Kurt Kasznar
Kurt Kasznar (12 d'agostu de 1913, Viena – 6 d'agostu de 1979, Santa Monica) foi un actor teatral, cinematográficu y televisivu d'Estaos Xuníos.
Kurt Kasznar | |
|---|---|
 | |
| Vida | |
| Nacimientu | Viena[1], 12 d'agostu de 1913[2] |
| Nacionalidá |
 Estaos Xuníos  Austria |
| Muerte | Santa Monica[3], 6 d'agostu de 1979[2] (65 años) |
| Causa de la muerte | cáncanu |
| Familia | |
| Casáu con |
Cornelia Woolley (en)  Leora Dana (1950 – 1958) |
| Fíos/es | 1 |
| Oficiu | actor de teatru, actor de cine, escritor, actor de televisión |
| IMDb | nm0441069 |
 | |
Biografía
editarNacíu en Viena, Austria, el so verdaderu nome yera Kurt Servischer. Siendo Kurt bien nuevu, el so padre dexó a la familia, polo que la so madre casóse más tarde con un propietariu de restorán húngaru llamáu Ferdinand Kasznar, que dio l'apellíu a Kurt.
Emigró a Estaos Xuníos mediada la década de 1930 pa participar na ópera oratoriu de Kurt Weill The Eternal Road, na cual interpretó doce papeles. En 1941 foi reclutado pol Exércitu de los Estaos Xuníos, recibiendo entrenamientu como direutor de fotografía y sirviendo nel Teatru del Pacíficu mientres la Segunda Guerra Mundial. Foi destináu a una unidá de fotografía, y formó parte del equipu que rodó la firma del Acta de Rindición de Xapón a bordu del USS Missouri (BB-63).
La primer actuación importante de Kasznar en Broadway tuvo llugar na pieza The Happy Time, nun papel que darréu interpretó na adautación cinematográfica, y pol cual foi nomáu a un Globu d'Oru. Otres obres qu'interpretó en Broadway fueron Barefoot in the Park, Esperando a Godot, Sei personaggi in cerca d'autore y The Sound of Music, siendo nomáu pola so actuación nesta postrera a un Premiu Tony.
Kasznar tamién trabayó nel cine y na televisión, totalizando más de 80 actuaciones. En televisión destacó'l so trabayu como "Alexander Fitzhugh" na serie Tierra de Xigantes. Ente los sos llargumetraxes inclúyense Lili, Kiss Me, Kate, The Last Time I Saw Paris, My Sister Eileen, A Farewell to Arms y 55 díes en Beixín.
En 1938 Kasznar casóse cola heredera d'Estaos Xuníos Cornelia Whooley, que finó en 1948. Tuvieron una fía, la periodista Susan Lee Kasznar. En 1950, trabayando en Broadway, conoció a la so segunda esposa, l'actriz Leora Dana, cola que se casó en 1950 y de la que se divorció en 1958.
Kurt Kasznar finó por causa de un cáncer en Santa Monica (California) en 1979.
Filmografía parcial
editar- Talk About a Stranger (1952)
- The Happy Time (1952)
- Lili (1953)
- Ride Vaquero! (Una vida por otra) (1953)
- Kiss Me Kate (1953)
- Tolos hermanos yeren valientes (1953)
- Give a Girl a Break (Trés chiques con suerte) (1953)
- Valley of the Kings (El valle de los reis) (1954)
- The Last Time I Saw Paris (1954)
- My Sister Eileen (1955)
- Anything Goes (1956)
- A Farewell to Arms (Adiós a les armes) (1957)
- Legend of the Lost (Arenas de muerte) (1957)
- Arms and the Man (1958)
- Coloráu atapecer (The Journey, 1959)
- For the First Time (Per primer vegada) (1959)
- 55 díes en Beixín (1963)
- Casino Royale (1967)
- The Perils of Pauline (1967)
- The Ambushers (1967)
Referencies
editar- ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Identificador GND: 134572572. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
Enllaces esternos
editar
Wikimedia Commons tien conteníu multimedia tocante a Kurt Kasznar.- Kurt Kasznar na Internet Movie Database (n'inglés)
- Biografía de Kurt Kasznar
Datos: Q113997- Multimedia: Kurt Kasznar
