José Antonio Ortega Lara
José Antonio Ortega Lara (1958, Montuenga (es) 
) ye un funcionariu de prisiones español retiráu que permaneció secuestráu pola organización terrorista ETA mientres 532 díes ente 1996 y 1997. Ye Mayestru y llicenciáu en Drechu. Foi militante del Partíu Popular ente 1987 y 2008. Anguaño vive en Burgos. El 16 de xineru de 2014 presentó,[1] como miembru del Comité Executivu Provisional, el partíu políticu Vox xunto con otros exmilitantes del Partíu Popular, como Santiago Abascal.
José Antonio Ortega Lara | |
|---|---|
_(cropped).jpg) | |
| Vida | |
| Nacimientu |
Montuenga (es) , 1958 (65/66 años) |
| Nacionalidá |
 España |
| Estudios | |
| Estudios | Universidá Nacional d'Educación a Distancia |
| Llingües falaes | castellanu |
| Oficiu | políticu, axente penitenciariu |
|
Participante
| |
| Creencies | |
| Partíu políticu |
Partido Popular (de 1987 a 2008) Vox |
 | |
Secuestru y lliberación
editarEl 17 de xineru de 1996 José Antonio Ortega Lara ye secuestráu nel garaxe de la so casa en Burgos cuando volvía del so trabayu nel Centru Penitenciariu de Logroño. Díes más tarde, ETA fízose responsable del secuestru, el segundu que caltenía nesos momentos (José María Aldaya taba secuestráu dende'l 8 de mayu de 1995),[2] y esixó pa la so lliberación el treslláu de los presos de la organización a cárceles vasques. El 1 de xunetu de 1997 la Guardia Civil atopólu nun zulo d'Arrasate dempués de pasar 532 díes zarráu nél. Na mesma operación policial, na qu'intervinieron más de 60 axentes, foron deteníos los sos cuatro secuestradores.
Les condiciones del so secuestru foron penoses: el zulo nel que se taba, bien húmedu (pos s'atopaba a pocos metros del ríu Deva), ensin ventanes y asitiáu sol suelu d'una nave industrial, tenía unes dimensiones de 3 metros de llongura por 2,5 d'anchu y 1,8 m d'altor interior. Ortega Lara namás podía dar trés pasos nél. Disponía de la lluz d'una pequeña bombilla y, como nun podía salir del cuartuchu, recibía dos marmites; una pa facer les sos necesidaes y otra pa llimpiase. Los secuestradores diéron-y una bandexa con un vasu d'agua y un platu con frutes y vexetales trés vegaes al día. Recibía'l periódicu a diariu y melecines cuando les precisaba, tamién tenía un walkman y llibros. Según el mesmu Ortega Lara, la rellación colos sos secuestradores foi variando, de compartir conversaciones polítiques cordiales a escarecer de tratu.
Nel momentu del so rescate, Ortega Lara perdiera 23 quilos, masa muscular y densidá ósea. Sufría de trestornos del suañu, estrés postraumáticu, ansiedá y depresión.[3][4]La reacción de la banda terrorista una selmana más tarde, el 10 de xunetu, foi'l secuestru y asesinatu del conceyal d'Ermua (Bizkaia), Miguel Ángel Blanco.
El 10 de xunu de 2005 entamó'l xuiciu a los dirixentes de la organización armada Julián Atxurra Egurola (Pototo) y José Luis Agirre Lete (Isuntza) por ser los organizadores del secuestru. Según la sentencia, "Pototo" ordenó a los yá condergaos José Luis Erostegi, Javier Ugarte, Josu Uribetxeberria Bolinaga y José Miguel Gaztelu Otxandorena qu'escoyeren y percanciaren información sobre una víctima pa secuestrala. Tamién se-yos ordenara l'acondicionamientu y caltenimientu d'un cuchitril onde teníen de retenela, polo que construyeron un cuartu de 3,5 metros cuadraos na cooperativa Jalgi, n'Arrasate.
En 1998, los periodistes Belén de Delgado Soto y Antonio José Mencía Gullón publicaron Diario de un secuestro: Ortega Lara, 532 días en un zulo, narrando'l secuestru del carceleru.
L'artista español Omar Jerez realizó una performance n'avientu de 2012 con un encierre d'ocho díes denunciando la salida de prisión de Josu Uribetxeberria Bolinaga, ún de los secuestradores de José Antonio Ortega Lara.
Fundación de Vox
editarEn xineru de 2014 anuncióse que ponía en marcha un nuevu partíu políticu. Ortega Lara funda un partíu xunto con Santiago Abascal, José Luis González Quirós y Ignacio Camuñas, ente otros, xenerando una «alternativa a la drecha del Partíu Popular». El partíu yera Vox y definíase como una alternativa «rexeneradora» frente a los dos partíos mayoritarios,[5] y que la so fundación respuende a un sentimientu d'orfandá política nel centru drecha.[6] El partíu fízose relevante en 2018, llogrando 12 escaños nes eleiciones andaluces[7],24 escaños n'abril 2019 y más tarde 52 escaños en payares d'este mesmu añu nel Congresu de los Diputaos.[8]
Referencies
editar- ↑ Vox, el nuevu partíu d'Ortega Lara, aboga por fortalecer el papel del Rei, la familia y el centralismu n'España. Diariu Críticu. 16 de xineru de 2014. p. www.diariocritico.com. http://www.diariocritico.com/nacional/ortega-lara/ignacio-camunas/vox-/jose-luis-gonzalez-quiros/449117. Consultáu'l 1 de marzu de 2017.
- ↑ Amnesty International calls on ETA to release Jose Antonio Ortega Lara (enllaz rotu disponible n'Internet Archive; ver l'historial y la última versión).
- ↑ «Las huellas del secuestro más duro de la historia de España Sobrevivir al infierno Ortega Lara necesitará algo más que apoyo psicológico para recuperarse de su largo cautiverio». El Mundo (3 de xunetu de 1997).
- ↑ El 'zulo' d'Ortega Lara, reportaxe del diariu El País, 8 de xunetu de 1997.
- ↑ Les propuestes de VOX. El Mundo. 16 de xineru de 2014. https://www.elmundo.es/alderica/espana/2014/01/17/52d86765y2704y4a6c8b4583_results.html. Consultáu'l 17 de xineru de 2014.
- ↑ «Vox nace en respuesta a un sentimiento de orfandad política en el centro derecha». ABC. 16 de xineru de 2014. https://www.abc.es/espana/20140116/abci-abascal-201401161133.html. Consultáu'l 17 de xineru de 2014.
- ↑ Resultaes elecciones andaluces 2018 en abc.es
- ↑ Quién son los 24 diputaos de Vox nel Congresu en eldiario.es
Enllaces esternos
editar
Wikimedia Commons acueye conteníu multimedia sobre José Antonio Ortega Lara.
Datos: Q5938011- Multimedia: José Antonio Ortega Lara
Cites famoses: José Antonio Ortega Lara
