Wikipedia

Julia Otero

periodista gallega

Julia María Otero Pérez (6 de mayu de 1959, Penela (es) Traducir) ye una periodista y presentadora de televisión y radio española.

Julia Otero
Vida
Nacimientu Penela (es) Traducir, 6 de mayu de 1959 (64 años)
Nacionalidá España
Familia
Casada con Ramón Pellicer (es) Traducir (1987 – 1993)
Estudios
Estudios Universidá de Barcelona
Llingües falaes castellanu
catalán
gallegu
Oficiu periodista, presentadora de televisión, productora de televisión
Emplegadores Onda Cero
Premios
IMDb nm0652813
juliaotero.net
Cambiar los datos en Wikidata

Biografía editar

Otero ye fía única d'un trompetista y una ama de casa.[2] Mora en Barcelona dende los 3 años, y de pequeña foi vecina del barriu del Poble Sec.[3] Introducióse de casualidá a los 17 años nel mundu de la comunicación, nel programa Protagonista, el cine, na emisora Radio Sabadell, gracies a un amigu. En poco tiempu convirtióse en presentadora y direutora del programa. Ente los 19 y los 24 años, Julia enfrentose a un tumor abdominal, que la llevó al quirófanu en seis ocasiones, anque en nengún momentu dexó'l so llabor na radio. Llicencióse en filoloxía hispánica na Universidá de Barcelona.

En 1980, Otero fichó pola emisora Radio Juventud y un añu dempués llegó a Radio Miramar pa trabayar primeramente nos servicios informativos. Darréu, presentó dellos programes na emisora barcelonesa, como Radio a la vista, xunto a Carlos Herrera y José Manuel Parada, l'humorísticu Bruja más que bruja, el musical Con faldas y a lo loco, les entrevistes de Café del domingo o'l magacín Sábado noche. En 1985 pasó a dirixir y presentar el programa espertador Crónica del alba, que gracies al alcuerdu de vinculación ente Radio Miramar y la COPE, emitíase dende Barcelona pa toa España al traviés de la rede d'emisores de la cadena episcopal.[4] En setiembre de 1987, tres la rotura ente la COPE y Radio Miramar, Otero foi la encargada de reemplazar a Luis del Olmo nes mañanes de la emisora barcelonesa, col espaciu Y nosotras, ¿qué?, que se definía como "un informativu fechu por y pa les muyeres".[5]

Paralelamente, entamó la so carrera televisiva que compaxinó cola radiofónica mientres un tiempu. Entamó nel mediu televisivu en 1987 col programa d'alderiques Una historia particular en La 2 de Televisión Española (TVE), el mesmu añu en que se casó col periodista Ramón Pellicer. Un añu dempués, en 1988, empezó a presentar el programa 3x4, col qu'algamó gran popularidá. Otero presentó nos años siguientes, y siempres en TVE los programes La Lluna (TVE Cataluña), La luna (1989), Telepasión española (1990) y La Ronda (1991).

A partir de 1991 y hasta 1999, Otero volvió a la radio pa dirixir y presentar el programa La Radio de Julia en Onda Cero qu'empezó siendo nocherniegu pa pasar, tres el so ésitu, a la franxa de tarde. Mientres esti periodu, fixo incursiones na televisión, en 1992 presentó Jocs de Nit en TV3, en 1993 dirixó'l concursu Los cinco sentidos en Antena 3, Un paseo por el tiempo (1995) de nuevu en TVE y en Telecinco La semana que viene (1998), un programa que s'emitió na nueche de los domingos. Mientres 1997 foi columnista del periódicu La Vanguardia.

En 1999 la ONCE vendió les emisores d'Onda Cero al Grupu Telefónica. Los nuevos propietarios decidieron retirar de la parrilla'l programa d'Otero, magar que yera líder d'audiencia, sustituyéndola pola periodista Marta Robles. Esta decisión tuvo marcada pol discutiniu, acusándose al mediu de basase en razones polítiques pal cese. La direición de la cadena afirmó que'l programa yera demasiáu "elitista" y "intelectualmente eleváu".

La radio de Julia cuntaba ente la so llista de collaboradores con nomes como Manuel Delgado, Almudena Grandes, Enrique Gil Calvo, Joaquín Leguina, Juan Adriansens, Jorge Verstrynge, Isabel de Medina Sidonia, Luis Racionero, Fernando Sánchez Dragó, Juan José Armes Marcelo, Óscar Nebreda, Pablo Motos, Eduardo de Vicente, Juanjo de la Iglesia, Daniel Monzón, Académica Palanca, Jordi Estadella, Adolfo Fernández Oubiña, Miguel Ángel Coll, Juan Herrera, Curry Valenzuela, Carlos Boyero, Lucía Etxebarria, Josep Borrell, Anna Balletbò, Xosé Manuel Beiras, Fernando Fernández de Trocóniz Marcos y Ana Palacio.

