Isidoro Acevedo

Isidoro Acevedo
concejal del Ayuntamiento de Bilbao (es)	;
concejal del Ayuntamiento de Bilbao (es)
Vida
Nacimientu	Lluanco, 2 de xineru de 1867
Nacionalidá	España
Muerte	Moscú, 1952 (84/85 años)
Estudios
Llingües falaes	castellanu
Oficiu	escritor, políticu, sindicalista
Creencies
Partíu políticu	Partíu Comunista d'España (dende payares 1921); Partido Comunista Obrero Español (es) (de abril 1921 a payares 1921); Partíu Socialista Obreru Español (hasta abril 1921)

Isidoro Acevedo (2 de xineru de 1867, Lluanco – 1952, Moscú) yera'l nome qu'usaba Isidoro Rodríguez González, históricu comunista asturianu que participó na fundación del Partíu Comunista d'España.

Biografía editar

Entamó a trabayar como aprendiz de tipógrafu a los 13 años en Madrid, onde se treslladara cola so familia trés años enantes. En 1898 marchó a trabayar a Santander, onde algamó'l cargu de presidente de la Federación Socialista. Debido a que tenía un gran protagonismu dientro del partíu foi llamáu polos socialistes de Bilbao pa dirixir el diariu La Lucha de Clases. Foi encarceláu varies veces debido a dellos de los sos artículos.

En 1914 tornó a Asturies, en donde dirixó La Aurora Social. Foi deteníu en 1917 pola so participación na güelga revolucionaria d'aquel añu. En 1921, como delegáu de la Federación Socialista Asturiana participó nel congresu socialista de Madrid. Allí, xunto a otros partidarios de la III Internacional, fundó'l Partíu Comunista Español.

Depués de fundar la publicación La Aurora Roja y viaxar a Rusia como representante del PCE nos congresos de la III Internacional pronunció diverses conferencies por tola xeografía Española. Frutu d'estes esperiencias ye'l llibru «Impresiones de un viaje a Rusia», asoleyáu n'Uviéu en 1923. Tamién publicó una novela d'ambiente mineru en 1930, llamada «Los topos», asoleyada en Madrid, na que criticaba a Manuel Llaneza, líder mineru socialista.

Cola llegada al poder de Miguel Primo de Rivera ye encarceláu unos meses y torna a Madrid.

Depués de la Guerra Civil exilióse en Rusia. Ellí morrió en 1952, na ciudá de Moscú.

Referencies editar

↑ Afirmao en: Autoritats UB. Identificador Universidá de Barcelona (obsolete): a1103423. Apaez como: Isidoro Rodríguez Acevedo.

Enllaces esternos editar

[1cc10480d8dd1df7dfb8a3033de75d4f38cceeff-1] Afirmao en: Autoritats UB. Identificador Universidá de Barcelona (obsolete): a1103423. Apaez como: Isidoro Rodríguez Acevedo.

[1]