Euskadi Ta Askatasuna
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Euskadi ta Askatasuna (n'asturianu, País Vascu y Llibertá), conocida como ETA, foi una organización terrorista que nagua por afitar un estáu vascu socialista ya independiente a partir del amiestu de dellos territorios españoles y franceses formaos poles comunidaes españoles del País Vascu y Navarra y les provincies franceses de Zuberoa, Baxa Navarra y Lapurdi.
| Euskadi Ta Askatasuna | ||
|---|---|---|
 Sellu d'ETA. | ||
| Operacional | 1959- presente (el 2011 anunció'l cese definitivu de la llucha armao) | |
| Lideráu por | ||
| Oxetivos | Creación d'un Estáu independiente vascu y socialista n'Euskal Herria | |
| Rexones d'aición |
 España Euskadi Francia | |
| [editar datos en Wikidata] | ||
Ta reconocía como organización terrorista polos principales organismos internacionales, por mor del usu que fai d'aiciones violentes como l'asesinatu y el secuestru, amás de la estorsión a empreses ya industriales col cobru del nomáu «impuestu revolucionariu», una de les sos fontes d'ingresos. Anguaño lleven asesinaes 817 persones.
Pente la so trayeutoria, ETA decretó cinco tregües totales, y otres tantes parciales, col envís d'entamar procesos de negociación empobinaos al cese de la so actividá. El más prolongáu d'esos periodos foi ente'l 16 de setiembre de 1998 y el 3 d'avientu de 1999, nel que se caltuvieron dellos contautos col Gobiernu español, entós presidíu por José María Aznar. El 22 de marzu de 2006, y col socialista José Luis Rodríguez Zapatero como presidente del executivu español, ETA da anunciu d'un alto'l fueu permanente que concluyó 'de facto' el 30 d'avientu de 2006 cola esplosión d'una furgoneta bomba nel Aeropuertu de Barajas, en Madrid, que provocó la muerte a dos persones. Sicasí, la banda nun da por fináu el procesu hasta'l 5 de xunu de 2007, cuando nun comunicáu nuevu anuncia la vuelta a la actividá armada pal día siguiente.
El 20 d'ochobre de 2011 ETA anunciaba nun comunicáu'l cese definitivu de la so actividá armada.
| Civiles | 341 |
| Militares y policíes | 481 |
| Total | 822 |
| Fonte: Ministeriu español de l'Interior [1] Archiváu 2009-08-27 en Wayback Machine [2] Archiváu 2005-08-16 en Wayback Machine | |
ETA n'Asturies
editar- 1979: ETA atraca la oficina principal del Banco Herrero n'Uviéu, con ayuda de miembros de CNA onde robaron 100 millones de pesetes.
- 26/9/1995: La llinia de Feve que xune Asturies con Galicia permaneció cortada varies hores tres recibise una llamada en nome d'ETA alvirtiendo de la esistencia d'un artefautu nel trayeutu Uviéu-El Ferrol.
- 3/11/1996: ETA colocó na sede del Palaciu de Xusticia de Xixón 20 quilogramos d'esplosivos qu'ocasionaron daños materiales por un valir cercanu a los 50 millones de pesetes. Esta foi la primer vegada que la banda terrorista recurrió a la colocación d'esplosivos n'Asturies.
- 21/7/1997. Dos granaes que teníen como oxetivu'l Cuartel del Cuerpu Nacional de Policía de Buenavista, n'Uviéu, españaron nel centru de la ciudá. La Policía desautivó darréu una trampa-bomba colocada xunto a ún de los llanzagranaes.
Referencies
editarEnllaces esternos
editar
Datos: Q42814
Multimedia: ETA
Cites famoses: Euskadi Ta Askatasuna
Testos: Portal:Euskadi Ta Askatasuna
