La Foz (Sobrecastiellu)
La Foz[2] ye una aldea[3] del conceyu de Casu asitiáu ente los pueblos de Bezanes y Pendones, a 8 km de la capital del conceyu, El Campu, y a 66 km de la capital d'Asturies, Uviéu, pela carretera AS-17 ente Avilés y el Puertu de Tarna (1.490m).
 La Foz | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Casu |
| Parroquia | Sobrecastiellu |
| Partíu xudicial | Llaviana |
| Tipu d'entidá | aldea |
| Nome oficial | La Foz (ast)[1] |
| Más información | |
| Estaya horaria | UTC+01:00 |
 | |
Población editar
Antaño la población del pueblu superaba los 100 habitantes, toos ellos dedicaos a la ganadería, agricultura y trabayos tradicionales, güei sigue siendo asina pero la población cayó hasta los 27 habitantes, con una media d'edá que roza los 60 años, esti despoblamientu prodúxose tres la década de 1960, cuando la población coló pa les ciudaes onde había trabayu.
Clima editar
El clima ye atlánticu de montaña, a una altitú de 666 metros, l'iviernu ye muncho más duru que na costa, siendo más paecíu nel branu. Les lluvies superen los 1.500 l/m² añales y les temperatures oscilen ente los 18/20ºC del branu y los -2/-5º del iviernu.
Natura editar
El pueblu alcuéntrase en plenu corazón del Parque de Redes, cruzáu pela metá pol ríu Nalón y en un valle montañosu.
- la fauna montés compónenla urogallos, osos, llobos, esguiles, raposos, xabalinos, venaos, robezos y corzos ente otres especies amás del ganáu tradicional de vaques (vaca casina), cabres, caballos y oveyes.
- La flora montés alcuéntrase en gran cantidá, ente les especies típiques tan, los carbayos, les castañales, los cerezales, les fayes, los miruéndanos, los arándanos y les ortigues, tamién cuenta con dalguna zona de pumaraes y güertos.
Referencies editar
- ↑ «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 20 marzu 2023.
- ↑ «Espediente colos topónimos oficiales de Casu». BOPA.
- ↑ «SADEI: Noménclator d'entidaes del Principáu d'Asturies» (en castellanu).
Enllaces esternos editar
Datos: Q13147377