Un añu dempués, tornó a TV3 pa presentar el magazín de sobremesa La columna, que duró cuatro temporaes y convirtióse tamién en líder d'audiencia. Ente 2004 y 2005 presentó'l programa Las cerezas na primera de TVE. Dende'l 9 de xineru de 2006 hasta xunetu de 2007 dirixó y presentó l'últimu tramu del veteranu programa Protagonistas, dirixíu por Luis del Olmo, en Punto Radio y presentó al empar Non em ratllis! en TV3. El 1 de xunu de 2007 Punto Radio emitió un comunicáu nel qu'anunciaba'l fin de les rellaciones contractuales con Otero, "de común alcuerdu".

 
Julia Otero entrevistando en 2009 a José Luis Rodríguez Zapatero nel so programa Julia en la onda, d'Onda Cero.

En setiembre de 2007, Otero volvió a Onda Cero, onde presentó y dirixó'l programa Julia en la onda, en sustitución de Gomaespuma. La so bona rellación personal con José Manuel Lara Bosch, presidente del Grupo Planeta y accionista mayoritariu d'Onda Cero, permitió'l so regresu a esta cadena. María Teresa Campos sustituyola nel segundu tramu de Protagonistas de Punto Radio.

N'avientu de 2009, a propuesta del Foro Cívico Galego de Barcelona recibió la distinción de fía predilecta de Monforte, siendo la primer muyer que recibe tal distinción.

En mayu de 2012 tornó a televisión pa presentar l'espaciu Entrevista a la carta en TVE.[6]

N'agostu de 2013 fichó pola cadena Antena 3 pa presentar el programa Ciudadanos,[7] dos especiales, el primeru dedicáu al paru y el segundu a la educación.

N'abril de 2018, Otero foi la ganadora de la XIV edición del Premiu José Couso de Llibertá de Prensa, qu'entamen el Colexio Profesional de Xornalista de Galicia (CPXG) y el Club de Prensa de Ferrol.[8]

Premios editar

Otero recibió abondes reconocencies a lo llargo de la so carrera. Dalgunos d'elles son:

  • Premiu Ondas:
    • 2013: Premiu Nacional de Radio a la trayeutoria más destacada.[9]
    • 2003: Premiu Nacional de Televisión. Meyor programa d'entretenimientu (La columna, TV3).
    • 1994: Premiu Nacional de Radio (La radio de Julia, Onda Cero).
    • 1989: Premiu Nacional de Televisión (Televisión Española).
  • 2018 – Premiu José Couso de Llibertá de Prensa.
  • 2012 – Premiu Micrófonu d'Oru en Categoría de radio.
  • 2004 – Premiu de la Associació de Dones Empresàries i Emprenedores de Tarragona (ADEE).
  • 2003 – Premiu Micrófonu d'Oru en Categoría de televisión.
  • 2001 – Premiu Ciutat de Badalona de Comunicació.

Referencies editar

  1. ↑ URL de la referencia: https://www.ara.cat/media/polonia-crims-julia-otero-guardonats-premis-nacionals-comunicacio_1_4169115.html.
  2. ↑ «JULIA OTERO - Entrevista» (2012-01-30). Consultáu'l 2018-04-14.
  3. ↑ El Viaxeru (ed.): «Poble Sec, lloñe de los focos» (29 de marzu de 2008). Consultáu'l 19 de mayu de 2010.
  4. ↑ «Copia archivada». Archiváu dende l'orixinal, el 31 de mayu de 2016. Consultáu'l 14 d'agostu de 2017.
  5. ↑ http://hemeroteca-paginas.lavanguardia.com/LVE08/HEM/1987/08/07/LVG19870807-044.pdf
  6. ↑ El Mundo (ed.): «Julia Otero torna a TVE» (3 d'abril de 2012).
  7. ↑ (en castellanu) Antena 3 da voz a los 'Ciudadanos'. Antena3.com. http://www.antena3.com/objetivotv/actualidad/espana/_2013082900109.html. Consultáu'l 2018-04-14. 
  8. ↑ EP (2018-04-13) (en castellanu). Julia Otero gana'l Premiu José Couso a la Llibertá de Prensa. El País. ISSN 1134-6582. https://elpais.com/ccaa/2018/04/13/galicia/1523640498_607258.html. Consultáu'l 2018-04-14. 
  9. ↑ Antena 3 (31 d'ochobre de 2013). «Julia Otero, el Gran Wyoming y 'Salvados', Premiu Ondes 2013». Consultáu'l 31 d'ochobre de 2013.

Enllaces esternos editar

Sacáu de «https://ast.wikipedia.org/w/index.php?title=Julia_Otero&oldid=4081241»