Kappa1 Ceti
Kappa1 Ceti (κ1 Cet / 96 Ceti / HD 20630 / HR 996)[10] ye una estrella na constelación de Cetus de magnitú aparente +4,83. Anque comparte la denominación «Kappa» con Kappa2 Ceti, nun esiste rellación física ente les dos estrelles. Ente que Kappa1 Ceti ye una estrella relativamente próxima asitiada a 29,9 años lluz del Sistema Solar, Kappa2 Ceti ta unes 10 vegaes más alloñada.
Coordenaes: 
3h 19m 21.696s, 3° 22′ 12.715″
Kappa1 Ceti ye una nana mariella de tipu espectral G5Vv[10] —la v indica que ye una estrella variable— con una temperatura superficial de 5690 K y una lluminosidá del 85% de la del Sol. Con valores de diámetru y masa llixeramente inferior a los del Sol —96% y 90% respeutivamente—, el so metalicidá ye significativamente menor que la solar, namái un 10% de la mesma.[11]
La variabilidá de Kappa1 Ceti débese a la rotación de la estrella, que fai que ciertes traces magnétiques —como manches estelares— entren y salgan del campu de visión. Ello produz una pequeña variación, conocida dende va tiempu, cada 9,2 o 9,3 díes. Amás reparóse un segundu periodu superpuestu de 8,9 díes, que tien de tar causáu por una mancha estelar próxima al ecuador que, por cuenta de la rotación diferencial, xira daqué más apriesa.[11] L'alta velocidá de rotación de Kappa1 Ceti, de siquier 4,64 km/s nel so ecuador, indica que ye una estrella relativamente nueva, con una edá en redol a 800 millones[12] ya inclusive 650 millones d'años.[11]
Coles mesmes, Kappa1 Ceti tien un ciclu d'actividá de manches estelares, probablemente non bien distintu de la solar, cada 5,6 años. Amás emite grandes fogarales, unes 10⁸ - 10⁹ más enerxétiques qu'una eyección de masa coronal típica nel Sol.[13]
Ver tamién editar
Referencies editar
- ↑ 1,0 1,1 1,2 1,3 1,4 1,5 Afirmao en: SIMBAD.
- ↑ Afirmao en: Catálogo de Estrellas Dobles Washington.
- ↑ 3,0 3,1 Afirmao en: General Catalogue of Variable Stars.
- ↑ 4,0 4,1 4,2 4,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Gerard T. van Belle (23 marzu 2009). «Directly determined linear radii and effective temperatures of exoplanet host stars» (n'inglés). The Astrophysical Journal (2): páxs. 1085–1098. doi:.
- ↑ «Emerging trends in metallicity and lithium properties of debris disc stars». Monthly Notices of the Royal Astronomical Society (3): páxs. 3162-3177. agostu 2019. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics: páxs. 7–7. doi:.
- ↑ «Understanding the Impacts of Stellar Companions on Planet Formation and Evolution: A Survey of Stellar and Planetary Companions within 25 pc». The Astronomical Journal (3): páxs. 32. marzu 2021. doi:.
- ↑ «The Physical Basis of Luminosity Classification in the Late A-, F-, and Early G-Type Stars. I. Precise Spectral Types for 372 Stars» (n'inglés). The Astronomical Journal (4): páxs. 2148–2158. abril 2001. doi:.
- ↑ 10,0 10,1 V* kap01 Cet -- Variable of BY Dra type (SIMBAD)
- ↑ 11,0 11,1 11,2 Kappa1 Ceti (Stars, Jim Kaler)
- ↑ Kappa Ceti (Solstation)
- ↑ B. Y. Schaefer, J.R. King & C.P. Deliyannis (2000). «Superflares on Ordinary Solar-Type Stars». The Astrophysical Journal 529 (2). páxs. 1026-1030. http://adsabs.harvard.edu/abs/1999astru.ph..9188S.
Coordenaes: 3h 19m 21.696s, 3° 22′ 12.715″
Datos: Q1370413
