Kangchenjunga

Kangchenjunga
	कंचनजंघा (hi)
	monte
Situación
Estáu ensin costa	Nepal
Provincias (es)	Provincia N.º 1 (es)
Distritu	Taplejung (es)
Cordal	Himalaya
Montes	Seven Third Summits (en)
Coordenaes	27°42′00″N 88°08′00″E / 27.7°N 88.13333°E
	Kangchenjunga Kangchenjunga (India)
Datos
Altitú	8586 m
Prominencia	3922 m
Materiales	caliar
Fechos importantes
Primer ascensu	25 mayu 1955 - George Band, Joe Brown

Kanchenjunga (nepales:कञ्चनजङ्घा Kanchanjaŋghā), (limbu: Sewalungma (सेवालुन्ग्मा) , otres formes d'escribilo son Kangchenjunga, Kangchen Dzö-nga, Khangchendzonga, Kanchenjanga, Kachendzonga, o Kangchanfanga) ye'l tercer monte más altu de la Tierra depués del monte Everest y del monte K2, con un altor de 8.586 metros. Ye'l monte más altu d'India y el segundu más altu de Nepal.

Nome

Kanchenjunga puede traducise como "Les cinco ayalgues de les ñeves", al tener esta montaña cinco cumes, cuatro d'elles per riba de los 8.450 metros. Les ayalgues representen los cinco repositorios de Dios: oru, plata, xemas, cereal y llibros sagraos. El Kanchenjunga llámase Sewalungma na llingua limbu local, que se traduz como Monte al que facemos ofrendes. Kanchenjunga o Sewalungma ye un monte sagráu pa los seguidores de la relixón Kirant.

La forma más habitual, y adoptada por Douglas Freshfield, A.M. Kellas y la Royal Geographical Society, d'escribilu ye Kangchenjunga por ser la más cercana fonéticamente a la so denominación en tibetanu, hai delles ortografíes alternatives como Kangchen Dzönga, Khangchendzonga, Kanchenjanga, Kachendzonga, Kanchenjunga o Kangchanfanga. La pallabra final nel usu de la denominación Kangchenjunga vieno de Tashi Namgyal, el Maharajá o chogyal de Sikkim, quien afirmó qu'"a pesar que junga nun tien significáu en tibetanu, realmente debería ser Zod-nga (ayalga, cinco), Kang-chen (ñeve, grande) pa tener un significáu completu". Siguiendo les consultes con un teniente-coronel J.L.R. Weir (axente políticu HMG en Sikkim), tuvo d'alcuerdo en que yera meyor dexalo como Kangchenjunga, y d'esta manera permanez.

Xeografía

Tres de los cinco picos (principal, central y sur) tán na frontera del distritu de Sikkim Norte de Sikkim, India y el distritu de Taplejung de Nepal, mientres que los otros dos tán dafechu dientro del distritu de Taplejung. Nepal ye'l llar del Proyeutu de la Zona de Caltenimientu Kanchenjunga que lleva a cabu'l World Wildlife Fund n'asociación col gobiernu de Nepal.^[1] El santuariu ye l'hábitat del panda colloráu y otros animales montanos, páxaros y plantes. La fastera india del Kanchenjunga tamién tien una zona de parque protexida llamada'l Parque Nacional Khangchendzonga.

Hasta 1852, creíase que'l Kanchenjunga yera'l monte más altu del mundiu. Los cálculos fechos en 1849 pol Great Trigonometric Survey británicu llegaron a la conclusión de que'l monte Everest (conocíu como Picu XV nesi tiempu) yera'l más altu y el Kanchenjunga'l terceru n'altor.^[2]

Le cinco cumes del Kanchenjunga son les siguientes:

Nome de la cume	Altor (m)	Altor (ft)
Kanchenjunga Principal	8.586	28.169
Kanchenjunga oeste (Yalung Kang)	8.505	27.904
Kanchenjunga central (medio)	8.482	27.828
Kanchenjunga sur	8.494	27.867
Kangbachen	7.903	25.925

L'enorme macizu del Kanchenjunga alcuéntrase fortalecíu por grandes aristes que cuerren de leste a oeste y de norte a sur, formando una "X" xigante. Estes crestes contienen una serie de picos ente 6.000 y 8.000 metros. Na arista leste en Sikkim, ta Siniolchu (6.888 m/22.600 ft). L'arista oeste remata nel magníficu Jannu (7.710 m/25.294 ft) cola so imponente cara norte. Al sur, claramente visible dende Darjeeling, son Kabru Norte (7.338 m/24.075 ft), Kabru Sur (7.316 m/24.002 ft) y los picos Rathong (6.678 m/21.910 ft). L'arista norte, dempués de pasar pel subpicu menor Kanchenjunga Norte (7.741 m/25.397 ft), compónse de Los Ximielgos y el Picu Tent, y cuerre hasta la frontera tibetana pel Jongsong La, un pasu de 6.120 m.

