Juan Misael Saracho

Juan Misael Saracho
Vicepresidente de Bolivia	;
Vicepresidente de Bolivia
Vida
Nacimientu	Tarija, 27 de xineru de 1857
Nacionalidá	Bolivia
Muerte	Tupiza, 1 d'ochobre de 1915 (58 años)
Estudios
Llingües falaes	castellanu
Oficiu	Periodista y Pedagogu

Juan Misael Saracho (27 de xineru de 1857, Tarija – 1 d'ochobre de 1915, Tupiza) foi un periodista y políticu bolivianu, décimu octavu Vicepresidente de la República de Bolivia siendo segundu vicepresidente mientres el gobiernu d'Eliodoro Villazon Montaño dende agostu de 1909 hasta agostu de 1913 y primer vicepresidente mientres el segundu gobiernu d'Ismael Montes Gamboa dende agostu de 1913 hasta'l so fallecimientu n'ochobre de 1915.

Biografía

Juan Misael nació en Tarija el 27 de xineru de 1857. Foi Periodista, políticu y pedagogu. Fundó'l llicéu Porvenir en Cinti, en 1879. Combatió na guerra del Pacíficu en calidá de segundu xefe del batallón Camargo, y pocu dempués foi Rector del Colexu Nacional Pichincha y Rector tamién de la naciente Universidá Autónoma Tomás Frías de Potosí.

Vicepresidente de Bolivia

Como políticu, foi miembru de la convención de 1899, senador por Tarija y ministru d'estáu nes carteres d'Instrucción Pública y Xusticia, Gobiernu y Fomentu y Rellaciones Esteriores y Cultu, mientres los gobiernos lliberales de Montes y Villazón. En 1909 foi escoyíu Segundu Vicepresidente de Villazón y exerció por curtiu periodu'l mandu supremu. En 1913 presidió'l senáu nacional en calter de Primer Vicepresidente de la República de Montes. Finó a pocu de ser proclamáu candidatu a la Presidencia de la nación pal periodu 1917 - 1921, tando n'exerciciu del cargu vicepresidencial. La so muerte asocedió en Tupiza el 1 d'ochobre de 1915.

Ver tamién

Referencies

Enllaces esternos

http://www.vicepresidencia.gob.bo