Wikipedia

Kenny Atkinson

Kenneth Neil "Kenny" Atkinson (2 de xunu de 1967, Huntington (es) Traducir) ye un ex-xugador y actual entrenador de baloncestu d'Estaos Xuníos qu'anguaño dirixe a los Brooklyn Nets de la NBA. Con 1,85 metros d'estatura, xuega na posición de base. Tien tamién la nacionalidá española al tar casáu con una sevillana nos años nos que xugó n'España.[1]

Kenny Atkinson
Vida
Nacimientu Huntington (es) Traducir, 2 de xunu de 1967 (57 años)
Nacionalidá Bandera de Estaos Xuníos d'América Estaos Xuníos
España
Llingua materna inglés
Estudios
Estudios St. Anthony's High School (en) Traducir
Universidá de Richmond
Llingües falaes castellanu
Oficiu
Oficiu entrenador de baloncestu, xugador de baloncestu
Trayeutoria
  Equipu
1986–1990 Richmond Spiders men's basketball (en) Traducir
– Wichita Falls Texans (en) Traducir
Posición o especialidá base
Pesu 80 kg
Altor 185 cm
Cambiar los datos en Wikidata

Trayeutoria deportiva

editar

Universidá

editar

Xugó cuatro temporaes colos Spiders de la Universidá de Richmond, onde acabó nel décimu puestu históricu d'anotación, al consiguir 1.549 puntos, y el cuartu n'asistencies, con 464. Los sos ocho triples nun partíu son récor de la universidá.[2] Na so última temporada lideró a los Spiders n'anotación, permediando 18,7 puntos per partíu.[3]

Foi escoyíu Rookie del Añu de la Colonial Athletic Association en 1987, tres promediar 7,5 puntos y 4,0 asistencies per partíu, ya incluyíu nel meyor quintetu de la conferencia en 1989 y 1990.[4]

Profesional

editar

Tres nun ser escoyíu nel Draft de la NBA de 1990, empezó la so carrera profesional en lligues menores del so país, hasta qu'en 1992 dio'l saltu a España pa xugar nun equipu modestu, el Real Canoe, que taba na antigua Segunda División, que pasó a denominase lliga EBA dos años más tarde. D'ende pasó a otru equipu de la categoría, el Vino de Toro Zamora, qu'exercía como filial del equipu de la lliga ACB Club Baloncesto Salamanca, col que namái llegó a apostar pocu más de tres minutos nun únicu partíu.[1][5]

Siguió na lliga EBA al añu siguiente, nel CB Aguas de Calpe, d'onde coló a la lliga italiana, al Partenope Napoli Basket, onde xugó una temporada na que permedió 11,3 puntos y 1,2 asistencies per partíu.[6] D'ende coló al Basketball Löwen Braunschweig alemán, y siguiría la so carrera en diverses lligues europees, sobremanera en Francia, onde xugó n'hasta cinco equipos distintes, acabando la so carrera nel Hermine de Nantes Atlantique en 2004.

Entrenador

editar

Namás acabar la so carrera como xugador empezó la d'entrenador, primero como asistente nel Paris Basket Racing de la Pro A lliga francesa mientres dos años, pa depués tornar al so país y ponese a les órdenes de Mike D'Antoni como'l so asistente nos New York Knicks, y darréu de Larry Drew y Mike Budenholzer nos Atlanta Hawks. En 2015 ponse tamién al mandu de la selección de la República Dominicana.[1]

Namás rematar la temporada 2015-16 de la NBA, los Brooklyn Nets anunciaron la so contratación como entrenador principal.[2]

Referencies

editar
  1. ↑ 1,0 1,1 1,2 endesabasketlover.com baloncestu interior/1325/kenny-atkinson KENNY ATKINSON: L'entrenador de los Nets xugó tres minutos en Salamanca, consultáu n'ochobre de 2016
  2. ↑ 2,0 2,1 richmondspiders.com Richmond Hall of Famer Kenny Atkinson Named Nets Head Coach, consultáu n'ochobre de 2016
  3. ↑ sports-reference.com 1989-90 Richmond Spiders Roster and Stats, consultáu n'ochobre de 2016
  4. ↑ collegehoopedia.com Colonial Athletic Association, consultáu n'ochobre de 2016
  5. ↑ ACB.com CAJA SAN FERNANDO - BALONCESTO SALAMANCA Archiváu 2016-05-19 en Wayback Machine, consultáu n'ochobre de 2016
  6. ↑ legabasket.it estadístiques n'Italia, consultáu n'ochobre de 2016

Enllaces esternos

editar













Sacáu de «https://ast.wikipedia.org/w/index.php?title=Kenny_Atkinson&oldid=4257360»