Josep de San Benet

escultor español (1654–1723)

Josep de San Benet (1654Signy-l'Abbaye – 1723Monasterio de Montserrat (es) Traducir), conocíu tamién como «Fray José de les Llámpares», foi hermanu legu benedictín y escritor, amás d'escultor.

Josep de San BenetPicto infobox character.png
Montserat-places.jpg
Vida
Nacimientu Signy-l'Abbaye1654
Nacionalidá Corona d'Aragón
Muerte

Monasterio de Montserrat (es) Traducir1723

(68/69 años)
Estudios
Llingües falaes llatín
Oficiu escultor
Cambiar los datos en Wikidata
Casa de los Legos, onde vivió y morrió Fra Josep.
Escultures del xardín de Montserrat, obres de Fra Josep destinaes al campanariu.

BiografíaEditar

Nacíu como Thomas Antoine Marandel el 5 d'avientu de 1654, pertenecía a una familia flamenca acomodada. De pequeñu amosó enclinos piadosos. En 1673 d'apuntó nel exércitu real. De camín por Cataluña, trabayó como picapedreru nel santuariu de Montserrat, onde se-y espertó la vocación relixosa. En 1677, tomó'l vezu d'hermanu legu (yá que nun tenía abonda educación pa entrar como monxu sacerdote y apenes sabía lleer). Faía una vida exemplar de gran austeridá y penitencia, mortificándose con cilicios y azotes, como yera costume entós. Llueu foi conocíu como «fray José de les Llámpares».

En 1677 el monasteriu encargó-y les ocho escultures que teníen de coronar el nuevu campanariu que, finalmente, nun se llegó a construyir.[1] Tres escultures que llegaron a faese tán güei coronando la cisterna que s'atopa nos xardinos del monasteriu, na parte trasera de la basílica.

Anque nun tenía estudios, dende'l so ingresu nel monasteriu empezó a lleer la Biblia y a estudiar, y llueu destacó pola so conocencia de la Escritura y la sotileza n'encetar cuestiones complexes de teoloxía y mística, capacidá qu'espertó l'almiración de toos, aportando a consultáu por prestixosos teólogos. Escribió 42 trataos, 35 en llatín y 7 n'español, copies manuscrites de les que llueu corrieron per Europa. Son trataos místicos y ascéticos de gran altor intelectual, que lo convierte, según Anselmo M. Albareda, en «el primer místicu benedictín del so sieglu».[2] Ente les sos obres, editaes como Opera omnia en Madrid en 1725 (y reeditaes los años 1727, 1731, 1738 y 1755), hai una autobiografía publicada en 1746, Vida interior y 112 cartes.

Morrió'l 18 de payares de 1728. Atribuyíase-y, como esplicación a la so actividá intelectual, el carisma de la ciencia infusa, el discernimiento d'espíritos, el don del conseyu y la predicción del futuru. Foi declaráu Venerable. En 1750 foi soterráu nel interior de la basílica, na capiya de Santa Ana, onde había una llábana qu'indicaba'l nome y la fecha de la muerte. Na plaza del monasteriu caltién l'edificiu, llamáu de «Fray José de les Llámpares», onde vivió, y alcuéntrase la so celda.

Obres sobre la so vidaEditar

  • L'abá Benet Argeric escribió Rellación de la vida y virtúes de frai Joseph de San Benitu. Unu de los poemes del llibru Montserrat de Jacinto Verdaguer ta-y dedicáu: "Fray José de les Llámpares".
  • Nel antepar de la sacristía del monasteriu de Montserrat, alcuéntrase una escultura en bronce de Joaquim Ros, del Venerable Fra Josep de San Benet.

ReferenciesEditar

  1. F. Xavier Altés i Aguiló. L'església nova de Montserrat. Barcelona: Publicacions de l'Abadia de Montserrat, 1992. p. 169
  2. Anselm Albareda. Bibliografia dels monjos de Montserrat. Segle XVI. p. 35

Enllaces esternosEditar