Jane Bryan

Jane Bryan (11 de xunu de 1918, Hollywood – 8 d'abril de 2009, Pebble Beach ^(es) ) foi una actriz cinematográfica d'Estaos Xuníos.

Jane Bryan
Vida
Nacimientu	Hollywood, 11 de xunu de 1918
Nacionalidá	Estaos Xuníos
Llingua materna	inglés
Muerte	Pebble Beach (es) , 8 d'abril de 2009 (90 años)
Familia
Casada con	Justin Whitlock Dart (1939 – 1984)
Estudios
Llingües falaes	inglés
Oficiu	actriz, actriz de cine
Emplegadores	Warner Bros.
Creencies
Partíu políticu	Partíu Republicanu de los Estaos Xuníos
IMDb	nm0116953

Biografía

El so verdaderu nome yera Jane O'Brien, y nació en Hollywood, California, siendo'l so padre un abogáu de Los Angeles. Preparada por Warner Bros. pa ser una de les actrices protagonistes del estudiu, la so carrera duró namái cuatro años, yá que decidió retirase en 1940 en casándose. Entá asina, fixo destacaos papeles en películes de sonadía como Marked Woman (1937, con Humphrey Bogart y Bette Davis, a la que la xunía una gran amistá), Kid Galahad (1937, con Edward G. Robinson, Bette Davis y Humphrey Bogart), A Slight Case of Murder (1938, con Edward G. Robinson), Each Dawn I Die (1939, con James Cagney y George Raft), y Invisible Stripes (1939, con George Raft, William Holden y Humphrey Bogart).

Bryan casóse col empresariu Justin Whitlock Dart nel día de nuechevieya de 1939. En 1945 Dart fíxose cargu de la entós caediza cadena de productos farmacéuticos Rexall Drug, formando Dart-Kraft Inc., un conglomeráu de productos de consumu y alimentos. El matrimoniu tenía una firme ideoloxía republicana, y ayudaron a persuadir al so amigu personal, l'antiguu actor Ronald Reagan, al cual conociera ella mientres el rodaxe de Brother Rat, a presentase como candidatu a Presidente de los Estaos Xuníos en 1980. La pareya siguió xunida hasta la muerte de Dart, asocedida en 1984.

Amás de la so faceta interpretativa, Bryan trabayó na United States Commission of Fine Arts en Washington, D.C. dende 1971 a 1976 y, apasionada de l'arqueoloxía, viaxó enforma y convirtióse en direutora del Muséu d'Historia Natural de Los Angeles.

Jane Bryan finó en 2009 na so casa en Pebble Beach, California, por causa de una llarga enfermedá. Tenía 90 años d'edá. Sobreviviéron-y el so tres fíos, Guy Michael Dart, Jane Dart Tucker y Stephen M. Dart; trés nietos; dos bisnietos y dos hermanos, William y Donald O'Brien. Foi soterrada nel Campusantu Greenfield Holy Trinity de Greenfield.

Filmografía

• The Case of the Black Cat, de William C. McGann (1936)
• The Captain's Kid, de Nick Grinde (1936)
• Under Southern Stars, de Nick Grinde (1937)
• The Marked Woman, de Lloyd Bacon (1937)
• The Cherokee Strip, de Noel M. Smith (1937)
• Kid Galahad, de Michael Curtiz (1937)
• Confession, de Joe May (1937)
• A Slight Case of Murder, de Lloyd Bacon (1938)
• The Sisters, d'Anatole Litvak (1938)
• Girls on Probation, de William C. McGann (1938)
• Brother Rat, de William Keighley (1938)
• The Man Who Dared, de Crane Wilbur (1939)
• The Old Maid, d'Edmund Goulding (1939)
• Each Dawn I Die, de William Keighley (1939)
• These Glamour Girls, de S. Sylvan Simon (1939)
• We Are Not Alone, de Edmund Goulding (1939)
• Invisible Stripes, de Lloyd Bacon (1939)
• Brother Rat and a Baby, de Ray Enright (1940)

Referencies

• Esta obra remanez de la traducción de Jane Bryan de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción de Jane Bryan de Wikipedia - italianu, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Jane Bryan na Internet Movie Database (n'inglés)
• Jane Bryan n'AllMovie (n'inglés)
• Obituariu
• «Jane Bryan». en Find a Grave. (n'inglés)

• Datos: Q510612
• Multimedia: Jane Bryan