La 7 (Rexón de Murcia)
La 7 ye la televisión pública autonómica de la Rexón de Murcia. Pertenez al Ente Públicu Radiotelevisión de la Región de Murcia, que ta constituyíu poles sociedaes públiques Onda Regional de Murcia y Televisión Autonómica de Murcia, S.A. (TAM, S.A.), responsables de les operaciones de les sos operaciones de radio y televisión. Ta integrada na Federación d'Organismos de Radio y Televisión Autonómiques (FORTA).
| La 7 (Rexón de Murcia) | |
|---|---|
| canal de televisión | |
 | |
| Direición | España |
| Historia | |
| Fundación | 2006 |
| Web oficial | |
 | |
La sede central asítiase na ciudá de Murcia y cuenta con delegaciones en Cartagena, Lorca, Yecla y Madrid. El centru de producciones alcuéntrase nel Centru Integráu de Tresportes de Murcia, na pedanía de Sangonera la Verde.
Entamó les sos emisiones en prebes n'analóxicu el 14 d'abril de 2006 cola tresmisión en direutu de les procesiones de Selmana Santa de les ciudaes de Murcia, Cartagena y Lorca. A finales del mes de xunu de 2006, 7RM entamó les emisiones tamién por TDT, al pie d'otres televisiones autonómiques de calter priváu (Canal 6, Televisión Murciana y Popular TV).
El 20 de setiembre de 2006 la canal entamó a emitir les 24 hores del día, anque la so programación definitiva nun llegaría hasta'l 23 d'ochobre del mesmu añu.
Anguaño emite programes informativos, debates, tresmisiones de la lliga de Primer División, Segunda División y Lliga de Campeones, asina como partíos de Segunda B de los equipos e la rexón. Pola televisión murciana pasaron tamién rostros conocíos del panorama televisivu español como Antonio Hidalgo (Los 7 magníficos), Irma Soriano (Así es la vida con Irma Soriano) y Carlos Sobera (Como si fuera ayer).
Dende agostu de 2009 cuenta con una segunda canal n'alta definición nomáu 7RM HD. Emite pa tola rexón al traviés de la canal 29 de TDT. Esta señal convirtióla na cuarta cadena de televisión del Estáu español n'emitir con teunoloxía HD.
Tola programación propia de la cadena ta producída en formatu panorámicu (16:9) mesmo que la publicidá.
El so presupuestu nel añu 2007 algamó los 45 millones d'euros.
N'actualidá, la sociedá que xestiona la producción audiovisual y la publicidá de 7RM ye'l Grupo Empresarial de Televisión de Murcia, S. A. (GTM).
Programes y series qu'emite anguaño 7RM
editar
Programes
editar- Aquí si hay playa: Programa d'entretenimientu sobre les costumbres de los veraneantes nun tonu desenfadáu y divertíu.
- Informativos 7RM
- Es verano, ¡a jugar! Programa d'entretenimientu nel que dos equipos, un masculín y otru femenín, capitaneaos por un famosu, tendrán de realizar una serie de xuegos y prebes de destreza. Ta presentáu por Ximo Rovira.
- Como si fuera ayer: Programa d'entretenimientu, presentáu por Carlos Sobera, que revive lo más destacao de la historia recién.
- Grand Prix del verano : Concursu nel que cada branu compiten diferentes pueblos de la xeografía española en diverses prebres físiques.
- Generación de estrelles: Talent show producíu xunto a otres televisiones autonómiques del Estáu (Telemadrid, Canal Sur, Aragón TV, Canal 9, Castilla La Mancha TV y 7RM).
- A tu vera: Talent show presentáu por Vicky Martín Berrocal nel que diez participantes de Murcia y Castiella-La Mancha intentarán convertise n'artistes reconocíos dientro del mundu de la copla.
- Tenemos trabajo: Programa divulgativu nel que s'ufre a los espectadores tola información rellacionada con ufiertes d'emplegu, situación del mercáu, cursos de formación, beques y conseyos.
- Explorers: Programa documental onde cuatro extranxeros visiten y descubren Murcia.
- Calle Mayor: Programa divulgativu sobre les tradiciones de Murcia.
- Buenos días: Programa informativu qu'aborda l'actualidá rexonal, nacional ya internacional.
- Buenos días. El Magazine: Programa magazine de les mañanes onde se debaten temes d'actualidá informativa con diferentes seiciones de salú, sucesos, deportes y corazón.
- Murcianos por el mundo: Programa documental sobre murcianos que viven nel estranxeru.
- De la tierra al mar: Programa divulgativu que reflexa los asuntos qu'interesen a los homes y muyeres de la huerta y la mar.
- Desde aquí: Informativu onde seis reporteros visiten diversos rincones de la Rexón tres les noticies o acontecimientos más curiosos del día.
- La 7 en Juego: Programa informativu qu'asoleya les tresmisiones deportives de la cadena.
- Al natural: Espaciu dedicáu a l'actualidá taurina.
- De 7 en 7: Programa informativu qu'aborda temes concernientes a l'actualidá de la rexón.
- Los 7 magníficos: Talent show presentáu por Antonio Hidalgo.
- En el punto de mira: Programa d'investigación periodística, presentáu por Nacho Gómez.
- Azufre Rojo: Tertulia lliteraria.
- Gana tu suerte: Concursu presentáu por Antonio Hidalgo.
- Zona Champions: Programa deportivu colos resúmenes de los partíos de la fase previa disputados esi mesmu día y cola previa de los alcuentros del día siguiente.
- Zona Champions. Magazine: Programa especial sobre la UEFA Champions League.
- Paisajes con encanto: Documental onde s'amuesen diferentes paisaxes de la rexón de les manes de conocíes figures de la sociedá murciana.
- The most extreme:
- Todos nosotros: Programa divulgativu sobre les tradiciones de la Rexón
- Al cabo de la calle: Programa divulgativu sobre llugares destacaos de la Rexon de Murcia.
- Dime si me quieres Programa d'entretenimientu de romance y amistá.
Series
editar- Nip Tuck
- Bonanza
- Crónicas Vampíricas
- The Virginian
- Valeria. Telenovela
- El Zorro, la espada y la rosa. Telenovela
- Secreto de amor. Telenovela
- Terra Esperanza. Telenovela.
- Fiscal Chase
- Missing
- V: La batalla final.
- El Guardián. Segunda temporada.
- La familia Monster hoy.
- Ninja Warrior.
- Water rats. Tercer temporada.
Instalaciones
editar- Centru de Producción en Sangonera la Seca:
- Avda. Alhama 1. Centro Integrado de Transportes, 30835 Sangonera la Seca, Murcia.
- Sede Central en Murcia:
- Plaza de San Agustín nᵘ 5, 30005 Murcia.
Referencies
editarEnllaces esternos
editar- La 7 en castellanu
- FORTA en castellanu
- Televisión Digital (TDT) en castellanu
- Asociación Rexonal d'Empresarios de Telecomunicaciones de Murcia (ARETELMUR) Archiváu 2022-09-23 en Wayback Machine en castellanu
- Radio Televisión de Murcia (RTRM) en castellanu
Datos: Q3049833
