Wikipedia

Laura Casielles

escritora asturiana

Laura Casielles (5 de xunu de 1986, La Pola Siero) ye una periodista y escritora asturiana. Anguaño[¿cuándo?] ye direutora de conteníos del Institutu 25M pa la Democracia.[2] Ente 2014 y 2017 ocupó diverses responsabilidaes nel área de prensa y comunicación de Podemos, formación na que tamién formó parte del Conseyu Ciudadanu.

Laura Casielles
Vida
Nacimientu La Pola Siero[1], 5 de xunu de 1986[1] (38 años)
Nacionalidá España
Estudios
Estudios Universidá Complutense de Madrid
Universidá Nacional d'Educación a Distancia
Institutu d'Estudios Políticos de París
Llingües falaes castellanu
Oficiu escritora, poeta
Premios
Xéneru artísticu poesía
Cambiar los datos en Wikidata

Casielles ye Llicenciada en Periodismu pola Universidá Complutense de Madrid, Máster n'Estudios Árabes ya Islámicos Contemporáneos pola Universidá Autónoma de Madrid y Llicenciada en Filosofía pola UNED. La so investigación doctoral enceta la lliteratura en llingua española escrita por autores d'orixe marroquín y saḥarianu.

Como poeta, publicó los llibros Soldado que huye (Hesperya, 2008), Los idiomas comunes (Hiperión, 2010) publicáu gracies al Premiu de Poesía Nueva Antonio Carvajal y gallardoniáu col Premiu Nacional de Poesía Nueva Miguel Hernández en 2011. En 2014 apaeció Las señales que hacemos en los mapas (Libros de la Herida). Tamién publicó'l cuadiernu Breve historia de algunas cosas (4 d'agostu, 2017).

Escribe en medios como La Marea, La Madeja, Atlántica XXII, La Tribu o Liberoamérica, ente otros. Foi una de los fundadores y coordinadores del portal d'información sobre la vida árabe AISH. Como traductora del francés publicó Desde la otra orilla (Valparaíso, 2017), una antoloxía del poeta marroquín Abdellatif Laâbi.

Obra poética

editar
  • Breve historia de algunas cosas.4 d'agostu, 2017.
  • Las señales que hacemos en los mapas, 2014.[3]
  • Los idiomas comunes. Hiperión, 2010.[4]
  • Soldado que huye. Hesperya, 2008. (Autoedición) [5]

Referencies

editar
  1. ↑ 1,0 1,1 URL de la referencia: https://transparencia.podemos.info/perfil/estatal/laura-casielles-hernandez.
  2. ↑ «Institutu 25M Democracia» (castellanu). Consultáu'l 25 de marzu de 2018.
  3. ↑ Libros de la Herida
  4. ↑ «Hiperion». Archiváu dende l'orixinal, el 19 de xineru de 2012. Consultáu'l 14 de payares de 2011.
  5. ↑ Hesperya

Enllaces esternos

editar
Sacáu de «https://ast.wikipedia.org/w/index.php?title=Laura_Casielles&oldid=4257881»