José Ramón Álvarez Rendueles

José Ramón Álvarez Rendueles
Vida
Nacimientu	Xixón, 17 de xunu de 1940 (84 años)
Nacionalidá	España
Estudios
Estudios	Universidá Complutense de Madrid
Llingües falaes	castellanu
Oficiu	economista
Premios	ver Gran Cruz de la Orde del Méritu Civil (1975) ; Caballeru de la Gran Cruz de la Orde al Méritu de la República Italiana (26 mayu 1980) ; Gran Cruz de la Orde de Sabela la Católica (2008) ; Medaya de la Orde del Méritu Constitucional (2011) ;

José Ramón Álvarez-Rendueles Medina (17 de xunu de 1940, Xixón) ye un economista asturianu.

Biografía

Abogáu y doctor en ciencies económiques pola Universidá Complutense de Madrid, y profesor mercantil pola Escuela de Xixón.

En 1964 ingresó nel Cuerpu de Téunicos Comerciales y Economistes del Estáu, siendo caderalgu d'Universidá dende 1973.

Foi Xefe d'Estudios del Plan de Desenvolvimientu (1970-73), secretariu téunicu y subsecretariu del Ministeriu de Facienda (1973-76), secretariu d'Estáu d'Economía (1977-78), gobernador del Bancu d'España (1978-84) y presidente del Bancu Zaragozanu (1986-1997).

Nel ámbitu empresarial asturianu, foi presidente de los estelleros Xuliana Constructora Xixonesa y conseyeru d'Uninsa, Ensidesa y Hunosa. Foi'l primer presidente de la Fundación pa la Investigación Científico y Téunico (FICYT) del Principáu d'Asturies.

Catedráticu de Facienda Pública na Universidá Autónoma de Madrid, Álvarez-Rendueles, patronu de delles fundaciones, algamó la vicepresidencia mundial d'Arcelor y la presidencia d'Aceralia (1997) y de Peugeot España, siendo nomáu tamién conseyeru d'Asturiana de Zinc, de Holcim y de Sanitas na qu'anguaño ye presidente. Ente 1977 y 1978 foi Secretariu d'Estáu pa la Coordinación y Programación Económiques.

Escoyíu presidente de la Fundación Príncipe d'Asturies en marzu de 1995, desempeñó esti cargu hasta abril de 2008, sustituyéndo-y el tamién economista Matías Rodríguez Inciarte.

Ente otres condecoraciones, tien la gran cruz de la Orde del Méritu Civil, la Lexón d'Honor de Francia, la gran cruz del Méritu Civil d'Italia, la Cruceiro do Sur de Brasil, la Couronne de Chêne de Luxemburgu y la gran cruz de la Orde d'Isabel la Católica. Tamién ye fíu predilectu d'Asturies.

Ye académicu correspondiente pa Madrid na Real Academia de Ciencies Económiques y Financieres dende 1986.

Referencies

↑ URL de la referencia: https://www.boe.es/buscar/doc.php?id=BOE-A-1975-15386. Data de consulta: 6 abril 2019.
↑ URL de la referencia: https://www.quirinale.it/onorificenze/insigniti/14690. Data de consulta: 6 abril 2019. Referíu como: ALVAREZ RENDULES Jose' Ramon.
↑ URL de la referencia: https://www.boe.es/buscar/doc.php?id=BOE-A-2008-10251. Data de consulta: 6 abril 2019.
↑ URL de la referencia: https://www.boe.es/buscar/doc.php?id=BOE-A-2011-3499. Data de consulta: 6 abril 2019.

Enllaces esternos

[4f3d092345af890b894ee80f7b13eb50012d0ed0-1] URL de la referencia: https://www.boe.es/buscar/doc.php?id=BOE-A-1975-15386. Data de consulta: 6 abril 2019.

[341a307e93f920991cc365f656ccb268fd4b3e0d-2] URL de la referencia: https://www.quirinale.it/onorificenze/insigniti/14690. Data de consulta: 6 abril 2019. Referíu como: ALVAREZ RENDULES Jose' Ramon.

[8dad12fa1847218953e29208b7813ae1a261f774-3] URL de la referencia: https://www.boe.es/buscar/doc.php?id=BOE-A-2008-10251. Data de consulta: 6 abril 2019.

[10826b07ce874510290a189380bcf77493797014-4] URL de la referencia: https://www.boe.es/buscar/doc.php?id=BOE-A-2011-3499. Data de consulta: 6 abril 2019.

[1]

[2]

[3]

[4]