La Rebollada (Quimarán)
La Rebollada ye una entidá de población de la parroquia de Quimarán, en Carreño.
 La Rebollada | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Carreño |
| Parroquia | Quimarán |
 | |
L'INE establez que La Rebollada ye un llugar de 158 habitantes (84 homes y 74 muyeres). El so códigu de referencia ye 33 014 050600. [1]
Alcuéntrase a una distancia de Candás, capital del conceyu, de 5 km. Tien una altitú máxima de 70 m sobre'l nivel del mar. Pal añu 2001 contaba con 83 viviendes, 62 principales y 21 non principales. [2]
Topónimu editar
Fala Xosé Lluis García Arias[3], na estaya "Robléu, Carbayéu, Rebollada":
- "Relaiciónense col diminutivu de robur —> *RO BU LLUM ‘roblín’: [...]
- Son coleutivos:
- La Rebollada (Pi, Vv, Cb, Xx, Cñ, Cr, Lla, Pz, Gr, Cd, Sl), La Rebollada (Sm, Ti), La Rebollá (Si, Uv, Sr, Llv, Mi, Qu), A Rebollada (Ef, Tp)."
Sitios d'interés editar
Quinta Clarín[4] editar
Esta casona del númberu 54, ye'l solar de la familia García-Alas, y ye conocida con esti nome al pasar nella llargues estancies y los braneos l'escritor Leopoldo Alas"Clarín". La Quinta fue reedificada pol so fíu Adolfo en 1911 sobre los cimientos de la vieya casona o Palacio de los Señores de Alas.
Tien tres pisos y una superficie aproximada de 173 m². Conserva la casa central de dos plantes y corredor; capiella de piedra de 1871, con altar modernizáu, consagrada a la Purísima Concepción; y la caseta sobre'l mirador. Antiguamente existió una panera, que foi reconstruyía como horru en 1975.
Ye propiedá de la viuda de José Sánchez Clima, que-y la mercó a la nuera de Clarín.
Fontes editar
La fonte'l Cellero [5]ta mui vinculada a la familia Alas, tando nún de los estremos de la Quinta de Clarín. Ye fonte, llavaderu, esclariaderu y bebederu.
Tamién en La Rebollada ta la fonte los Rosales[6].
Referencies editar
Enllaces esternos editar
Datos: Q13147400
