Jack Bailey (actor)
Jack Bailey (15 de setiembre de 1907, Hampton (es) 
– 1 de febreru de 1980, Santa Monica) foi un actor, llocutor radiofónicu, actor de televisión y actor de cine d'Estaos Xuníos.
Jack Bailey | |
|---|---|
 | |
| Vida | |
| Nacimientu |
Hampton (es) , 15 de setiembre de 1907[1] |
| Nacionalidá |
 Estaos Xuníos |
| Llingua materna | inglés |
| Muerte | Santa Monica, 1 de febreru de 1980[1] (72 años) |
| Estudios | |
| Llingües falaes | inglés |
| Oficiu | actor, llocutor radiofónicu, actor de televisión, actor de cine |
| Premios | |
| IMDb | nm0047289 |
 | |
Biografía
editarNacíu en Hampton, Iowa,[2] nos sos entamos foi músicu de vodevil y voceru de la Esposición Universal.[2] Sicasí, Bailey ye recordáu principalmente por ser el presentador de Queen for a Day, un concursu que s'emitió en primer llugar pela radio en 1945, treslladándose dempués al mediu televisivu, emitiéndose nun principiu nel área de Los Angeles ente 1948 y 1955, darréu pola NBC dende'l 3 de xineru de 1956 al 2 de setiembre de 1960 y, finalmente, pola ABC ente'l 5 de setiembre de 1960 y el 2 d'ochobre de 1964.
Bailey tamién foi presentador del concursu televisivu Truth or Consequences dende 1954 a 1956. Sustituyía nel programa a Ralph Edwards, que fuera'l so presentador na radio ente 1940 y 1957 y na televisión ente 1950 y 1954. Tres Bailey presentaron Truth or Consequences Bob Barker (1956-1975), Bob Hilton (1975-1978), y Larry Anderson (1987-1988). Esti programa foi emitíu pola CBS y la NBC, y darréu tamién por redifusión.
Amás de lo anterior, Bailey actuó n'episodios de distintes series televisives, ente les cualos figuren Mister Ed, Green Acres, I Dream of Jeannie, Gunsmoke, y Ironside. Amás foi narrador pa la organización Walt Disney.
Tamién tuvo un pequeñu papel na película de Frank Capra Qué bellu ye vivir, y viaxó pel país participando na representación de diversos musicales, ente ellos Hello Dolly, The Sound of Music, y The Music Man.
Escontra 1948 Bailey entró en Alcohólicos Anónimos, sofitando públicamente a la organización a lo llargo de más de trenta años.[3]
Jack Bailey finó en 1980 en Santa Monica (California) por causa d'una neumonía.
A Jack Bailey concediéronse-y dos estrelles nel Paséu de la Fama de Hollywood, una pol so trabayu radiofónicu nel 1708 de Vini Street, y otra pola so actividá televisiva nel 6411 de Hollywood Boulevard.[2]
Referencies
editar- ↑ 1,0 1,1 Afirmao en: GeneaStar. Identificador GeneaStar de persona: baileyj. Apaez como: Jack Bailey.
- ↑ 2,0 2,1 2,2 Queen for a Day n'Internet Movie Database
- ↑ Conversación sobre Alcohólicos Anónimos, por Jack Bailey, 5 de xunu de 1978
Enllaces esternos
editar- Jack Bailey na Internet Movie Database (n'inglés)
Datos: Q531035
Multimedia: Jack Bailey (actor)
