Joyce McDougall

Hilary Joyce Carrington Blackler, meyor conocida como Joyce McDougall (/məkˈduːɡəl/; n. 26 d'abril de 1920 en Dunedin, Nueva Zelanda – f. 24 d'agostu del 2011, Londres, Reinu Xuníu) foi una psicoanalista con nacionalidá francesa reconocida por ser la primera n'estudiar la esquizofrenia infantil.

Joyce McDougall
Vida
Nacimientu	Dunedin, 26 d'abril de 1920
Nacionalidá	Nueva Zelanda
Muerte	Londres, 24 d'agostu de 2011 (91 años)
Estudios
Llingües falaes	inglés
Oficiu	psicoanalista
Premios	ver Maurice Bouvet Prize  (1973) Sigourney Award  (2001)

Joyce McDougall en 2009.

Biografía y estudios

Fía de Lillian Blackler, d'ascendencia inglesa y Harold Carrington, comerciante d'orixe neozelandés vivió la so infancia en Dunedin, una isla del sur de Nueva Zelanada, al llau de los sos padres y güelos. Del so güelu paternu, quien yera maestru d'arte nuna escuela rural, heredó'l gustu pol teatru y l'arte polo xeneral. Al terminar los sos estudios básicos, cursó la carrera de psicoloxía na Universidá de Otago y en paralelu siguió cola actividá teatral na universidá. Conoció al so maríu, Jimmy McDougall, Nel club de teatru de la Escuela Normal de la Universidá de Otago con quien tuvo dos fíos. Dempués de la Segunda Guerra Mundial viaxaron a Gran Bretaña pa siguir la so formación académica, él en rellación a la educación d'adultos , y ella cola idea d'entrar de llenu a la tema del psicoanálisis.

Trayeutoria nel psiconanálisis

Una vegada n'Inglaterra Joyce unvió cartes a toes aquelles persones de les que lleera los sos llibros y empezó a trabayar nel Maudsley Hospital, hospiital psiquiátricu de Londres y llogró entrevistase con Ana Freud, fía de Sigmund Freud. Empezó a realizar un estudiu de psiconoanálisis especializáu en neños na Hampstead Clinic que yera dictáu pola mesma Ana Freud, sicasí, dempués de dos años de permanencia en Londres, en 1952 múdase a Francia yá que'l so maríu consiguió un trabayu pa la UNESCO en París.

En Francia, gracies a un encamientu d'Ana Freud, Joyce ye recibida por Marie Bonaparte quien la introdució nel mediu psicoanalíticu francés y, quien pocu tiempu dempués solicíta-y que tomé n'analís al so nietu: el Príncipe Charles. Mientres esti tiempu, sigue la so formación na Sociedá Psicoanalítica de París. Mientres esta dómina la so trayeutoria yá taba reconocida como analista infantil, y en 1954 recibe n'analís a un neñu de nueve años con diagnósticu d'esquizofrenia, deriváu a esti trabayu publica l'estudiu tituláu “Diálogos con Sammy: contribución al estudiu de la psicosis infantil”.

Trescendiendo les llendes del psicoanálisis, en 1992 foi convidada pol Dalai Lama a Dharmasala, India, pa participar como panelista nel seminariu: "Dormiendo, suañando y morriendo: una esploración a la consciencia col Dalai Lama". La última parte de la so vida compartióla cola so familia y el so trabayu como analista, escritora y conferenciante; foi miembru permanente del ambiente psicoanalítico francés, del Centru d'Estudios Psicoanalíticos Avanzaos de Princeton (Center for Advanced Psychoanalytic Studies), lo mesmo que de la Sociedá Freudiana de Nueva York.

Morrió'l 24 d'agostu de 2011 en Londres a la edá de 91 años por causa de una neumonía.

Principales obres

McDougall escribió cuatro llibros importantes nel campu del psicoanálisis nel primeru Alegatu por una cierta anormalidá (1978) comenta cómo construyó la so itineario clínicu-teóricu. y cómo, al traviés de los años, foi tomando y esprendiéndose de les idees de Klein, Lacan y hasta del mesmu Freud. Según les sos propies pallabres:

"En diverses oportunidaes acusóseme, por casu, d'atreveme a utilizar conceutos teóricos kleinianos o lacanianos siendo que yo non m'identificaba de nenguna manera como analista kleiniana o lacaniana, nin na teoría nin na práutica. Con igual sorpresa noté qu'otros me criticaben por ser una clínica y teórica 'ecléctica'. En cierto, considero, como profesional, una freudiana clásica, y magar les mios hipótesis pueden poner en tela de xuiciu dalgunos de los conceutos más veneraos por Freud, entiendo que son una estensión de los sos puntos de vista básicos, teóricos y clínicos. Pero siéntome impulsada a amestar... ¡que la mesma afirmación fadríen los kleinianos, lacanianos, hartmannianos, winnicottianos y kohutianos, según los adherentes a casi toles demás escueles de pensamientu psicoanalíticu! Na midida na que toos somorguiamos nel misteriosu funcionamientu de la psique humana y tamos decidíos a buscar la verdá nesti campu esmucidizo, pertenecemos a la mesma familia. El cambéu psíquicu produzse en toes la variantes de tratamientu psicoanalíticu, por más que lo practiquen profesionales con conceutos teóricos y enfoques téunicos por demás diverxentes ente sigo. El fechu de que cada escuela proponga una teoría distinta pa esplicar los cambeos producíos nel cursu del tratamientu suxer que los tresformamientos na organización psíquica y les cures sintomátiques resultantes ¡nun se deben a les nueses teoríes sobre dichos fenómenos! Quiciabes la esplicación del cambéu psíquicu escápenos per siempres". 

Otres de les sos obres fueron:

• Teatru de la Mente: Ilusión y Verdá Na Etapa Psicoanalítica(1982)
• Teatru del Cuerpu: Un Aproximamientu Psicoanalíticu a Enfermedá Sicosomática (1989)
• Les Munches Cares d'Eros(1996).

Referencies

• Datos: Q517259
• Multimedia: Joyce McDougall