Olusegun Obasanjo

Oluṣẹgun Mathew Okikiọla Arẹmu Ọbasanjọ (5 de marzu de 1937, Abeokuta) ye un políticu y militar nixerianu, presidente del so país en dos ocasiones. Cristianu renacíu d'etnia yoruba, Obasanjo foi soldáu profesional antes de dedicase a la política.

Olusegun Obasanjo
Presidente de la Xunión Africana 6 xunetu 2004 - 24 xineru 2006 ← Joaquim Alberto Chissano - Denis Sassou-Nguesso → Presidente de Nixeria 29 mayu 1999 - 29 mayu 2007 ← Abdulsalami Abubakar - Umaru Yar'Adua → 5. Presidente de Nixeria 13 febreru 1976 - 30 setiembre 1979 ← Murtala Mohammed - Shehu Shagari → 3. Vicepresidente de Nixeria 29 xunetu 1975 - 13 febreru 1976 ← Joseph Edet Akinwale Wey - Shehu Musa Yar'Adua →
Vida
Nacimientu	Abeokuta, 5 de marzu de 1937 (87 años)
Nacionalidá	Nixeria
Residencia	Dodan Barracks (en)
Llingua materna	Idioma yoruba
Familia
Casáu con	Stella Obasanjo
Fíos/es	Iyabo Obasanjo-Bello
Estudios
Estudios	Colegio Baptist Boys (es) Defence Services Staff College (en) Royal College of Defence Studies Mons Officer Cadet School (en)
Llingües falaes	Idioma yoruba inglés Pidgin nigeriano (es) idioma ḥausa
Oficiu	políticu, militar, inxenieru
Participante Xunta Añal del Foru Económicu Mundial 2004
Premios	ver Orde de la Estrella de Ghana Orden de la República Federal Orden del Níger Orden de los Pioneros de Liberia Gran Cruz con Collar de la Orde de Méritu de la República d'Hungría Premiu Indira Gandhi  (1995) doctor honoris causa pola Universidá Rusa de l'Amistá de los Pueblos  (2001) doctorado honoris causa por la universidad de Beijing  (2005) membro honorario de la Academia Africana de Ciencias  (2011)
Serviciu militar
Cuerpu militar	Ejército de Nigeria (es)
Graduación	xeneral
Lluchó en	Guerra civil de Nixeria Operation Tail-Wind (en) Crisis del Congo (es)
Creencies
Relixón	protestantismu Ilesies bautistes
Partíu políticu	Partido Democrático Popular (es) (de 1999 a febreru 2015)

Foi Xefe d'Estáu en dos causes, la primera como Presidente del Gobiernu Militar ente'l 13 de febreru de 1976 y el 1 d'ochobre de 1979, y la segunda, como Presidente Constitucional de Nixeria, escoyíu democráticamente pa los periodos (1999-2003 y 2003-2007).

N'agostu de 2021, la Xunión Africana nombrólu Altu Representante pa la Paz nel Cuernu d'África.

Primer etapa de gobiernu

Obasanjo nació en Abeokuta, nel Estáu nixerianu d'Ogun, y se enroló nel exércitu a la edá de dieciocho años. Recibió la so formación militar n'Aldershot, d'onde se graduó como oficial del Exércitu nixerianu. Magar nun participó de manera direuta nel golpe d'Estáu del 29 de xunetu de 1975, dirixíu por Murtala Ramat Mohammed, foi nomáu Vicepresidente del Gobiernu encabezáu por ésti.

Tres l'asesinatu del Xeneral Murtala Ramat Mohammed nun intentu de golpe d'Estáu'l 13 de febreru de 1976, Obasanjo sustituyólu como Xefe d'Estáu. Caltuvo'l cargu hasta'l 1 d'ochobre de 1979, cuando dexó'l poder a Shehu Shagari, Presidente civil escoyíu democráticamente, lo cual fixo de Obasanjo el primer Xefe d'Estáu na hestoria de Nixeria qu'abandonó'l poder por voluntá propia. A finales de 1983, sicasí, l'exércitu tomó'l poder de nuevu. Obasanjo, yá retiráu, nun participó nel golpe d'estáu, y paez ser que lo criticó.

