L'Entregu Club de Fútbol

L'Entregu Club de Fútbol ye un club de fútbol español de la llocalidá de L'Entregu, n'Asturies. Fundóse en 1939 y xuega los sos partíos como llocal nel estadiu Nuevu Nalón, inauguráu'l 17 de setiembre de 1997.

L'Entregu Club de Fútbol
Situación
País	España
Autonomía	Principáu d'Asturies
Provincia	Provincia d'Asturies
Conceyu	[[Samartín del Rei Aurelio|{{{2}}}
Parroquia	[[San Andrés de Llinares|{{{2}}}
Llugar	[[L'Entregu|{{{2}}}
Estáu	España
Datos
Tipu	club de fútbol
Fundáu en	1996
Entrenador	José Antonio Redondo
Categoría	Tercer División d'España
Uniforme
Titular Alternativu

Historia

L'Entregu Club de Fútbol nació en 1939 frutu de la fusión ente l'Arenas de Santana y el Sporting del Norte, que xurdieren na llocalidá unos años enantes. L'equipu empecipió les sos andadures na Segunda Rexonal d'Asturies na temporada 1941/42 y na campaña 1949/50, dempués de facese col campeonatu de la categoría, llogró l'ascensu a Primera Rexonal. Na temporada 1954/55 la entidá llogra rematar na primer posición del grupu de Xixón, teniendo por tantu que disputar la promoción d'ascensu contra'l primer clasificáu del grupu d'Uviéu, que foi'l C. D. Mosconia de Grau. Nel primer partíu d'esta promoción el resultáu foi de 2-1 favorable al Mosconia y, nel segundu, de 1-0 favorable a la Unión de "El Entrego" (que yera como se conocía entós daquella al club). Por cuenta d'ello, foi necesario facer un partíu de desempate nel que la Unión consigue vencer al Mosconia y llogra'l títulu de campeón de primera Rexonal y el derechu a xugar la lliguina d'ascensu a Tercer División. Nesta liguina consíguise l'ascensu.

Na temporada 1955/56 el club debuta en Tercer División llogrando'l tercer puestu. Na temporada 1956/57 empieza la so meyor dómina, acabando como primer clasificáu de la categoría, lo que-y da derechu a xugar la promoción d'ascensu a Segunda División. Nella, mídise a l'A. D. Plus ultra, filial del Real Madrid C. F., venciendo en L'Entregu por 5-3 pero sufriendo un 7-0 en Madrid, polo que l'equipu quedó desaniciáu de la promoción. Na temporada 1957/58 el club vuelve quedar clasificáu como primeru del so grupu y repite presencia na promoción pa xubir a la categoría de plata. Esta vegada mídise al Turista de Vigo, al que ye a ganar (1-2 y 3-1) y al Barakaldo C. F. al que vence por 4-2 en L'Entregu pero pierde por 5-0 en Barakaldo y vuelve quedar fuera de la promoción d'ascensu.

Na temporada 1961/62 consíguese'l record, entá vixente, d'asistencia a un partíu en L'Entregu, cola visita del U. P. Llangréu per vegada primera al campu del Nalón. Por cuenta de los problemes económicos el club sume en 1963. En 1964 xurde El Entrego Club Deportivo, que s'incribe en Segunda Rexonal y, a la fin de la temporada, llogra l'ascensu en venciendo la promoción primeramente disputada. Na siguiente temporada'l club fai una bona campaña y llogra l'ascensu a Tercer División, na que llograría permanecer non ensin dificultaes hasta la temporada 1969/70. Dende la temporada 1970/71 hasta la temporada 1977/78 el club apuesta los sos partíos en Primera Rexonal con delles promociones d'ascensu incluyíes pero perdiéndoles toes hasta que, en 1978, el club llogra otra vegada l'ascensu a Tercera.

Hasta la temporada 1980/81 el club llogra salvar la categoría quedando una temporada en metá de la tabla y na siguiente nos puestos de cola, pero por cuenta d'una reestructuración de les categoríes l'equipu llogra salvase. En 1981, en rematando en 19ª posición, produzse'l descensu a Rexonal Preferente y al añu siguiente, asocede un nuevu descensu pasando a militar el club en Primera Rexonal. Na temporada 1983/84 el club llogra de nuevu l'ascensu a Rexonal Preferente y, dos temporaes más sero, na 1985/86 llógrase un nuevu ascensu a Tercer División, categoría na que se caltuvo hasta la temporada 1988/89, clasificándose n'últimu llugar teniendo que xugar la promoción escontra'l Sporting de Gijón Atlético. Al perder esta promoción l'equipu pierde tamién la categoría.

Na siguiente temporada'l club remata en metá de la tabla en Rexonal Preferente y, darréu del mínimu sofitu de l'afición, decide fusionase l'equipu col C. D. San Martín pa intentar realzar el fútbol nel conceyu. Tres seis años de fusión, l'equipu resultante d'ella sume al tener graves problemes económicos y sociales. Por ello, créase L'Entregu Club de Fútbol a manera de continuación de la Unión de El Entrego y El Entrego Club Deportivo. Esti nuevu equipu inscríbise en Segunda Rexonal pa la temporada 1997/98 y milita nella hasta l'ascensu a Primera Rexonal consiguíu na temporada 1999/00.

Dende la temporada 2000/01 el club xuega los sos partíos en Primera Rexonal llogrando l'ascensu a Preferente na temporada 2006/07. Na primer temporada en Rexonal Preferente l'equipu clasifícase en 15ª posición calteniendo por tanto la categoría. La temporada 2008/09 ye la meyor de la nueva dómina del club y ésti acaba na 10ª posición. Na temporada 2009/10, que destaca poles numberoses goliaes impartíes pol equipu nel so feudu, el club remata la temporada en 16ª posición namái dos puntos penriba'l descensu a Primera Rexonal. Na temporada 2011/12, l'equipu consiguió xubir a Tercer División al ganar por 1-2 al Urraca C. F. y quedar en 3ᵉʳ posición, con setenta puntos.

Na temporada 2012/13 debuta en Tercer División cola so actual denominación, terminando nuna meritoria séptima plaza.

Uniforme

L'actual uniforme del equipu consta de camiseta a rayes verticales blanques y bermeyes, pantalones azules y medies bermeyes. Estos son los colores que siempres identificaron al club tantu na so dómina actual como nes anteriores. La segunda equipación del club consta de camiseta blanca, pantalones bermeyos y medies blanques.

Escudu

L'escudu actual del club consta d'un triángulu invertíu a rayes verticales coloraes y blanques (4 coloraes y 3 blanques) con un reborde en blancu y un balón de fútbol nel centru. Presenta amás dos semicírculos trevesaos per llinies azules na parte cimera sobre una inscripción en lletres coloraes sobre fondu buxu que dicen L'Entregu Club de Fútbol.

Estadiu

El club xuega los sos partíos como llocal nel estadiu Nuevu Nalón, que s'inauguró en 1997 en sustitución del vieyu estadiu Nalón nel que l'equipu xugaba siempres los sos partíos pero, por cuenta de qu'atopábase en terrenos polos qu'escurre la carretera AS-17, esbarrumbáronlu. El nuevu estadiu cunta con capacidá pa unos 1200 espectadores de los que 700 son asientos y 1000 son a cubiertu na tribuna principal del campu.

Plantía

• Plantía del L'Entregu Club de Fútbol de la temporada 2024 - 2025

Enllaces esternos

• Datos: Q6455677