Abrir el menú principal

Liliana Castañón Cerceda (Uviéu, 13 d'agostu de 1984) ye una cantante asturiana de tonada destacada en delles ocasiones col Memorial Silvino Argüelles (años 2003, 2004 y 2005).

Liliana CastañónPicto infobox character.png
Vida
Nacimientu

Uviéu1984

(34/35 años)
Nacionalidá Bandera d'España España
Estudios
Llingües castellanu
Oficiu
Cambiar los datos en Wikidata

Aunque nacía n'Uviéu, vivió dende neña en Mieres, entamando a participar en concursos de canción asturiana a la edá de 13 años, algamando nel añu 1997 el primer premiu na categoría infantil nos certámenes de Samartín del Rei Aurelio y La Nueva. Tamién algamaría premios en categoría absoluta como los conquistaos, tamién nel concursu de La Nueva na so decimosegunda edición, onde tamién ganaría'l premiu de canción minera. Tuvo como maestres a dos grandes voces de la tonada, Chucha de Nembra y Diamantina Rodríguez.

Liliana forma parte d'una xeneración de cantadores moces que-y dio un nuevu puxu a la tonada nel sieglu XXI, y de la que tamién formen parte Anabel Santiago, Marisa Valle Roso, Lorena Corripio o Bibiana Sánchez.

Editaría'l discu Nel café de la esquina col Liliana Castañón Quartet xunto con dellos músicos vinculaos al jazz y la música clásica: Sara Illana, flauta; Fernando Arias, percusión; Xaime G. Arias, piano, y Oscar Santos, baxu.