José María Álvarez Suárez
José María Álvarez Suárez (20 de marzu de 1956, Miranda) tamién conocíu como Pepe Álvarez, ye un sindicalista español, actual secretariu xeneral de la UXT. Asocedió nel cargu a Cándido Méndez el 12 de marzu de 2016.[1] Tamién foi'l secretariu xeneral de la UXT en Cataluña dende 1990 hasta 2016.
José María Álvarez Suárez | |||||
|---|---|---|---|---|---|
 | |||||
12 marzu 2016 - ← Cándido Méndez Rodríguez
mayu 1990 - 12 marzu 2016 ← Justo Domínguez de la Fuente - Camil Ros (es)  → | |||||
| Vida | |||||
| Nacimientu | Miranda, 20 de marzu de 1956 (68 años) | ||||
| Nacionalidá |
 España | ||||
| Estudios | |||||
| Llingües falaes |
castellanu catalán | ||||
| Oficiu | sindicalista | ||||
| Emplegadores |
Alstom (es) | ||||
| Miembru de | Unión Xeneral de Trabayadores | ||||
| Creencies | |||||
| Partíu políticu | Partíu Socialista Obreru Español | ||||
 | |||||
Biografía
editarJosé María Álvarez Suárez ñació n'Alvariza, llocalidá dependiente del conceyu asturianu de Miranda. Cursó estudios de Formación Profesional en Noreña (Asturies).[2]
Militancia na Unión Xeneral de Trabayadores
editarNel añu 1975 se treslladó a Barcelona y entama a trabayar na empresa La Maquinista Terrestre y Marítima (Gec-Alstom). Nesi mesmu añu s'afilió a la Unión Xeneral de Trabayadores. En 1976 ye nomáu secretariu d'Aición Sindical na seición sindical de la so empresa. Más tarde foi miembru del comité d'empresa de la Maquinista, tres les primeres eleiciones sindicales.[3] En 1978 ye escoyíu secretariu d'organización de la Federación del Metal de la UXT de Cataluña. A partir d'esi momentu, pasa por distintos cargos nel sindicatu. El más destacáu foi'l de secretariu xeneral del Sindicatu del Metal de Barcelona, el sindicatu con más afiliación de la Confederación. En 1988 vuelve a ser escoyíu secretariu d'Organización de la Federación del Metal de la UXT de Cataluña y miembru del Comité Confederal. En 1989 ye escoyíu presidente de la Comisión Xestora de la UXT de Cataluña, siendo darréu secretariu xeneral dende 1990 hasta 2016. Cuando accede a la Secretaría Xeneral nel añu 1990 entama una nueva llinia política coles mires de tresformar el sindicatu nuna organización moderna, autónoma políticamente, plural ya integrada na realidá de la sociedá catalana.
Contribúi tamién al afitamientu y crecedera de la organización impulsando'l trabayu en distintes árees sociales y sindicales, cola creación de servicios específicos dientro del sindicatu como l'Asociación d'Ayuda Mutua d'Inmigrantes en Cataluña (AMIC), la Confederación de Trabayadores Autónomos de Cataluña (CTAC) y Avalot – Mozos de la UXT de Cataluña.
Pepe Álvarez ye'l primer dirixente sindical que creó'l so propiu blogue, "Valor Sindical" onde espresa'l so puntu de vista sobre la evolución de la sociedá. Apostó pol desarrollu de la presencia del sindicatu na rede, asina como la incorporación de lo audiovisual como una ferramienta de primer magnitú de la comunicación sindical. Nesta llinia impulsó la creación de Canal UGT.
En 2016 foi escoyíu secretariu xeneral de la UXT, en sustitución de Cándido Méndez, mientres el 42º Congresu Confederal de la UXT, celebráu los díes del 9 al 12 de marzu de 2016, llogrando 306 votos (el 51,1%), frente a los 289 llograos pol otru candidatu, Miguel Ángel Cilleros.
Referencies
editar- ↑ Josep Maria Álvarez Secretariu Xeneral d'UXT. “El sindicatu tien de faer puntu y aparte cola era Méndez”
- ↑ «Según la biografía oficial, "Cursa estudios de Formación Profesional en Noreña" (consulta del 30-06-2016)». Archiváu dende l'orixinal, el 23 de setiembre de 2016. Consultáu'l 30 de xunu de 2016.
- ↑ «Pepe Álvarez analiza los retos del sindicalismu énte la crisis actual, na web de la Universidá Pompeu Fabra, consultáu'l 19 de mayu 2011». Archiváu dende l'orixinal, el 9 de marzu de 2016. Consultáu'l 12 de marzu de 2016.
Enllaces esternos
editar
Wikimedia Commons acueye conteníu multimedia sobre José María Álvarez Suárez.
Datos: Q11928776- Multimedia: Josep Maria Àlvarez Suàrez
