Kiai
Kiai (気合) ye un términu xaponés usáu nes artes marciales. Nel so orixe trátase quiciabes d'un desendolcu del primitivu “gritu de guerra”, que cunta tamién con numberosos exemplos n’otres cultures (p.e. l'“ixuxú”), pero qu'en Xapón llega a tener bien de matices. Cuando s’espresa como gritu, nun hai un soníu concretu que se pueda considerar como la so pronunciación estándar, masque la mayoría de los principiantes d'artes marciales, como métodu d'aprendimientu, avecen pronuncialu más o menos como “¡kiai!”. Sicasí’l términu nun ye una onomatopeya, sinón el resultáu de pronunciar los dos kanjis que lu formen.
Etimoloxía
editarKiai compónse de los caráuteres 気 (ki: mente, espíritu, o aliendu) y 合 (ai: harmonía, xunión), colo que lliteralmente significa "espíritu concentráu” o “espíritu xuníu”. Ensin embargu, pa Frederick John Lovret, "Hai que se decatar de qu'ai, el lexema del verbu au, nun significa "xunir" nesti casu: cuando s’usa na segunda posición d'una pallabra compuesta, ai conviértese nun marcador enfáticu. Poro, había que traducir kiai como "¡espíritu!", non como "espíritu xuníu".[1].
Usu nes artes marciales
editarNes artes marciales, el términu refierse davezu a un tafaríu curtiu (de mano non un glayíu) que se produz enantes o a la vez qu'un golpe o téunica. Nes artes marciales de Corea esti soníu conozse como Yatz o Kihap (기합). Nel bujutsu (artes de guerra xaponeses), ta davezu arreyáu a una aunión interna d'enerxía que se llibera nuna sola concentración esplosiva de voluntá. Los estudiantes d'artes marciales xaponeses como aikido, kárate, kobudo, kendo o yudu (inclusive artes rellacionaes como la de los tambores taiko) nun s’esforcien sinón que más bien dexen que’l propiu Ki surda del so Tanden (Hara) cuando faen una téunica. Tamién se refier equivocadamente’l kiai al gritu qu'acompaña a delles téuniques cuando se faen kates.
A veces llámase kiaijutsu al arte xaponés d'usar el kiai cuando se prautiquen les artes marciales. L’usu correutu del kiaijutsu implica concentrase nel usu del propiu ki más qu'en gritar. Un soníu nun ye más qu'una indicación oyible de bon kiai (estructura corporal alliniada, intención concentrada y bona respiración). Pero’l kiai pue ser silenciosu,[2] una coordinación de respiración y actu. Un tafaríu relaxáu y potente pue añadir puxu al movimientu. Ye más propio referise a esto como poder kokyu. Kokyu y kiai úsense munches veces de forma indistinta. El términu kokyu cuasi siempre se traduz como “poder de la respiración”, aproximao como’l términu chinu “nei jin”. Lo importante ye l'habilidá de coordinar l'aliendu cola execución d'un movimientu.
Dizse que’l ruíu d'un kiai surde del hara (dantian en chinu), por mor d'incluyir los músculos abdominales y el diafragma y non producise únicamente cola larinxe.[3]
Arriendes de lo dicho enriba, el kiai pue usase pa:
- Preparase pal combate multiplicando la enerxía.
- Protexer la metá cimera del troncu d'un golpe y fornir una ruta d'escape pal aire echao.
- Protexer la metá inferior del troncu contrayendo aína los abdominales tresversales y otros músculos mayores, protexendo los múerganos internos.
- Fornir un fuerte sofitu abdominal pa les téuniques de golpiar.
- Amedranar y desenfotar a los adversarios inespertos o asustadizos, sobre too si se fai cerca o de sópitu.
Kiai y aiki
editar
Kiai y Aiki coesisten en toles artes marciales xaponeses. Los dos términos usen los mesmos kanjis, pero tracamundiaos, y pueden considerase como los aspeutos internu y esternu del mesmu principiu.[4] Delles escueles d'artes marciales usen estos términos indistintamente. Otramiente’l Kiai ta rellacionáu cola manifestación, emisión o proyeición de la propia enerxía (fuercia interna), mentanto Aiki ta rellacionáu cola coordinación de la propia enerxía cola enerxía d'una fonte esterna. D’esti mou kiai ye la espresión o proyeición de la nuesa enerxía interna propia, mientres qu'aiki ye la coordinación cola enerxía d'un atacante.
Esti usu del kiai como fuercia interna, o usu del propiu ki[5], alcuéntrase davezu n’artes “aiki” como l'aikijujutsu y l'aikido.[6] En delles escueles como la Sociedá Ki, “caltener el puntu unu” (concentración nel dantian) descríbese como kiai.[7]
Notes
editar- ↑ Don Oberloh, traductor del “Hyaku Jiten no Bugei” de Sakiyama Akatsuki, caltién que "Aiki y Kiai son intercambiables, y como dualidaes nel nuesu universu coesisten simultáneamente. El kanji pa Kiai refierse al Ki d'ún, que se mezcla coles intenciones del enemigu d'ún.” (Oberloh-187) Definición de Kiai Archiváu 2007-10-17 en Wayback Machine
- ↑ «Kiai silenciosu». Archiváu dende l'orixinal, el 2007-12-21.
- ↑ «Emisión del Kiai». Archiváu dende l'orixinal, el 2007-12-13.
- ↑ «Kiai vs aiki». Archiváu dende l'orixinal, el 2013-10-08.
- ↑ «Usar el propiu Ki». Archiváu dende l'orixinal, el 2007-12-13.
- ↑ «Usu nes artes aiki». Archiváu dende l'orixinal, el 2012-02-05.
- ↑ «Kiai como “Caltener el Puntu Unu”». Archiváu dende l'orixinal, el 2012-06-28.
Bibliografía
editar- Don Oberloh "The Dojo Desk Reference- Translation of "Hyaku Jiten no Bugei" by Sakiyama Akatsuki. Densho Publications Honolulu, Hi. (2006) ISBN - 0-9787198-0-8, Library of Congress # 200669487324
- E.J. Harrison, The Fighting Spirit of Japan Overlook TP; Reprint edition (1988) ISBN 0-87951-154-0
- Forrest E. Morgan, Living the Martial Way: A Manual for the Way a Modern Warrior Should Think,Barricade Books, 1992, ISBN 0-942637-76-3
The Dojo Desk Reference is now available on iTunes, Lulu and Kindle for only $9.99.
Enllaces esternos
editar- Páxina sobro’l kiai Archiváu 2007-12-13 en Wayback Machine
- Aiki: A State of Union, por Ellis Amdur Archiváu 2012-03-14 en Wayback Machine