Júlia Creus Garcia

Júlia Creus Garcia
Vida
Nacimientu	Tarragona, 14 de febreru de 1994 (30 años)
Nacionalidá	España
Estudios
Llingües falaes	catalán; castellanu
Oficiu	actriz, cantante, baillarina, guionista, ximnasta
IMDb	nm3983816
	juliacreus94.wixsite.com…

Júlia Creus García (14 de febreru de 1994, Tarragona) ye una actriz española, conocida pol papel de Mònica De Villamore na popular serie Merlí de TV3.

Biografía

Júlia Creus García, de nome artísticu "JÚLIA CREUS", nació en Tarragona'l 14 de febreru de 1994. Dende los 6 años formó parte del equipu de Ximnasia Rítmica del Nàstic de Tarragona, tres dellos años como ximnasta d'élite y con delles medayes en campeonatos nacionales, dexó la ximnasia pa entamar la so carrera de ballet clásicu y contemporaneu. A los 16 años empezó la so formación como actriz na escuela Eòlia, de Barcelona. Nesi mesmu añu, 2009, debuta na serie Ventdelplà.

Dende entós sigue cola so formación artística, tamién nel ámbitu del teatru musical, gracies a la cual en 2013 interpreta unu de los personaxes principales na función Boig per Tù, basáu n'ésitos del grupu catalán SAU, collechando un enorme ésitu mientres dos temporaes consecutives nel teatru BARTS de Barcelona. En 2017, interpreta a Mrs. Ethel Rogers na función Y nun va quedar nengunu, basada na obra de Agatha Christie "10 Negrinos" nel Teatru Apolo de Barcelona, colgando'l cartelu de "nun hai Billetes" en numberoses representaciones a lo llargo de la temporada.

Nel añu 2015 forma parte del repartu de la serie de televisión Merlí, emitida pola canal internacional Netflix y la televisión autonómica catalana na so canal TV3, interpretando'l personaxe de "Mónica de Villamore" mientres les 3 temporaes que la componen. La serie supón un ésitu atayante d'audiencia ente'l públicu adolescente a nivel mundial.

Filmografía

Tres bodas de más como MARTA. (actriz y especialista)
Agora o nunca como doble d'aición d'Alicia Rubio
Los últimos díes como actriz de repartu especialista d'aición.
Ismael como actriz de repartu.
"In The Box" (shortfilm)
"A Look to the Past" (shortfilm), (actriz y guionista).

Televisión

Merlí
Ventdelplà

Teatru

Y nun va quedar nengunu. Empobináu por Ricard Reguant. Teatre Apolo de Barcelona.
Salta Conmigo, Microteatro de Barcelona, Testu d'Octavi Pujades
Boig Per Tu, el musical. Empobináu por Ricard Reguant y Pep Sala.

Premios y nominaciones

Añu	Grupu	Premiu	Resultáu	Títulu del Trabayu
2016	48H Film Project Awards LA.	Meyor guión	Nomada	A Look To The Past
2015	48H Film Project Awards LA.	Meyor Actriz	Ganó	In The Box
2014	Premios Va Siguir TVE	Meyor Musical	Ganó	Boig Per Tu

Referencies

Enllaces esternos

Júlia Creus Garcia na Internet Movie Database (n'inglés)