Irma Argüello

Irma Argüello
Vida
Nacimientu	1964 (59/60 años)
Nacionalidá	Arxentina
Llingua materna	castellanu
Estudios
Estudios	Universidá de Buenos Aires maestría : física; Universidá de Pennsylvania
Llingües falaes	inglés
Oficiu	presidenta

Irma Argüello (1964) ye una física arxentina, esperta en seguridá internacional.^[1]^[2] Fundó y preside la Fundación de Non Proliferación pa la Seguridá Global- NPSGlobal, una iniciativa privada, ensin ánimu d'arriquecimientu empobinada a ayudar a amenorgar los riesgos derivaos de la proliferación y usu d'armamentos, con énfasis especial en armes de destrucción masiva. La organización tamién se dedica a edificiar fayadices y oportunes respuestes a tales amenaces en tolos niveles, p'aumentar la seguridá global.^[3]

Educación

Afondó estudios de Defensa y Seguridá al traviés d'estudios de posgráu (nivel máster) na Escuela de Defensa Nacional, Arxentina. La so educación inclúi una maestría n'Alministración Empresarial cursáu en Buenos Aires n'IDEA, col sofitu de Wharton School d'Estaos Xuníos. El so títulu de grau ye una llicenciatura en Ciencies físiques na Universidá de Buenos Aires.

Carrera

Trabayó como científica especializada en seguridá nuclear, diseñu, y cálculu nel Llaboratoriu de Procesos Radioquímicos (LPR Proyeutu) - Comisión Nacional d'Enerxía Atómica (CNEA), nun proyeutu de construcción y diseñu d'una planta de reprocesamiento nuclear alcontráu cerca de Buenos Aires. La so carrera directiva incluyó posiciones internacionales con focu na planificación estratéxica, analís empresarial, comunicaciones, educación y formación, y recursos humanos con ExxonMobil y l'Asociación Petroquímica llatinoamericana.

Dende'l 2000, dedicóse a la consultoría independiente con focu nel planiamientu estretégico, el diseñu institucional y el manexu del cambéu. Tamién foi editora de publicaciones académiques.

Como parte de les sos actividaes académiques, anguaño ye Direutora del Cursu de posgráu Rexonal en Seguridá Global, Desarme y Noproliferación, entamáu pola Fundación NPSGlobal. Esi cursu ye'l primeru de la so clase en tol mundu, que se dicta en castellán y portugués y dende el so entamu en 2007 convirtióse nuna voz non-gubernamental de fuerte presencia y gran prestíu internacional.^[4]

Ye miembru y direutora del Secretaríado llatinoamericanu y Rede de Lideralgu del Caribe pal Desarme Nuclear y Noproliferación – LALN – organización que rexunta a ex funcionarios estatales y a dirixentes de la rexón al envís de proponer midíes p'amenorgar riesgos nucleares, globales y rexonales.^[5]

Membresíes

del Comité Directivu del Grupu de Trabayu sobre Materiales Fisibles (FMWG, poles sos sigles n'inglés), una coalición non-gubernamental de más de 70 organizaciones de tol mundu comprometida con ameyorar la seguridá de los materiales físiles, ellí Argüello ye la Representante Rexonal de Llatinoamérica y el Caribe.
del grupu Espertu en Seguridá Nuclear- integráu por diversos espertos dedicaos en proponer meyores nel réxime de seguridá nuclear global. Dende 2010 entamó y participó como disertante en tolos eventos oficiales non-gubernamentales que se realizaron como parte de los Cumes de Seguridá Nuclear que rexuntaron más de 50 Xefes d'Estáu.Socesivamente foi disertante na Next Generation Nuclear Security : Meeting the Global Challenge, de Washington DC, en 2010 y na Conferencia qu'acompañó al Cume de Seúl en 2012. En 2014 presidió una Sesión del Cume de la Conocencia Nuclear n'Holanda.
acomuñada de la Chatham House, Direutora Executiva de la Caña arxentina de Muyeres en Seguridá Internacional. Participa en temes de desarme nuclear y en proyeutos de ciberseguridad.
forma parte del Grupu Espertu Internacional del PIR center de Moscú dende 2010.
participó nel Conseyu de Seguridá del World Economic Forum 2014-2016, onde integro una Rede pa l'Axenda Global qu'asistió al Foru pa entender meyor y catalizar el tresformamientu global, rexonal y de la industria.

Referencies

↑ «Irma Argüello» (inglés) (2017).
↑ «Irma Argüello» (castellanu) (2015).
↑ «Un desenllaz inesorable» (castellanu) (15 d'avientu de 2015).
↑ Infobae (ed.): «papa-francisco-per un mundu-ensin armes nucleares/ index.html El Papa Francisco per un mundu ensin armes nucleares» (castellanu) (11 d'avientu de 2014).
↑ PirCenter (ed.): «Name: Arguello Irma» (inglés). Archiváu dende l'orixinal, el 2019-11-08.

Enllaces esternos

Irma Argüello en Facebook
Irma Argüello en Twitter
L'autora en Opening Remarks - Nuclear Challenges in the 2015 Global Security Axenda, en Yotube
Irma Argüello en LN+ aldericando la Masacre en Las Vegas, Youtube, 28 min, 11 d'ochobre de 2017.

[1] «Irma Argüello» (inglés) (2017).

[2] «Irma Argüello» (castellanu) (2015).

[3] «Un desenllaz inesorable» (castellanu) (15 d'avientu de 2015).

[4] Infobae (ed.): «papa-francisco-per un mundu-ensin armes nucleares/ index.html El Papa Francisco per un mundu ensin armes nucleares» (castellanu) (11 d'avientu de 2014).

[5] PirCenter (ed.): «Name: Arguello Irma» (inglés). Archiváu dende l'orixinal, el 2019-11-08.

[1]

[2]

[3]

[4]

[5]