José Francisco Uría y Riego

José Francisco Uría y Riego (16 de febreru de 1819, Cangas del Narcea – 24 de marzu de 1862, Alicante) foi un políticu asturianu.

José Francisco Uría y Riego
Vida
Nacimientu	Cangas del Narcea, 16 de febreru de 1819
Nacionalidá	España
Muerte	Alicante, 24 de marzu de 1862 (43 años)
Estudios
Estudios	Universidá d'Uviéu
Llingües falaes	castellanu
Oficiu	políticu
Creencies
Partíu políticu	Unión Liberal (es)

Biografía

Llicenciáu en Filosofía y Xurisprudencia na Universidá d'Uviéu. Yá en Madrid desempeña dellos cargos nel Ministeriu de la Gobernación, y ente xunetu y ochobre de 1856 ocupa la secretaría de Gobiernu d'Uviéu. Foi nomáu Gobernador Civil de Logroño n'agostu de 1856, pero nun puede tomar posesión por motivos de salú y finalmente en payares de 1857 ocupa'l puestu de secretariu de Gobiernu de Madrid. En 1857 entra en política de la mano d'Unión Lliberal y resulta escoyíu diputáu por Cangas de Tinéu. El presidente del Gobiernu, O'Donnell, nómalu direutor xeneral d'Obres Públiques en 1858, siendo ministru de Fomentu Rafael de Bustos y Castilla-Portugal. Dende esti puestu favorez dellos proyeutos d'infraestructures n'Asturies, ente ellos la llinia de ferrocarril ente Payares y Xixón. Tien que dexar el cargu por motivos de salú nel mes d'avientu del mesmu añu.

Collaboró col periódicu El Faro Asturiano y escribió la Memoria sobre el estado de las obras públicas en España al finalizar el primer semestre de 1859 (Madrid, 1859). Foi vicesecretariu de la seición d'Arte y Lliteratura del Atenéu Científico y Lliterario de Madrid. Tou ello, mereció la reconocencia de dellos conceyos asturianos (Xixón, Cangas, Ḷḷuarca) que recueyen nel so caleyeru una cai dedicada a la so memoria. N'Uviéu, la principal arteria comercial de la ciudá, la cai Uría lleva'l so nome. Morrió n'Alicante'l 24 de marzu de 1862.

Bibliografía

• Mercedes Pérez Rodríguez. «El patrimonio de la obras públicas en Asturias a mediados del siglo XIX en rellación con José Francisco de Uría y Riego» (castellano). Consultáu'l 30 de xineru de 2018.

Enllaces esternos

• Datos: Q5939832