La Xunión Africana (XA), ye la organización supranacional del ámbitu africanu dedicada a xorrecer la integración económica y política y a encontar la cooperación ente los sos estaos miembros. La XA ñació en marzu de 2001, data en que se robló'l pautu de Syrte na ciudá homónima de Libia reemplazando a la Organización pa la Xunidá Africana. La XA ta inspirada na Xunión Europea.

Xunión Africana
organización rexonal, xunión continental y organización internacional
Llocalización
Sede Adís Abeba
Historia
Fundación9 setiembre 1999
Eslogan A United and Strong Africa (en)
Une Afrique unie et forte (fr)
Participación empresarial
Filiales
Propietariu de
Formáu por rexones de la Xunión Africana
Web oficial
Cambiar los datos en Wikidata

Marruecos ye l'únicu país del continente qu'abandonó la XA en 1984, dada la reconocencia por parte del bloque de la independencia de l'antigua colonia española d'El Sáḥara Occidental, a la qu'esti país árabe vindica como parte del so territoriu, reincorporándose a la XA en 2017[1].

La xunta añal de la XA decidió en xunetu de 2004 que los idiomes oficiales d'esti bloque de 53 países seríen l'árabe, hausa, el francés, l'inglés, el suaḥili y el portugués.

Fundación de la XA editar

La Xunión Africana ye l'heriede de dellos intentos previos de xunir políticamente al continente, como la Xunión d'Estaos Africanos creada por Kwame Nkrumah, la Organización pa la Xunidá Africana (OXA) de 1963, o la Comunidá Económica Africana fundada en 1981.

La idea de crear la XA foi rellanzada por dellos xefes d'estáu y de gobiernu na declaración de Sirte, el 9 de setiembre de 1999. A dicha declaración siguiéron-y una riestra de xuntes en Lomé (2000) u se redautó l'acta constitutiva de la XA; y en Lusaka (2001) u s'aprobó'l plan pa la instauración de la Xunión.

Nel acta constitutiva facíase un llamamientu a la diáspora africana a implicase activamente nel desendolcu de la Xunión.

La Xunión Africana foi inaugurada formalmente en Durban el 9 de xunetu de 2002 pol so primer presidente, el sudafricanu Thabo Mbeki.

A dellos críticos esmoleció-yos la poca implicación de la XA a la hora de protexer los derechos de los sos ciudadanos frente a los sos propios dirixentes, polo que n'ocasiones refiriéronse a la organización como Club pa Dictadores.

Organización de la XA editar

Los muérganos cimeros son:

  • Asamblea
  • Comité Executivu
  • Comisión
  • Comité de representantes permanentes
  • Conseyu de Paz y Seguridá
  • Parllamentu Panafricanu
  • Conseyu Económicu y Social
  • Corte de Xusticia
  • Comites téunicos especializaos
  • Instituciones financieres

Parllamentu Panafricanu editar

La nauguración del parllamentu panafricanu, con sé en Johannesburgu, foi'l 16 de setiembre de 2004.

Nos sos primeros cinco años d'esistencia, el Parllamentu Panafricanu, integráu hasta agora por 265 integrantes de 46 países de la XA, será un muérganu consultivu y asesor. Pero en 2009, asumirá la función d'aprobar lleis.

Estaos miembros editar


Xunión Africana (XA)
Angola | Arxelia | Benín | Botsuana | Burkina Fasu | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Mauriciu | Mauritania | Mozambique | Namibia | Níxer | Nixeria | Ruanda | El Sáḥara Occidental | Santu Tomé y Príncipe | Senegal | Islles Seixeles | Sierra Lleona | Somalia | Sudáfrica | Sudán | Sudán del Sur | Suazilandia | Tanzania | Togu | Tunicia | Uganda | Xibuti | Zambia | Zimbabue

Ver tamién editar

Enllaces esternos editar

Referencies editar