Kanchenjunga ye conocíu poles sos famoses vistes dende la estación de colina de Darjeeling. Si fai un día claru, asemeya una enorme muralla blanca que cuelga del cielu. El pueblu Sikkim reverencia'l Kanchenjunga como una montaña sagrada.

Por cuenta de la so afastada ubicación y el so difícil accesu dende India, la rexón de Kanchenjunga nun ye una zona especialmente esplorada polos montañeros. Polo tanto inda conserva un aspectu virxe. En Sikkim, acaba de permitise facer trekking pela zona. La sienda Goecha La ta ganando popularidá ente los turistes. Va al pasu de Goecha La, allugáu a la derecha enfrente de la enorme cara sureste del Kanchenjunga. Otra sienda a la cuenca del Llagu Green abrióse apocayá al trekking. Va al llau nordés del Kanchenjunga a lo llargo del famosu glaciar Zemu.

L'área de conservación de Kanchenjunga abarca 2.035 km² arrodiando la montaña pel llau nepalés.

Historia de les sos ascensiones

Primer reconocimientu y intentos

1848/49 Joseph Dalton Hooker exploró partes del Nepal oriental anteriormente desconocies completamente pa los europeos. Fizo dellos viaxes pelos valles fluviales que lleguen hasta'l pie del Kanchenjunga, a unos 22 km del picu.
1855 Herrmann von Schlagaintweit d'Alemaña al frente de la Magnetic Survey of India, esploró les sos proximidaes xunto coles del Everest, enantes de ser rechazáu polos soldaos nepaleses.^[3]
1882/83 El pioneru británicu del alpinismu, W.W. Graham, pensaba qu'arrodiare la montaña marzu de 1882, volvió en xunetu de 1883 con dos guíes suizos pa intentar la so escalada mientres esguilaben otros `picos de la zona y cazaben el lleopardu de les ñeves.^[4]^[5]^[6]
1899 L'esplorador británicu Douglas Freshfield y el fotógrafu italianu Vittorio Sella foron les dos primeres persones n'arrodiar la montaña, convirtiéndose nos primeros occidentales que veíen la gran cara oeste del Kanchenjunga.
1905 La espedición al Kanchenjunga de 1905 foi'l primer intentu d'ascender la montaña. Dirixida por Aleister Crowley (que formare parte del equipu qu'intentare l'ascensu de 1902 al K2) y Dr. Jules Jacot-Guillarmod, l'equipu llegó a una altitú aproximada de 6. 500 metros nel llau suroeste de la montaña anantes de regresar. L'altor exactu ye un poco confusu; Crowley afirmó que'l 31 d'agostu "tábemos de xuru per enriba de 31.000 y posiblemente sobre 32.000 pies " (6400–6705 metros), cuando l'equipo se vio obligáu a retirase al campamentu 5 pol riesgu d'ádenes. El 1 de setiembre evidentemente llegaron más leñe; dalgunos miembros d'ese equipu (Reymond, Pache y Salama) "superaron la mala racha " que los forzó a regresar al campamentu 5 el día anterior, y progresaron "lloñe de la nuestra vista y oídos" anantes de volver a Crowley y los homes con paquetes, que nun podíen cruciar la seición peligrosa ensin asistencia coles sos cargues. Nun queda claro hasta onde fueron a llegar Reymond, Pache y Salama– pero al resumir, Crowley aventuró "Alcanzáremos un altor d'arosimadamente 25.000 pies " (7620m).^[7] Intentando un descensu tardíu nel día "amotináu"^[7] del campamentu 5 al 4, l'escalador Alexis Pache (que más temprano esi día fuere un de los tres n'ascender posiblemente más alto que naide anantes), y tres porteadores locales, morrieron nun ádene.^[8] A pesar de la insistencia d'un de los homes de qu'"El demoniu del Kanchenjunga fuere propiciáu col sacrificiu", Crowley decidió que yá yera abondo y nun yera bono siguir l'ascensión.^[7]
1929 Una espedición alemana guiada por Paul Bauer llegó a los 7.400 metros nel espolón noreste anantes de regresar por cuenta d'una tormenta de cinco díes.
1930 Una espedición internacional liderada por George Dyhrenfurth, l'alemán Uli Wieland, l'austriacu Erwin Schneider y l'inglés Frank Smythe (quien publicó "The Kangchenjunga Adventure", “L'aventura del Kanchenjunga” esi mesmu añu). L'intentu falló debido a les males condiciones atmosfériques y a les condiciones de la ñeve.^[9]
1931 Una segunda espedición alemana, liderada de nuevo por Paul Bauer, intentó l'espolón noreste anantes de volver pol mal tiempu, les enfermedaes y les muertes. La espedición retiróse depués d'ascender poco más que l'intentu de 1929.
1954 John Kempe (líder), J.W. Tucker, Ron Jackson, Trevor H. Braham, G.C. Lewis y Dr. D.S. Mathews faen un reconocimientu de la fastera suroeste del Kanchenjunga.^[10] Esti reconocimientu dio cola ruta que siguieron con ésitu na espedición del añu.

