Jack Davis (actor)

Jack Davis
Vida
Nacimientu	Los Angeles, 5 d'abril de 1914
Nacionalidá	Estaos Xuníos
Llingua materna	inglés
Muerte	Santa Monica, 3 de payares de 1992 (78 años)
Sepultura	valor desconocíu
Familia
Hermanos/es	Mildred Davis
Estudios
Llingües falaes	inglés
Oficiu	actor, actor de cine, cardiólogu
IMDb	nm0204733

Jackie Davis (5 d'abril de 1914, Los Angeles – 3 de payares de 1992, Santa Monica) foi un actor infantil d'Estaos Xuníos, conocíu por actuar na serie cinematográfica producida por Hal Roach Our Gang.

Biografía

El so nome yera John H. Davis, y nació en Los Angeles, California. La so hermana, Mildred Davis, tamién yera actriz, y trabayó como protagonista femenina en filmes del comediante Harold Lloyd producíos por Roach. Cuando Lloyd y Mildred casóse en 1923, Lloyd retiró a Jack de La Peada, faciendo qu'ingresara nuna academia militar.^[1]

Davis trabayó per vegada primera en La Peada nel curtiu One Terrible Day. N'entrando na academia militar, hubo de rematar la so carrera nel cine. La so última actuación en La Peada tuvo llugar a los diez años d'edá nel curtiu Fast Company.

Darréu Davis aportó a un médicu d'ésitu con exerciciu na zona de Los Angeles.^[1] A pesar del so oficiu, inda fixo ocasionales y curties actuaciones pa la televisión y el cine hasta l'añu 1990, siendo la postrera un papel d'alguacil nel filme Side Out.

Jack Davis yera'l güelu de l'actriz Carrie Mitchum y del actor Bentley Mitchum. Finó en 1992 en Santa Monica (California), a los 78 años d'edá.

Referencies

↑ ^1,0 ^1,1 Maltin, Leonard and Bann, Richard W. (1977, rev. 1992). The Little Rascals: The Life and Times of Our Gang, p. 269. New York: Crown Publishing/Three Rivers Press. ISBN 0-517-58325-9

Enllaces esternos

Jack Davis na Internet Movie Database (n'inglés)
Jack Davis n'AllMovie (n'inglés)

[maltin-1] 1,0 ^1,1 Maltin, Leonard and Bann, Richard W. (1977, rev. 1992). The Little Rascals: The Life and Times of Our Gang, p. 269. New York: Crown Publishing/Three Rivers Press. ISBN 0-517-58325-9

[1]