Mientres el gobiernu militar de Sani Abacha ente 1993 y 1998, Obasanjo criticó les violaciones de derechos humanos del réxime, y foi encarceláu. Nun sería lliberáu hasta la muerte repentina de Abacha el 8 de xunu de 1998. Precisamente tres la so salida de la cárcel, Obasanjo declaró convertise en cristianu renacíu. Según dellos analistes, ésti sería'l factor crucial qu'asitió la so popularidá nos Estaos sureños de Nixeria, nos que'l cristianismu ye la relixón mayoritaria.

Nes eleiciones de 1999, les primeres democrátiques en dieciséis años, decidió presentase a la presidencia como candidatu del Partíu Democráticu Popular. Obasanjo foi vencedor con un 62,6 per cientu de los votos, con una apolmonante mayoría nel sureste cristianu y nel norte musulmán, pero perdiendo de manera significativa na so rexón natal del suroeste frente al tamién Yoruba y cristianu Olu Falae, l'otru candidatu. Los probes resultaos na so rexón d'orixe interpretáronse como un castigu pola so etapa previa nel gobiernu, cuando dexó'l poder a un gobiernu civil nel que predominaben los nixerianos del norte, lo cual causaría rensía contra la so figura ente la población yoruba.

Segunda etapa de gobiernu

Olusegun Obasanjo con Donald Rumsfeld, secretariu d'estáu de los Estaos Xuníos.

Obasanjo foi reelixíu en 2003 nunes apostaes eleiciones con connotaciones étniques y relixoses, nes que'l so principal oponente foi Muhammadu Buhari, musulmán del norte que formara parte tamién de gobiernos militares nel pasáu. Obasanjo llogró'l 61,8 per cientu de los sufraxos, aventayando a Buhari por más d'once millones de votos. Buhari y otros candidatos derrotaos, ente ellos Chukwuemeka Odumegwu Ojukwu, líder del secesionismu biafreño de los años 1960, alzaron l'acusación de fraude eleutoral, anque los observadores internacionales de la Mancomunidá Británica de Naciones nun vieron irregularidaes que pudieren poner en dulda la victoria de Obasanjo. La resultancia eleutoral, sicasí, acentuó la polarización xeográfica y relixosa de la política nixeriana. Obasanjo venció con comodidá nel sur cristianu del país, incluyida la zona yoruba que-y diera la llombu en 1999, pero llogró munchos menos votos nel norte. Dellos analista vieron nesta resultancia un enclín peligrosu pa la unidá y l'harmonía relixosa nun país con fondes divisiones étniques y relixoses, anque otros piensen que los resultaos fueron normales yá que, a diferencia de les eleiciones de 1999, l'otru candidatu principal yera musulmán del norte.

Les sos aiciones contra la corrupción y a favor de les reformes económiques diéron-y un considerable prestíu internacional como home d'estáu africanu. Obasanjo espresóse públicamente en favor de la condonación de la delda esterna de los países en víes de desenvolvimientu, del llibre comerciu y de les reformes económicu y democráticu. Como presidente de la Xunión Africana espresó'l refugu de la organización a tres golpes d'estáu nel continente. En mayu de 2007 foi asocedíu na xefatura del Estáu por Umaru Yar'Adua.

Anque Obasanjo tuvo diverses muyeres y numberosos fíos con munches d'elles, oficialmente taba casáu con una sola muyer, la primer dama de Nixeria Stella Obasanjo, finada en Marbella, España, el 23 d'ochobre de 2005. Esto ye lo habitual ente los políticos del África negra, que faen ostentación del númberu de pareyes y de fíos. Unu de los últimos exemplos destacaos ye Jacob Zuma, presidente de Sudáfrica dende mayu de 2009.

Enllaces esternos

• Wikimedia Commons tien conteníu multimedia tocante a Olusegun Obasanjo.
• Biografía por CIDOB (n'español)

• Datos: Q202006
• Multimedia: Olusegun Obasanjo