Referencies

↑ Nepalnews (setiembre de 2006) Govt. hands over Kangchenjunga Conservation Area to community article online
↑ (1993) Peter Gillman: Everest - The Best Writing and Pictures from Seventy Years of Human Endeavour. Little, Brown and Company, páx. 11–12. ISBN 0-316-90489-3.
↑ ; Harish Kapadia, Geeta Kapadia (2005) Into the Untravelled Himalaya. Indus Publishing. ISBN 8-1738-7181-7.
↑ (Latest Intelligence (From Our Correspondents): India). The Times. Llunes, 3 de setiembre de 1883. Issue 30915, col A, p. 3.
↑ "Mountaineering in the Himalayas" The Times. Xueves, 13 de setiembre de 1883. Issue 30924, col A, p. 6.
↑ (Latest Intelligence (From Our Correspondents): India). The Times. Llunes, 22 d'ochobre de 1883. Issue 30957, col A, p. 5.
↑ ^7,0 ^7,1 ^7,2 Rellatu d'Aleister Crowley sobre la espedición de 1905 al Kanchenjunga
↑ Charles Evans, "Kangchenjunga", American Alpine Journal, 1956, p. 54.
↑ "To Conqueror Kanchanjanga" Popular Mechanics, xineru de 1930, mapes de la ruta n'intentu y equipamientu
↑ The Himalayan Journal Vol. XIX.

[1] Nepalnews (setiembre de 2006) Govt. hands over Kangchenjunga Conservation Area to community article online

[everest_bwp70-2] (1993) Peter Gillman: Everest - The Best Writing and Pictures from Seventy Years of Human Endeavour. Little, Brown and Company, páx. 11–12. ISBN 0-316-90489-3.

[3] ; Harish Kapadia, Geeta Kapadia (2005) Into the Untravelled Himalaya. Indus Publishing. ISBN 8-1738-7181-7.

[4] (Latest Intelligence (From Our Correspondents): India). The Times. Llunes, 3 de setiembre de 1883. Issue 30915, col A, p. 3.

[5] "Mountaineering in the Himalayas" The Times. Xueves, 13 de setiembre de 1883. Issue 30924, col A, p. 6.

[6] (Latest Intelligence (From Our Correspondents): India). The Times. Llunes, 22 d'ochobre de 1883. Issue 30957, col A, p. 5.

[crowley52-7] 7,0 ^7,1 ^7,2 Rellatu d'Aleister Crowley sobre la espedición de 1905 al Kanchenjunga

[aaj_1956-8] Charles Evans, "Kangchenjunga", American Alpine Journal, 1956, p. 54.

[9] "To Conqueror Kanchanjanga" Popular Mechanics, xineru de 1930, mapes de la ruta n'intentu y equipamientu

[him_journal-10] The Himalayan Journal Vol. XIX.

[1]

[2]

[3]

[4]

[5]

[6]

[7]

[8]

[9]

[10]