Juan Luis Mas

Juan Luis Mas
Vida
Nacimientu	Uviéu, 7 de xunetu de 1971 (53 años)
Nacionalidá	España
Estudios
Llingües falaes	castellanu
Oficiu	periodista, presentador de televisión

Juan Luis Mas (7 de xunetu de 1971, Uviéu) ye un presentador de televisión español.

Biografía

Llicenciáu en Derechu, empecipióse como profesional del periodismu en Radio Vetusta, emisora municipal d'Uviéu, como redactor y llocutor de deportes. Tiempu dempués pasa a narrar partíos del Real Uviéu pa la emisora Radio Nalón-Cadena Radio Voz, y ficha más tarde pola cadena Onda Cero Radio, como redactor y llocutor de deportes n'Uviéu. El so primer contautu cola televisión llegó con TeleAsturias, cadena privada na que va trabayar como redactor y presentador d'Informativos. Los dos últimos años nesta canal, coordinó y presentó amás el programa deportivu "El Desmarque". En mayu de 2006 ye contratáu pola productora Zebrastur [1] Archiváu 2012-07-12 en Wayback Machine, pa presentar el programa Conexión Asturies na RTPA, [2] la Televisión Pública del Principáu d'Asturies. En febreru de 2007 , presenta nesta mesma cadena'l magacín matutín diariu "Con 2 d'Azucre" [3], nel que va permanecer hasta l'últimu día de 2008. Cola llegada d'un nuevu añu, asume'l retu de xunise al equipu de reporteros del programa Conexión Asturies. En xineru de 2010 ufiérten-y presentar el programa selmanal "La Gran Nueche de Terapia" , los llunes a partir de les 22'00 hores, desempeñando esti llabor hasta'l 31 de mayu de 2010, fecha de finalización d'esti espaciu. Volvió a entamar de nuevu llabores de reporteru pa Conexión Asturies hasta'l 8 d'abril de 2013, fecha na qu'empezó a presentar na TPA el concursu diariu Date una Vuelta nel 'prime-time' de la cadena, y que s'emitió hasta rematar esi mesmu añu. En marzu de 2014, vuelve a la radio pa presentar "Cambéu de Xuegu" na RPA, [4] la radio autonómica asturiana, una conxusta deportiva nocherniega de llunes a vienres producida por Cronistar Producciones . Tiempu más tarde, va presentar mientres 2015 y los primeros meses de 2016 el magacín radiofónicu "La Bona Tarde", un programa diariu de 4 hores de duración na franxa vespertina de la parrilla de RPA. Ensin perder el contautu cola televisión asturiana, esi mesmu branu de 2015 presenta'l programa "De Güei Nun Pasa", proyeutu nel que va repitir al branu siguiente. Frutu del pasu por esti últimu programa, vuelve a entamar el so venceyu profesional cola productora Zebrastur ya intégrase de nuevu como reporteru en Conexión Asturies, en mayu de 2016.

Trayeutoria TV

Reporteru Conexión Asturies (TPA) dende Mayu de 2016 hasta l'actualidá.

Presentador magacín tardes "DeHoyNoPasa" Branu de 2015 y 2016.

Presentador concursu "Date una Vuelta" dende Abril hasta avientu de 2013.

Reporteru Conexión Asturies (TPA) dende xunu de 2010 hasta marzu de 2013.

Presentador "La Gran Nueche de Terapia" dende Febreru hasta xunu de 2010.

Reporteru Conexión Asturies (TPA) dende xineru de 2009 hasta xineru de 2010.

Presentador magacín "Con 2 d'Azucre" (TPA) dende febreru de 2007 hasta avientu de 2008

Presentador Conexión Asturies (TPA) dende xunu de 2006 hasta febreru de 2007.

Presentador "Palmo a palmo" (TPA)dende xunu hasta avientu de 2006

Presentador gales "El meyor cantar asturianu" (2007), y "Yes un artista" (2008)

Presentador "Un añu de TPA" (2007)

Coordinador y presentador programa deportes "El Desmarque" (Teleasturias) 2003 a 2006

Redactor y presentador Informativu "08:00 A.M. Asturies" (Teleasturias) 2003.

Redactor y presentador d'Informativos "Redaición Teleasturias" (Teleasturias),2001 a 2003

Presentador "En Detalle" y "Mobile Sport", Teleasturias (2001)

Presentador y llocutor tresmisión partíos fútbol Real Uviéu y Real Sporting de Xixón (2001 a 2006)

Trayeutoria Radio

Presentador magacine 'LA BONA TARDE' RPA (2015-16)

Presentador Conxusta deportiva 'CAMBÉU DE XUEGU' RPA (2014)

Collaborador Deportes Radio Asturies-SER (2010 a 2012)

Redactor y presentador Deportes Onda Cero Radio (Uviéu) Temporada 1999-2000

Redactor, presentador y llocutor Deportes Radio Nalón (Radio Voz)(1999)

Redactor, presentador y llocutor Deportes Radio Vetusta,(1998)

Trayeutoria Prensa

Redactor de deportes en OviedoDiario (dende 2003 en delles etapes)

Redactor de deportes en Sportmanía (2001 a 2003)

Redactor Diariu AS -corresponsal Uviéu- (2001)

Premios y reconocencies

Premiu ATR ASTURIES 2003-04[5] a 08:00 A.M. Asturies (TeleAsturias).Meyor Informativu de TV n'Asturies.
Premiu ATR ASTURIES 2006-07 a Conexión Asturies (TPA). Meyor programa de TV n'Asturies.

Referencies

Enllaces esternos

Blogue oficial Juan Luis Mas [6]
Entrevista en 'Al son de les Coses' -RPA- [7]