Joaquim Alberto Chissano
Joaquim Alberto Chissano (Malehice, Chibuto, 1939) foi'l segundu presidente de Mozambique ente'l 6 de payares de 1986 y el 2 de febreru de 2005.
.jpg)
_ribbon.svg){kind=small}
.png){kind=small}
_-_ribbon_bar.gif){kind=small}
Lluchó pola independencia del so país, vivió en Portugal y más tarde se exilió a Francia y Suecia.
A partir de 1962 entró a formar parte del partíu marxista Frente de Lliberación de Mozambique (FRELIMO) y, depués de la independencia del país, foi collaborador de Samora Machel. Tres el fallecimientu d'ésti nun accidente d'avión en 1986, foi'l so socesor na presidencia. Mientres los primeros años, Chissano llevó una política continuista, con una fuerte rellación cola Xunión Soviética, anque tamién hubo acercamientos al bloque occidental. Cola cayida de la URSS y los cambeos internacionales asocedíos, en 1990 Chissano promueve l'abandonu del marxismu y la instauración del multipartidismu en Mozambique.
N'anguaño empecípiense les conversaciones de paz coles fuercies armaes opositores con quien se caltenía una cruenta guerra civil dende la independencia del país. El procesu desagua en 1992 cola firma del Alcuerdu de Paz Mozambiqueño en Roma ente'l Gobiernu Mozambiqueño y la Resistencia Nacional Mozambicana (RENAMO), principal grupu armáu.
En 1992, Joaquim Chissano apriende la téunica de meditación trascendental. Dos años dempués, introduz esti métodu nes escueles militar y policial: 16 000 soldaos y 30 000 civiles aprienden la téunica avanzada del vuelu yóguico. Chissano declaró: "Primero, practiqué la meditación trescendental conmigo mesmu, dempués introducí la práutica nos mios familiares, nel mio gabinete de ministros, nos mios funcionarios de gobiernu y nel mio exércitu. La resultancia foi la paz política y l'equilibriu de la naturaleza nel mio país."[5]
En 1994 celébrense les primeres eleiciones llibres de la hestoria de Mozambique nes que FRELIMO, con Chissano al frente, consigue la mayoría. En 1995 sofita la entrada de Mozambique na Commonwealth y ye unu de los principales valedores de la creación de la Comunidá de Países de Llingua Portuguesa.
En 1999 ye reelixíu presidente y esi mesmu añu ocupa'l cargu de vicepresidente de la Internacional Socialista. En 2003 desempeña les funciones de presidente de vez de la Xunión Africana. En 2005 Joaquim Chissano dexa la xefatura del Estáu al so compañeru de partíu Armando Guebuza y abandona la política activa dempués de 18 años.
Chissano ye miembru del Club de Madrid.
Referencies
editar- ↑ Afirmao en: SNAC. Identificador SNAC Ark: w6dj937v. Apaez como: Joaquim Chissano. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://www.ordens.presidencia.pt/?idc=154.
- ↑ 3,0 3,1 3,2 URL de la referencia: http://www.ordens.presidencia.pt/?idc=154&list=1.
- ↑ Afirmao en: Boletim da República. Llingua de la obra o nome: portugués. Editorial: Imprensa Nacional de Moçambique.
- ↑ Meditation is path to peace, Mozambique leader says, The Guardian, 22 de setiembre de 2001.
Enllaces esternos
editar
Datos: Q208355
Multimedia: Joaquim Chissano
