Kaus Australis
Kaus Australis (Épsilon Sagittarii / ε Sgr / 20 Sgr) ye la estrella más brillosa de la constelación de Saxitariu y la trixésimosesta del cielu nocherniegu,[8] anque ostente la denominación de Bayer «épsilon», quinta lletra del alfabetu griegu. Ye una estrella doble con una componente bien lluminosa de magnitú aparente +1,79 y otra muncho más feble de magnitú 14.[9][10]
Nome editar
El nome de Kaus Australis tien un orixe mistu: Kaus remanez del árabe y significa «arcu», ente que Australis remanez del llatín y significa «del sur».[11]
Xunto a Nash (γ2 Sagittarii) y Kaus Meridionalis (δ Sagittarii), en llingua acadia esta estrella yera «Sin-nun‑tu» o «Si-nu-nu‑tum», (l'andarina).[12] Na antigua Arabia, tamién xunto a Nash y Kaus Meridionalis y amás con η Sagittarii, formaba Al Na'am al Warid, «les avestruces diendo», en referencia a que cruciaben el ríu celestial —la Vía Lláctea—.[13]
Carauterístiques físiques editar
Asitiada a 145 años lluz en direición al centru de la Galaxa, Kaus Australis A ta catalogada como una xigante blancu-azulada de tipu espectral B9.5III[14] con una temperatura superficial de 9200 K. La so lluminosidá ye 375 vegaes mayor que la solar, más alta que la que cabría esperar pa una xigante de les sos carauterístiques, polo que tamién foi clasificada como xigante lluminosa. El so radiu, calculáu a partir de la midida direuta del so diámetru angular, ye 7 vegaes mayor que'l radiu solar. Escosáu yá'l so combustible d'hidróxenu, probablemente tien un nucleu d'heliu inerte que se ta contrayendo y caleciendo enantes d'empezar la so fusión en carbonu y oxíxenu.[11] La so edá envalorada ye de 300 millones d'años.[15]
Kaus Australis presenta un baxu conteníu en metales, que pue debese a qu'éstos atópense na parte interna de la estrella, invisibles a la observación direuta en virtú d'una envoltura esterior de gas formada pola so alta velocidá de rotación, 70 vegaes mayor que la del Sol.[11]
Referencies editar
- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Claus Fabricius (marzu 2002). «The Tycho double star catalogue» (n'inglés). Astronomy and Astrophysics (1): páxs. 180–189. doi:.
- ↑ «Rotational velocities of A-type stars in the northern hemisphere. II. Measurement of v sin i» (n'inglés). Astronomy and Astrophysics (3): páxs. 897-911. ochobre 2002. doi:.
- ↑ Ralf-Dieter Scholz (payares 2007). «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9): páxs. 889-896. doi:.
- ↑ Michael McElwain (10 mayu 2007). «Characterization of Dusty Debris Disks: The IRAS and Hipparcos Catalogs» (n'inglés). The Astrophysical Journal (2): páxs. 1556-1571. doi:.
- ↑ «Rotational velocities and spectral types of some A-type stars». Publications of the Astronomical Society of the Pacific: páxs. 584. agostu 1972. doi:.
- ↑ The 500 Brightest Stars in the Sky (Ashland Astronomy Studio)
- ↑ Kaus Australis (y-Sky)
- ↑ Kaus Australis (Catalog of Components of Double and Multiple Stars)
- ↑ 11,0 11,1 11,2 Kaus Australis (Stars, Jim Kaler)
- ↑ 12,0 12,1 Allen, Richard Hinckley (1889). «Sagittarius, the Archer», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 1 de xineru de 2011.
- ↑ Kaus Australis (The Fixed Stars)
- ↑ Name Kaus Australis -- Star in double system (SIMBAD)
- ↑ Rhee, Joseph H.; Song, Inseok; Zuckerman, B.; McElwain, Michael (2007). «Characterization of Dusty Debris Disks: The IRAS and Hipparcos Catalogs». The Astrophysical Journal 660 (2). páxs. 1556-1571. http://cdsads.u-strasbg.fr/cgi-bin/nph-bib_query?2007ApJ...660.1556R&db_key=AST&nosetcookie=1.
Ver tamién editar
Coordenaes: 
18h 24m 10.318s, -34° 23′ 4.619″
Datos: Q14034
