José Manuel Ruiz Reyes
José Manuel Ruiz Reyes (16 de xunetu de 1978, Granada) ye un xugador de tenis de mesa de clase 10.[1] Atropa alredor de 30 condecoraciones en campeonatos europeos ya internacionales, ente les que cunta con 4 medayes paralímpiques.[2] Ye xugador de la Real Federación Española de Tenis de Mesa y participó nos Xuegos Paralímpicos d'Atlanta 1996, Sydney 2000, Atenes 2004, Beixín 2008 y Londres 2012; amás, foi convocáu pa los Rio de Janeiro 2016.
José Manuel Ruiz Reyes | |
|---|---|
.jpg) | |
| Vida | |
| Nacimientu | Granada, 16 de xunetu de 1978 (46 años) |
| Nacionalidá |
 España |
| Estudios | |
| Llingües falaes | castellanu |
| Oficiu | |
| Oficiu |
para table tennis player (en)  |
|
| |
 | |
Trayeutoria
editarCampeonatu d'Europa
editarLa so primer medaya foi nel Campeonatu d'Europa de 1995 en Hillerod (Dinamarca), onde llogró la medaya de bronce na prueba d'equipos. Participó n'ediciones posteriores, ente les que destaquen la de 2001 en Frankfurt (Alemaña), onde llogró la medaya d'oru na prueba individual, y 2007 en Kranjska Gora (Eslovenia), onde llogró l'oru tanto na prueba open como nel dobles.
Xuegos Olímpicos
editarParticipó en cinco ediciones de los xuegos paralímpicos ―Atlanta 1996, Sydney 2000, Atenes 2004, Beixín 2008 y Londres 2012―, amás de ser convocáu pa Rio de Janeiro 2016 y escoyíu abanderáu del equipu español, compuestu por 114 deportistes y 68 miembros del equipu téunicu.[2]
Llogró dos medayes de bronce, nes pruebes d'equipos de Sydney 2000 contra Francia y Londres 2012 contra Ucrania, y dos de plata, na prueba individual de Sydney contra la República Checa y na prueba d'equipos de Beixín contra China.
Condecoraciones
editarEn 2013 foi condecoráu cola medaya de bronce de la Real Orde al Méritu Deportivu al pie de otros deportistes que llograren la medaya de bronce nos Xuegos Paralímpicos de Londres 2012 ―los ciclistes Miguel Ángel Clemente, Diego Javier Muñoz y Maurice Eckhard, los nadadores José Antonio Marí y Deborah Font, la yudoca Mónica Merenciano, y el tamién tenista de mesa, Jorge Cardona―.[3]
Referencies
editar- ↑ Comité Paralímpicu Español. «Datos biografía». Archiváu dende l'orixinal, el 2016-08-11. Consultáu'l 09-08-2016.
- ↑ 2,0 2,1 «José Manuel Ruiz será el abanderado español en los Juegos Paralímpicos de Río» (19-07-2016). Archiváu dende l'orixinal, el 2016-08-02. Consultáu'l 9-08-2016.
- ↑ «El paralímpicu extremeño Enrique Floriano recibe la Medaya de la Real Orden al Mérito Deportivo» (castellanu). Región Digital (29 d'ochobre del 2013). Consultáu'l 30 d'agostu del 2016.
Enllaces esternos
editar- Biografía Archiváu 2016-08-11 en Wayback Machine na páxina web oficial del Comité Paralímpicu Español.
Datos: Q14124420
Multimedia: José Manuel Ruiz Reyes
