burgos) ye un blogueru y periodista español qu'anguaño dirixe'l periódicu dixital eldiario.es y ye tertulianu en radio y televisión. Foi fundador y primer direutor del periódicu Público.

Ignacio Escolar
Vida
Nacimientu	Burgos, 20 d'avientu de 1975 (48 años)
Nacionalidá	España
Familia
Padre	Arsenio Escolar Ramos
Estudios
Llingües falaes	castellanu
Oficiu	periodista, blogueru, escritor, músicu, analista político (es)
Premios	ver Premio Gabriel García Márquez de Periodismo Premio Ischia Internacional de Periodismo  (2015)
Miembru de	Fundación Alternativas (es) Meteosat
Xéneru artísticu	periodismu d'opinión periodismu indie pop (es)
Creencies
Relixón	ateísmu
IMDb	nm4378512

Trayeutoria periodítica

Ñacíu'l 20 d'avientu de 1975 en Burgos, ye fíu de los periodistes Montse G. Román, especializada en canto llíricu, y Arsenio Escolar. Estudió Periodismu na Universidá Complutense de Madrid, pero nun finó la llicenciatura. Entamó a trabayar de periodista en 1995, collaborando en diarios como Cinco Días o El Mundo y revistes como Bien Interesante, Rolling Stone, GEO o Quo. En 1999 s'incorpora a los informativos de Telecinco, como responsable d'una seición d'Internet: "El Navegante", que s'emitía diariamente nel informativu nocherniegu. En 2004 trabayó como consultor de prensa en Méxicu y Ecuador. De vuelta a España, foi nomáu coordinador de la web Informativos Telecinco. Dexó'l puestu pa convertise en direutor axuntu de La Voz de Almería, Cadena SER Almería y Localia Almería, lo que fadría d'él, amás, tertuliano nos programes La ventana y Lo que es hoy de la Cadena Ser. Tornó a Madrid pa ser el primer direutor del rotativu Público, que dirixó dende la so fundación, en setiembre de 2007, hasta la so destitución, el 13 de xineru de 2009. Dende esa fecha hasta marzu de 2012 foi columnista diariu de Público, desvenceyándose d'esti periódicu pa fundar la cabecera dixital eldiario.es.

Tamién participó en conxustes polítiques de TVE, como Los Almuerzos de TVE, La noche en 24 horas o 59 segundos (2007-2012), La vuelta al mundo (2009-2011) en Veo7, Las mañanas de Cuatro (2013-2014) con Jesús Cintora, El programa de Ana Rosa, El gran debate (2012-2013) y Un tiempo nuevo en Telecinco (2014).

Foi collaborador habitual de Lo que es hoy de la Cadena Ser hasta que n'abril de 2016, al traviés d'una orde direuta de Juan Luis Cebrián, foi despidíu. La causa foi que eldiario.es, periódicu que dirixe, fízose ecu de la noticia de «Los Papeles de Panamá», y foi ún de los medios, xunto con El Confidencial y LaSexta, escontra los que Cebrián decidió tomar aiciones llegales.

Tien contratu de esclusividá con LaSexta collaborando nos principales programes de la cadena: Al Rojo Vivo (2015-actualidá), Más vale tarde y La Sexta Noche (2015-actualidá). Collabora con medios internacionales como The Guardian, nel Reinu Xuníu, o Clarín, n'Arxentina.

Escritor

Xunto col so padre, el tamién periodista Arsenio Escolar, espublizó en setiembre de 2010 l'ensayu La nación inventada, una historia distinta de Castilla, onde repasen la historia medieval de Castiella y l'orixe de los sos mitos fundacionales. Tamién ye autor de la novela curtia 31 noches, que se publicó por entregues nel diariu Público nel branu de 2009. Esti llibru va espublizase llueu en papel na coleición «Conspicua» del sellu «Suma de Letras». Tamién ye coautor de Reacciona, editáu por Aguilar.

Llibros espublizaos

Escolar, Ignacio; Escolar, Arsenio (2010). La nación inventada. Una historia distinta de Castilla. Madrid: Ediciones Península. ISBN 978-84-9942-047-9.

Varios Autor (2011). Reacciona. Madrid: Aguilar. ISBN 978-84-0310-200-2.

Escolar, Ignacio (2012). 31 Noches. Suma de Letra. ISBN 978-84-8365-341-8.

Escolar, Ignacio (2012). La crisis en 100 apuntes. Alderica. ISBN 978-84-9992-226-3.Escolar, Ignacio; Escolar, Arsenio (201). El justiciero cruel. Península. ISBN 978-84-9942-157-5.

Blogueru

Como blogueru entamó la so andadura en 2001 editando spanishpop.net, páxina dedicada al pop independiente que se caltuvo activa hasta 2006. En 2003 empecipió Escolar.net, una bitácora destinada primeramente a l'actualidá d'Internet, pero que más tarde se centraría na actualidá política. Escolar.net ta considerada como la bitácora española más siguida sobre política.

En dicha bitácora atópase tamién agospiáu la wiki d'Escolar.net, que sirvió de plataforma pa dellos movimientos sociales, como'l Movimientu por Una Vivienda Digna o'l Manifiestu en defensa de los derechos fundamentales n'Internet, ente otros. Tamién dende 2003 collabora davezu nel blogue cultural elásticu.net

Premios

• Primer ganador del Premiu de Periodismu Dixital José Manuel Porquet col artículu «Por favor, pirateen mis canciones».

• Premio «Muyeres progresistes» por non aceutar anuncios de prostitución en Público y considerar a les ONG como fontes informatives.
• Premio Nicolás Salmerón de Drechos Humanos, na categoría de profesional de la Comunicación, pola so defensa de los derechos humanos.
• El so blogue, Escolar.net, foi gallardoniáu nel añu 2008 y nel añu 2009 col premiu al Meyor blogue de política, dientro de los premios del portal Bitacoras.com.
• Premio Gabriel García Márquez (a la excelencia periodística) (2018)

Vida personal

Relixosamente declaróse como atéu.

Ver tamién

• Público
• Eldiario.es
• LaSexta

Enllaces esternos

• Wikimedia Commons acueye conteníu multimedia sobre Ignacio Escolar.

• Ignacio Escolar en Twitter

• Ignacio Escolar en Facebook

• Datos: Q5913209
• Multimedia: Ignacio Escolar