Koyra chiini

El koyra chiini ([kojra tʃiːnin], literamente 'llingua de la ciudá', o songhay occidental) ye una variedá de songhai falada en Mali por unes 200 mil persones (1999) a lo llargo del ríu Níxer en Tombuctú y ríu arriba dende les llocalidaes de Voi Dicir, Tonka, Goundam y Niafunké, según na llocalidá saḥariana d'Araouane al norte. Nesta rexón, el koyra chiini ye la llingua demográficamente más importante y tamién llingua franca de la rexón, usada tamién poles minoríes que intragrupalmente usen l'árabe hasaniyya, llingües tuareg o'l fulani.

Koyra 'Koyra chiini'
Faláu en	Malí
Rexón	SO. de Níxer
Falantes	200 mil (1999)
Familia	Nilo-saḥarianu Songhay Songhay occidental Idioma koyra
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nengún
ISO 639-2
ISO 639-3	`khq`

El Djenné chiini [dʒɛnːɛ tʃiːnin], ye una variante dialeutal del koyra chiini falada en Djenné, que ye mutuamente comprensible con él, anque tien diferencies sistemátiques col koyra chiini puramente dichu (en particular, tien dos vocales adicionales /ɛ/ y /ɔ/) según delles diferencies sintáticas rellacionaes cola focalización. Al este de Tombuctú, el koyra chiini da pasu abruptamente a otra llingua songhay distinta, el koyraboro senni.

A diferencia de la mayoría de llingües songhay, en koyra chiini el tonu nun ye fonémicamente distintivu, y tien un orde sintácticu básicu Suxetu Verbu Oxeto más que SOV como asocede n'otres llingües songhay. Amás presenta'l cambéu de la z orixinal a j.

Referencies

Bibliografía

Jeffrey Heath, 1998. A Grammar of Koyra Chiini, the Songhay of Timbuktu. Mouton de Gruyter: Mouton Grammar Series. ISBN 3-11-016285-7.
ed. Jeffrey Heath, Wilhelm J. Möhlig, 1998. Texts in Koyra Chiini Songhay of Timbuktu, Mali. Ruediger Koeppe. ISBN 3-89645-260-6.
Jeffrey Heath, Dictionnaire Songhay-Anglais-Français: Tome 1 - Koyra Chiini, ou "songhay de Tombouctou", Tome 2 - Djenné Chiini, ou "songhay de Djenné". L'Harmattan:Paris 1998. ISBN 2-7384-6726-1.

Enllaces esternos

Ethnologue