Kappa Velorum

Kappa Velorum (κ Vel / HD 81188 / HR 3734)[6] ye una estrella de la constelación Vela, la vela del navío Argo, la cuarta más brillosa de la mesma con magnitú aparente +2,47. Tamién recibe'l nome tradicional de Markeb o Markab, más utilizáu pa designar a la estrella α Pegasi. Ye la estrella menos brillosa de la Falsa Cruz, asterismu que forma xunto a δ Velorum, Avior (ε Carinae) y Aspidiske (ι Carinae).

Ficha d'oxetu celesteKappa Velorum
estrella binaria
Parte de Falsa Cruz (es) Traducir
Datos d'observación
Ascensión reuta (α) 140,52840670833 °[1]
Declinación (δ) −55,01066713417 °[1]
Magnitú aparente (V) 2,473 (banda V)
Magnitú absoluta −3,74
Constelación Vela (es) Traducir[3]
Velocidá radial 21,9 km/s[4]
Parallax 5,7 mas[1]
Radiu 6,9 Radius solars
Tipu espectral B2IV[5]
Otros nomes
Cambiar los datos en Wikidata

Coordenaes: Sky map 9h 22m 6.818s, -55° 0 38.402

CarauterístiquesEditar

Kappa Velorum ye una estrella blancu-azulada —inda na secuencia principal o subxigante— de tipu espectral B2IV-V que se topa a unos 540 años lluz del Sistema Solar. La so lluminosidá ye equivalente a la de 18.400 soles, una vegada considerada la gran cantidá d'enerxía emitida nel ultravioleta, yá que ye una estrella bien caliente que la so temperatura ye del orde de 22.300 K. Tien un radiu 9,1 vegaes más grande que'l del Sol y xira sobre sigo mesma con una velocidá de rotación de siquier 52 km/s, lo qu'implica un periodu de rotación inferior a 8,7 díes. La so masa envalórase en 10 o 11 masa solares. Al ser tan masiva, con una edá envalorada de 16 a 20 millones d'años, ta entrando yá na fase final de la so vida.[7]

Kappa Velorum ye una binaria espectroscópica, que la so compañera completa una órbita alredor d'ella cada 116,65 díes. La distancia media ente dambes ye de siquier 0,5 UA. Ye, amás, una fonte emisora de rayos X, desconociéndose si la radiación provién de la estrella visible o del so acompañante.[7]

Como interés hai de solliñar que, a namái dos graos del polu sur celeste de Marte, pue ser considerada como la estrella polar del sur d'esti planeta.

ReferenciesEditar

  1. 1,0 1,1 1,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. Ulrich Bastian (2000). «Catálogo Tycho-2». Astronomy and Astrophysics:  páxs. 27–30. 
  3. Afirmao en: VizieR. Llingua de la obra o nome: inglés.
  4. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  5. Afirmao en: Rotational velocities and spectral types for a sample of binary systems. Páxina: 91–99. Data d'espublización: 1975.
  6. Kappa Velorum - Spectroscopic binary (SIMBAD)
  7. 7,0 7,1 Markeb (Stars, Jim Kaler)

Coordenaes:   9h 22m 6.818s, -55° 0 38.402