José Antonio Jiménez Jiménez
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
José Antonio Jiménez (11 de payares de 1952, Pumarín – 19 de xineru de 2024, Uviéu), más conocíu como Gitano Jiménez, foi un boxeador asturianu de la categoría de pesu pluma. Foi l'asturianu que consiguió'l títulu de campeón d'Europa de pesu pluma más mozu, con namás 20 años.[2]
José Antonio Jiménez Jiménez | |
|---|---|
| Vida | |
| Nacimientu | Pumarín[1], 11 de payares de 1952 |
| Nacionalidá |
 España |
| Muerte | Uviéu[1], 19 de xineru de 2024 (71 años) |
| Estudios | |
| Llingües falaes | castellanu |
| Oficiu | |
| Oficiu | boxeador |
|
| |
 | |
Carrera profesional
editarNuna carrera profesional de 60 combates, ganó 41 (14 por knockout), perdió 12 (5 por knockout) y tuvo 7 empates.[3] Ente otros, enfrentóse a Tommy Glencross, a quien venció por decisión unánime en 15 asaltos el sábadu 12 de mayu de 1973 pa ganar el títulu de pesu pluma de la EBU que taba vacante antes d'esti combate,[4] Svein Erik Paulsen[5] y José Bisbal (padre del cantante David Bisbal, una victoria por decisión n'ocho asaltos pa Jiménez el sábadu 6 d'avientu de 1975)[6] y el contundente campeón mundial de dos divisiones y miembru del Salón Internacional de la Fama del Boxéu Éder Jofre, contra quien Jiménez perdió por decisión unánime en diez asaltos el vienres 2 de xunetu de 1976 en São Paulo (Brasil).[7] Dexó'l boxéu a los 27 años y convirtióse n'entrenador. Ente otros, entrenó al futuru hexacampeón d'España Aitor Nieto.[2]
Vida personal
editarNació nel uvieín barriu de Pumarín, nuna famila humilde, con 11 hermanos. Con 17 años casó cola so prima y tuvo cuatro fíos, de los que morrieron dos.[2] En dexando'l boxéu, trabayó nel llavaderu d'El Batán d'Hunosa (Mieres). Nos años 1990 foi condenáu a 14 años de cárcel, de los que tuvo encarceláu 35 meses hasta que'l Tribunal Supremu anuló la sentencia. Foi lliberáu'l 31 de xineru de 1995 y darréu volvió al so trabayu n'Hunosa. Morrió'l 19 de xineru de 2024 pola mor de problemes coronarios.
Títulos
editar- Campeón d'Europa del pesu pluma (1973)
- Campeón d'España del pesu pluma (1972)
- Campeón d'España del pesu llixeru junior (1971)
Referencies
editar- ↑ 1,0 1,1 «El Comercio» (castellanu). Consultáu'l 22 xineru 2024.
- ↑ 2,0 2,1 2,2 «Muere 'Gitano' Jiménez, el asturiano que consiguió el título de campeón de boxeo más joven de Europa de pesu pluma» (castellanu) (19 de xineru de 2024).
- ↑ «BoxRec: Jose Antonio Jimenez».
- ↑ «BoxRec: Event».
- ↑ «BoxRec: Event».
- ↑ «BoxRec: Event».
- ↑ «BoxRec: Event».
Enllaces esternos
editar
Datos: Q5937909
