José Alonso del Rivero
José Alonso del Rivero Sacades (1782, Uviéu – depués de 1818) foi un pintor neoclásicu asturianu.[nota 1]
José Alonso del Rivero | |
|---|---|
| Vida | |
| Nacimientu | Uviéu, 1782 |
| Nacionalidá |
 España |
| Muerte | depués de 1818 |
| Estudios | |
| Estudios | Real Academia de Belles Artes de San Fernando |
| Llingües falaes | castellanu |
| Oficiu | pintor |
| Movimientu | Neoclasicismu |
 | |
Biografía editar
Fíu de José Rivero y de Rosa Sacades, empezó los sos estudios na Academia de Dibuxu d'Uviéu, fundada de recién. Continuó los sos estudios na Real Academia de Belles Artes de San Fernando, na qu'ingresó en 1795 cola beca que-y dio l'academia uvieina y por cuenta de una suscripción na que participaron el conde de Campomanes y los miembros de la Sociedá Patriótica.[2] En 1802 llogró'l premiu de segunda clase de la Real Academia pola composición Escipión en casa de Matelo, y en 1805 el primer premiu de primera clase de pintura pol oleu Carlos III apurriendo les tierres a los colonos de Sierra Morena, conserváu na mesma Academia.[3]
Al mesmu tiempu, y por influyencia del holandés Guillermo Ducker, miniaturista de cámara de Carlos IV y María Lluisa de Parma, orientó la so actividá a la semeya en miniatura. Consérvense en bon estáu munches d'estes miniatures, ente los que destaquen los de los marqueses de Lazán, María Gabriela de Palafox y Portocarrero y Luis Rebolledo Palafox, y el de la marquesa de Villafranca, María Tomasa de Palafox, calteníos los trés nel Muséu del Prado xunto con otres dos semeyes masculines ensin identificar.[4] En 1814, el correxidor de Madrid, Alonso Marcilla de Teruel, tituláu duque de Moctezuma, encargó-y una semeya del rei Fernandu VII pa una de les sales de les Cases Consistoriales, qu'hubo de reformar poco depués al nun quedar a completu prestu de les autoridaes municipales.
Notes editar
- ↑ Manuel Ossorio y Bernard na so Galería biográfica de artistas españoles del siglo xix escribe'l so apellíu con be, Ribero.[1]
Referencies editar
- ↑ Ossorio y Bernard, 1868, p. 23.
- ↑ Canella, p. 383.
- ↑ Carlos III entregando las tierras a los colonos de Sierra Morena, Ceres, Rede dixital de colecciones de museos d'España.
- ↑ «Rivero Sacades, José Alonso del»
Enllaces esternos editar
Wikimedia Commons acueye conteníu multimedia sobre José Alonso del Rivero 
.
Datos: Q15711641- Multimedia: José Alonso del Rivero
