Julio Fernández Martínez
Julio Fernández Martínez (13 d'ochobre de 1910, Avilés – 1938, Lugo), más conocíu como Casuco, foi un futbolista asturianu.
Julio Fernández Martínez | |||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Vida | |||||||||||||||||||||||||||||||||
| Nacimientu | Avilés, 13 d'ochobre de 1910[1] | ||||||||||||||||||||||||||||||||
| Nacionalidá |
 España | ||||||||||||||||||||||||||||||||
| Muerte | Lugo[2], 1938[2] (27/28 años) | ||||||||||||||||||||||||||||||||
| Estudios | |||||||||||||||||||||||||||||||||
| Llingües falaes | castellanu | ||||||||||||||||||||||||||||||||
| Oficiu | |||||||||||||||||||||||||||||||||
| Oficiu | futbolista | ||||||||||||||||||||||||||||||||
| |||||||||||||||||||||||||||||||||
| Posición o especialidá | delanteru | ||||||||||||||||||||||||||||||||
 | |||||||||||||||||||||||||||||||||
Biografía
editarEl so debú nel fútbol tuvo llugar nel equipu de la so ciudá natal, el Real Stadium Avilesín (actual Real Avilés) na temporada 1929/30, que militaba na Primera Rexonal asturiana llogrando l'ascensu a la Tercer División al fin de la mesma. Xuega los dos siguientes temporaes col equipu avilesín nesa Tercer División para pasar na temporada 1932/33 al Real Uviéu (nomáu d'aquella Oviedo Fútbol Club) que va militar en Segunda División esa temporada. Xunto con Gallart, Lángara, Galé y Inciarte formó la llamada "primer delantera eléctrica" que consiguió 58 goles en 18 partíos, llogrando al fin de la temporada l'ascensu a la Primer División d'España. El so papel nel quintetu yera la rapidez (Gallart l'enllaz, Lángara'l remate demoledor, Galé la ciencia ya Inciarte la improvisación). En Primer División formó parte de la "segunda delantrera eléctrica", na que Galé ya Inciarte fueron reemplazaos por Herrerita y Emilín y que nel so debú na máxima categoría fixéron-y 7 goles al FC Barcelona.[3] Nes tres temporaes que siguieron llograron 165 goles en 54 partíos, 14 d'ellos de Casuco algamando'l Real Uviéu la tercer posición na tabla al fin de la temporada 1935/36.
Nesi añu foi convocáu pa xugar cola seleición española'l 5 de mayu de 1935 contra Portugal, anque nun llegó a xugar.
La trayectoria del futbolista quedó torgada pola Guerra Civil qu'acabó cola so vida.
Guerra civil española
editarEntamada la guerra civil, Casuco ye llamáu al exércitu de la República, y destínenlu a Pruvia, onde tien una función secundaria. Ye precisamente esta función secundaria la que fai que se salve cuando los sulevaos lu apresen y lu lleven a la cárcel d'El Coto de Xixón.
En siendo lliberáu, n'ochobre de 1937, allistóse o allistáronlu a les tropes franquistes. Enviáronlu al frente del Ebro, sol mandu del xeneral Aranda. Ye nesti frente, na zona del Baxu Aragón onde ye alcanzáu por una bomba quedando gravemente mancáu. Lleváronlu al hospital militar de Lugo p'alicar, pero la infeición causada poles firíes causó-y la muerte a los 26 años.[4]
Equipos
editar| Equipu | Temporaes | División | Partíos | Goles |
|---|---|---|---|---|
| Real Stadium Avilesino | 1929-30 | 1ª rexonal | s/d | s/d |
| Real Stadium Avilesino | 1930-32 | 3ª | s/d | s/d |
| Real Uviéu | 1932-33 | 2ª | 18 | 5 |
| Real Uviéu | 1933-36 | 1ª | 48 | 14 |
Referencies
editar- ↑ Afirmao en: transfermarkt.com. Data de consulta: 27 marzu 2024. Identificador Transfermarkt d'un futbolista: 453547. Llingua de la obra o nome: distintes llingües.
- ↑ 2,0 2,1 Data de consulta: 27 marzu 2024. URL de la referencia: https://www.lacomarca.net/casuco-futbolista-elite-murio-bajo-aragon-guerra-civil/.
- ↑ http://hemeroteca.mundodeportivo.com/preview/1933/11/06/pagina-4/634608/pdf
- ↑ «Casuco, un futbolista de élite que murió en el Bajo Aragón durante la Guerra Civil» (castellanu).
Enllaces esternos
editar- Julio Fernández Martínez en Transfermarkt (n'inglés)
Datos: Q20993989
